आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

मुरमुऱ्यावर जीएसटीने ममता बॅनर्जी भडकल्या:याने वजन घटते, बीपीवर नियंत्रण राहते, सम्राट अशोकही मुरमुऱ्यांसोबत मांसाहार करायचे

21 दिवसांपूर्वी
  • कॉपी लिंक

अलीकडेच टीएमसीच्या रॅलीत ममता बॅनर्जी यांनी जीएसटीवरून भाजपवर नाराजी व्यक्त केली. त्या म्हणाले होत्या की, आता मुरी (मुरमुरे) वर जीएसटी लावण्यात आला आहे. आता भाजपवाले मुरी खाणार नाहीत का?

मुरमुऱ्यांवर जीएसटी म्हणजे अनेकांसाठी ही साधी बाब असेल, परंतु पश्चिम बंगालमधील लोकांसाठी ते मुख्य अन्न आहे. तिथले लोकही भाजीसोबतही मुरमुरे खातात.

राजकारणाच्या चौकटीतून बाहेर पडून आज कामाची बातमी मध्ये आपण मुरमुऱ्यांची चर्चा करणार आहोत. ते कसे बनवले जातात? ते किती निरोगी आहेत? मुरमुरे पहिल्यांदा कुठे खाल्ले गेले होते? हे सर्व या माध्यमातून समजून घ्या.

मुरमुरे म्हणजे काय?

अंजू विश्वकर्मा, आहारतज्ञ - मुरमुरे हा भातापासून तयार केलेला खाद्यपदार्थ आहे. तो उच्च आचेवर तयार केला जातो. हा आरोग्यासाठी फायदेशीर आहे.

मुरमुऱ्यांमध्ये असलेल्या पौष्टिक घटकांबद्दल सांगा?

अंजू यांच्या मते, मुरमुऱ्यांमध्ये कॅलरी आणि फॅटचे प्रमाण खूपच कमी असते. 100 ग्रॅम मुरमुऱ्यांमध्ये 402 कॅलरीज, 0.5 ग्रॅम फॅट, 0.1 ग्रॅम सॅच्युरेटेड फॅट, 0 एमजी कोलेस्ट्रॉल, 113 एमजी कॅल्शियम, 90 ग्रॅम कार्बोहायड्रेट, 1.7 ग्रॅम आहारातील फायबर, 6 ग्रॅम प्रोटीन, 6 एमजी कॅल्शियम, 25 एमजी मॅग्नेशियम (व्हिटॅमिन B6) आढळते. यामुळेच आहारतज्ञही ते खाण्याचा सल्ला देतात.

कलिंगवर विजय मिळवल्यानंतर सम्राट अशोकच्या स्वयंपाकघरात बनवण्यात आला 'मुडी मनसा'

'मुरी' फक्त बंगालच्या लोकांचा आवडता पदार्थ नाही तर मुंबईतील भेळ पुरीसाठीही तो लागातेच. आंध्र प्रदेशचा स्वादिष्ट 'मुंठा मसाला', कोल्हापूरचा 'भडंग मुरमुरा'ही मुरमुऱ्याशिवाय अपूर्ण आहे.

आणि हो, जे ओडिशात गेले आहेत किंवा ज्यांचा ओडिशातील लोकांशी संपर्क आला आहे, त्यांनी मयूरभंजच्या प्रसिद्ध 'मुडी मनसा'चे नाव नक्कीच ऐकले असेल.

या डिशमध्ये मटण करी मातीच्या भांड्यात मंद आचेवर शिजवून त्यात मुरमुरे आणि हिरव्या मिरच्या मिसळल्या जातात. या डिशशी निगडीत अनेक दंतकथांपैकी एक अशी आहे की, कलिंगाशी युद्ध जिंकल्यानंतर सम्राट अशोकाच्या स्वयंपाकघरात हे प्रथम बनवले गेले होते.

मुरमुरे खरेदीचा आणि साठवण्याचा योग्य मार्ग

मुरमुरा मोठ्या प्रमाणात पोत्यात आणि पॅकेटमध्येही उपलब्ध आहेत, खरेदी करताना खालील गोष्टी लक्षात ठेवा

  • मुरमुऱ्यांचा ताजेपणा आणि कुरकुरीतपणा नेहमी लक्षात ठेवा.
  • जर तुम्ही उघड्यावरी तयार केलेले मुरमुरे विकत घेत असाल तर आधी चव पाहा, जुन्याची चव खराब असते आणि शिळा वासही येतो.
  • कडक किंवा छोटे दगड असलेले मुरमुरे अजिबात विकत घेऊ नका.

घरी आणल्यानंतर मुरमुरे कसे ठेवतात

  • मुरमुरे नेहमीच हवाबंद डब्यात ठेवा.
  • सामान्य तापमानात ठेवून ते 3 ते 4 आठवड्यांच्या आत खावे.
  • डबा नेहमी घट्ट बंद ठेवा, अन्यथा ते हवा आणि आर्द्रतेमुळे मऊ होतील.

बिहार, झारखंड, आसाम आणि नेपाळच्या खालच्या भागातील लोकांच्या जेवणातही मुरमुऱ्यांचा समावेश होतो. महाराष्ट्राच्या भेळपुरीची चव प्रत्येकाच्या जिभेवर असते. मध्य प्रदेशातील लोक मुरमुराशिवाय नमकीनची कल्पना करू शकत नाहीत. छत्तीसगडमध्ये घरोघरी मुरमुऱ्याचे लाडू बनवले जातात. शिवाय, हे देशातील अनेक मंदिरांमध्ये आणि मजारींवर प्रसाद म्हणून मुरमुरे दिले जाते.

15 व्या शतकापासून प्रसादात मुरमुरा दिला जातो

मुरमुरा पहिल्यांदा कधी बनवला गेला, तो नेमका कोणी बनवला हे सांगणे कठीण आहे. काही लोकांचा असा विश्वास आहे की याचा उल्लेख प्राचीन काळापासून होत आहे. त्याच वेळी, काही म्हणतात की मुरमुरे प्रथम 15 व्या शतकात तयार केला असल्याचा उल्लेख सापडतो. शेतातून तांदूळ काढताना रुंद तोंडाच्या भांडल्याला वाळूने अर्धे भरले जायचे.

त्या भांड्यात तांदूळ टाकून गरम केले जात. उष्णतेमुळे भातावरील भुसे निघून जातात आणि ते फुगतात. देवाला प्रसाद म्हणून ते अर्पण करण्यात जात असे.

1930 मध्ये रसायनशास्त्रज्ञ आणि उद्योगपती प्रफुल्ल चंद्र रे यांनी 'मुरी, चुडा आणि बिस्किट' मध्ये असलेल्या पौष्टिक घटकांबद्दल प्रथमच एक लेख लिहिला. या लेखात त्यांनी या तिन्ही पदार्थांमधील पोषक घटकांची तुलना करून एक तक्ता तयार केला आणि बिस्किटांपेक्षा 'मुरी' आणि भात उत्तम असल्याचे स्पष्ट केले. प्रफुल्ल चंद्र रे यांनी देशातील पहिली फार्मास्युटिकल कंपनी बंगाल केमिकल्स अँड फार्मास्युटिकल्सची स्थापना केली होती.

अखेरीस खालील क्रिएटिव्हवर एक नजर टाका

बातम्या आणखी आहेत...