मंडे मेगा स्टोरीझुकेरबर्गपासून अ‍ॅमेझॉनच्या बेझोसपर्यंत:मृत्यू टाळण्याच्या प्रयोगात अब्जावधी खर्च ; प्रथमच वय 5 वर्षांनी झाले कमी

मृत्यू हे शाश्वत सत्य आहे, पण कोणालाच मरायचे नाही. अ‍ॅमेझॉनचे जेफ बेझोस, गुगलचे लॅरी पेज आणि फेसबुकचे मार्क झुकेरबर्गही यापासून अस्पर्शित नाहीत. जगातील सर्वात श्रीमंतांमध्ये गणल्या जाणाऱ्या या 14 अब्जाधीशांनी कायमचे जगण्यासाठी वेगवेगळ्या प्रयोगांवर कोट्यवधी रुपये खर्च केले आहेत.

असाच एक प्रयोग करत असलेले अमेरिकन उद्योजक ब्रायन जॉनसन यांना काही प्रमाणात यश मिळाले आहे. 45 वर्षीय ब्रायन यांनी दावा केला आहे की, त्यांनी अवघ्या 7 महिन्यांत त्याचे जैविक वय कमी केले आहे. या रिव्हर्स एजिंगनंतर आता त्यांचे हृदय 37 वर्षांचे, त्वचा 28 वर्षांची आणि फुफ्फुस 18 वर्षांचे झाले आहे.

आजच्या मंडे मेगा स्टोरीमध्ये आपण ब्रायन जॉनसन यांच्या तरुणपणाचे रहस्य, मृत्यू टाळण्यासाठी केलेले प्रयोग आणि त्यात गुंतलेले लोक याची संपूर्ण माहिती जाणून घेणार आहोत.

प्रसिद्ध लेखक युवल नोव्हा हरारी यांनी त्यांच्या Homo Deus या पुस्तकात लिहिले आहे की, शास्त्रज्ञांसाठी मृत्यू हा शरीराच्या यंत्रणेतील तांत्रिक दोष आहे. त्यामुळे शरीरातील संपूर्ण यंत्रणा काम करणे थांबवते. शास्त्रज्ञ प्रयोगशाळेत ही तांत्रिक त्रुटी दूर करण्याचा प्रयत्न करत आहेत, जेणेकरून मृत्यू टाळता येईल.

P&S इंटेलिजन्सच्या अहवालानुसार, सध्या रिव्हर्स एजिंगचा बाजार 191 अब्ज डॉलर्स म्हणजेच सुमारे 15 लाख कोटी रुपयांचा आहे. 2030 पर्यंत हा 421 अब्ज डॉलर्स म्हणजेच सुमारे 35 लाख कोटीपर्यंत वाढेल. रिव्हर्स एजिंग इंडस्ट्रीवर सट्टा लावणाऱ्यांमध्ये जॉनसन हे एकटे नाहीत.

अनेक अब्जाधीश जैविक वृद्धत्व थांबवण्यासाठी किंवा नियंत्रित करण्यासाठी भरपूर पैसा खर्च करत आहेत...

आता एक शेवटचा प्रश्न मृत्यू टाळता येईल का? उत्तर जाणून घेण्यासाठी दोन संशोधनांचे निष्कर्ष वाचा...

संशोधन 1

2022 मध्ये एपिजेनेटिक्स रिसर्च प्रोग्राम अंतर्गत आयोजित केलेल्या अभ्यासात असा दावा करण्यात आला होता की शास्त्रज्ञांच्या टीमने अशी पद्धत शोधली आहे जी, 30 वर्षांपर्यंत मानवी त्वचेच्या पेशींचे वय रिव्हर्स करू शकते. म्हणजेच, जर एखाद्या व्यक्तीचे जैविक वय 70 असेल तर त्याची त्वचा 40 वर्षांच्या प्रौढ व्यक्तीसारखी असू शकते.

संशोधन टीममध्ये सहभागी प्रोफेसर वुल्फ रीक (अलीकडेच अल्टोस लॅबमध्ये जॉईन झाले) यांच्या मते, त्वचेच्या पेशींचे कार्य ज्या पद्धतीने नियंत्रित केले जाते, त्याचप्रमाणे इतर अवयवांच्या पेशींवर नियंत्रण ठेवल्यास मृत्यू टाळता येऊ शकतो. आणि त्यावर काम सुरू आहे.

संशोधन 2

प्रोसिडिंग्स ऑफ द नॅशनल अ‍ॅकॅडमी ऑफ सायन्स जर्नलमध्ये 2017 मध्ये झालेल्या एका संशोधनानंतर प्रकाशित झालेल्या अहवालानुसार, बहुपेशीय जीवांमध्ये वृद्धत्व थांबवणे अशक्य आहे. म्हणजे त्याचा मृत्यू निश्चित आहे.

अभ्यासानुसार, पेशींच्या कार्यावर बळजबरीने नियंत्रण ठेवण्याचा प्रयत्न केला गेला तर कर्करोगासारख्या आजाराने त्यांचा मृत्यू होतो.

इतिहासातील सर्वात जुन्या साहित्यांपैकी एक 'द एपिक ऑफ गिलगमेश' मधील एक छोटासा उतारा आहे. मेसोपोटेमियन काळात लिहिलेले हे महाकाव्य असून, अक्कादियन साम्राज्याचा राजा गिलगमेश यांची कथा यात सांगण्यात आली आहे.

त्यांचा मित्र एनकीडूच्या मृत्यूनंतर गिलगमेश राजा खूप दुःखी आणि अस्वस्थ होतो. यानंतर तो आपला मृत्यू टाळण्याचे मार्ग शोधू लागतो. दोन प्रयत्नांनंतर, त्याला समजले की, तो आपला मृत्यू टाळू शकत नाही. अमर होण्याच्या त्याच्या मिशनमध्ये अयशस्वी झाल्यानंतर, त्याने जीवनाच्या अर्थाबद्दल एक कविता लिहिली:

माणसं जन्म घेतात, जगतात, मग मरतात,

हे देवाने मानवांसाठी ठरवलेले भाग्य आहे.

म्हणून शेवटपर्यंत आयुष्याचा आनंद घ्या,

निराश न होता आनंदाने जगा.

...तुमचा हात धरणाऱ्या तुमच्या मुलावर प्रेम करा

आपल्या पत्नीला मिठी मारा, तिला आनंदी ठेवा.

जीवन जगण्याचा हा सर्वोत्तम मार्ग आहे.

References and Further Readings...

ग्राफिक्सः हर्षराज साहनी