वर्ल्‍ड बँकेने भारताच्या विकासदराचा अंदाज घटवला:2024 मध्ये भारताचा GDP 6.3% राहण्याचा अंदाज

येत्या आर्थिक वर्षासाठी वर्ल्ड बँकेने भारताच्या जीडीपीच्या विकासदराचा अंदाज घटवला आहे. मंगळवारी जारी झालेल्या आपल्या ताज्या अहवालात वर्ल्ड बँकेने म्हटले आहे की उत्पन्न मंदावल्याने खरेदी घटली आहे, यामुळे भारताच्या जीडीपीचा विकासदर 6.3% राहू शकतो.

आर्थिक वर्ष-24 मध्ये किरकोळ महागाई 6.6% वरून घटून 5.2% होईल

वर्ल्ड बँकेने आपल्या अहवालात म्हटले आहे की गेल्या आर्थिक वर्षाच्या दुसऱ्या सहामाहीत किरकोळ नरमीनंतर भारताच्या जीडीपीचा विकासदर लवचिक राहण्याची आशा आहे. आर्थिक वर्ष 2023-24 मध्ये भारताचा किरकोळ महागाई दर 6.6% वरून घटून 5.2% होईल. तर करंट अकाऊंट डेफिसिटही आर्थिक वर्ष-24 मध्ये 5.2% राहण्याची आशा आहे.

वर्ल्ड बँकेने भारताच्या जीडीपीचा विकासदर अंदाज 6.6% वरून 6.3% केला

वर्ल्ड बँकेने आर्थिक वर्ष 2023-24 साठी जीडीपी विकासदर अंदाजात सुधारणा करत तो 6.6% वरून 6.3% केला आहे. मंदावलेली खरेदी आणि आव्हानात्मक बाह्य स्थिती बघता जीडीपीचा विकासदर कमी राहण्याचा अंदाज आहे. तर खरेदी किंमत, मंदावलेले उत्पन्नाचा खासगी उपभोगावर परिणाम होईल. तर महामारीशी संबंधित घटकांमुळेही सरकारी कंझम्प्शन मंदावण्याची शक्यता आहे.

ऑक्टोबर-डिसेंबर तिमाहित सेवा निर्यात उच्चांकावर होती

विश्लेषक आणि अर्थतज्ज्ञांच्या मते, भारताच्या सेवा निर्यातीतील वाढ ऑक्टोबर-डिसेंबर तिमाहीत उच्चांकी स्तरावर गेली होती. त्यामुळे अर्थव्यवस्था बाहेरील जोखमींपासून वाचण्याची शक्यता आहे. कारण मंदावलेली जागतिक अर्थव्यवस्था देशाच्या मर्केंडाइज निर्यातीवर परिणाम करू शकते.

रॉयटर्सच्या एका वृत्तानुसार, सेवा निर्यात आता केवळ आयटी सेवांच्या माध्यमातून ऑपरेट केल्या जात नाही. तर संशोधन व विकास आणि कन्सल्टिंगसारख्या जास्त आकर्षक ऑफरिंगद्वारेही ऑपरेट केल्या जात आहेत. भारतीय रिझर्व्ह बँकेने शुक्रवारी जारी केलेल्या आकड्यांतून दिसून येते की ऑक्टोबर-डिसेंबर 2022 तिमाहीत भारताची सेवा निर्यात 24.5% टक्के वाढून विक्रमी 83.4 अब्ज डॉलर राहिली होती.

सेवा सरप्लस, जे कॅटेगरीतील कोणत्याही आयातीत कपात करते, तेही 39.21% वाढून विक्रमी 38.7 अब्ज डॉलर झाले होते. हे मर्केंडाइज ट्रेड डेफिसिटमध्ये कपातीसह करंट अकाऊंट डेफिसिटच्या अपेक्षेपेक्षा जास्त 18.2 अब्ज डॉलर किंवा जीडीपीच्या 2.2% पर्यंत कमी झाले.

सेवा निर्यात वाढून 375 अब्ज डॉलरपेक्षा जास्त होईल

सेवा निर्यात प्रमोशन कौन्सिलचे चेअरमन सुनील तलातींनी म्हटले की, 'आम्हाला आशा आहे की, मार्च 2024 पर्यंत सेवा निर्यात वाढून 375 अब्ज डॉलरपेक्षा जास्त होईल. तर मार्च 2023 ला संपलेले आर्थिक वर्ष 2022-23 मध्ये ते 320-350 अब्ज डॉलर होते.'

आर्थिक वर्ष 2022-23 मध्ये सरकारी तूट जीडीपीच्या 6.4% राहण्याचा अंदाज

सुनील यांनी म्हटले की सेवा निर्यात मार्च 2025 पर्यंत गूडस एक्स्पोर्ट पार करेल. भारतीय रिझर्व्ह बँकेच्या ताज्या आकडेवारीनुसार, ऑक्टोबर-डिसेंबर तिमाहीत मर्केंडाईज एक्स्पोर्ट 105.6 अब्ज डॉलर राहिली होती. यादरम्यान फेब्रुवारीच्या अखेरिस केंद्र सरकारची वित्तीय तूट संपूर्ण वर्षाच्या 82.8% वर गेली होती. संपूर्ण आर्थिक वर्षात 2022-23 मध्ये सरकारला डेफिसिट म्हणजेच तूट 17.55 लाख कोटी म्हणजेच जीडीपीच्या 6.4% राहण्याचा अंदाज आहे.

चिंतेच्या गोष्टींवर प्रकाश टाकताना वर्ल्ड बँकेने म्हटले की, कोविड महामारीदरम्यान कपात करणाऱ्या मॅन्युफॅक्चरिंग आणि कंस्ट्रक्शन सेक्टर्सचा विकासदरावर परिणाम झाला आहे. तथापि, लेबर मार्केटच्या रिझल्टमध्ये महामारीनंतर खूप सुधारणा झाली आहे. वर्ल्ड बँकेने म्हटले की, स्ट्राँग डोमेस्टिक डिमांड, हायर इन्कम ग्रुप्स आणि हायर पब्लिक इन्व्हेस्टमेन्टचे मजबूत कंझ्यूमर स्पेंडिंग ग्रोथचे प्रमुख सपोर्टर होते. तथापि, उत्पन्न मंदावल्याने कमी उत्पन्न असलेल्या ग्राहकांची खरेदी कमी झाली होती.

ऑक्टोबर-डिसेंबर तिमाहीत अर्थव्यवस्थेचा विकासदर घटून 4.4% राहिला

ऑक्टोबर-डिसेंबर तिमाहीत भारतीय अर्थव्यवस्थेचा विकासदर वर्षागणकि घटत 4.4% राहिला. तो एक वर्षापूर्वी 11.2% आणि गेल्या तिमाहीत 6.3% होता. अहवालात म्हटले आहे की भारताची सेवा निर्यात गेल्या ऑक्टोबर-डिसेंबरमध्ये उच्चांकी पातळीवर होती. याच्या जागतिक धोक्यांनंतरही अर्थव्यवस्था पुढे जाण्याची आशा आहे.

ऑक्टोबर-डिसेंबर 2022 मध्ये भारताची सेवा निर्यात वर्षागणिक 24.5% वाढली

गेल्या आठवड्यात शुक्रवारी जारी केलेल्या आरबीआयच्या डेटानुसार, ऑक्टोबर-डिसेंबर 2022 मध्ये भारताची सेवा निर्यात वर्षागणिक 24.5% वाढली. जी विक्रमी 83.4 अब्ज डॉलर होती. सेवा सरप्लस, यात आयात सेक्शनचा समावेश नाही. यातही 39.21% विकासदर नोंदवला गेला. तो विक्रमी 38.7 अब्ज डॉलर होता.

ही बातमीही वाचा...

जिओचे 3 सर्वात स्वस्त प्लॅन:160 रुपयांपेक्षा कमी किमतीत चालेल 1 महिना मोबाइल; मिळेल फ्री कॉलिंग व डेटासह अनेक सुविधा