आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

करिअर फंडा:सीए हा अर्थव्यवस्थेतील वित्ताचा बॅकबोन असतो, चार्टर्ड अकाउंटन्सीची तयारी कशी करावी?

2 महिन्यांपूर्वी
  • कॉपी लिंक

मी इंटरनेटवर पाहिले असता C.A. याचा अर्थ "कॅन डू अॅटिट्यूड" आणि "सर्कल ऑफ एम्बिशन" असा आढळला. यानंतर अजून खोलवर जाऊन पाहिले तर "आव्हान करा आणि साध्य करा" असे आढळले.

करिअर फंडामध्ये आपले स्वागत आहे!

सामान्य विरुद्ध विशेष

अनेक विद्यार्थ्यांनी मला नेहमी एक प्रश्न विचारलेला आहे. तो म्हणजे "एमबीए करावं की सीए?" तर मी म्हणतो की दोन्ही करा. हा काही विनोद नाही. माझ्या अनेक विद्यार्थ्यांनी एमबीए आणि सीए हे दोन्ही केले आहे. परंतु प्रत्येकाला ते शक्य नाही. तर दोघांमध्ये फरक काय हे जाणून घेऊया...

MBA मध्ये तुम्ही एक सामान्य तज्ञ बनता आणि CA मध्ये एक विशेष तज्ञ बनता. ज्याची कंपनी फायनान्सवर खूप खोलवर पकड असते. दोघांचेही स्वतःचे विशेष महत्त्व आहे.

डिंमाड असलेले करिअर

चार्टर्ड अकाउंटंट (सीए) बनणे ही भारतातील सर्वात जास्त डिंमाड असलेल्या करिअरपैकी एक आहे. यासाठी कठोर परिश्रम, समर्पण आणि प्रामाणिकपणाची आवश्यकता आहे. चार्टर्ड अकाउंटंट होण्यासाठी आवश्यक असलेली 3.5-5 वर्षे ही मजेशीर किंवा तणावपूर्ण असू शकतात. हे त्या व्यक्तीवर अवलंबून आहे.

CA ही वैधानिक ऑडिट करण्यासाठी भारत सरकारने कायदेशीररित्या अधिकृत केलेली व्यक्ती आहे. त्यामुळे बहुतेक प्रकरणांमध्ये, CA हा घोटाळा थांबवतो. तर व्यवस्थापनासोबत मिळून गोंधळही घालू शकतो. (उदा. सत्यम संगणक घोटाळा).

CA केल्यास काय फायदा

1) तुम्ही कायदेशीररित्या मागणी असलेले व्यावसायिक बनता, कारण सरकारी नियमांनुसार काही कामे फक्त तुम्हाला मिळतील 2) या व्यावसायिकाचा समाजात मान-सन्मान चांगला आहे, आणि उत्पन्नही चांगले आहे. 3) अर्थव्यवस्थेवर मजबूत पकड असल्यामुळे अनेक सीए त्यांचा स्वतःचा व्यवसाय चांगल्या प्रकारे करू शकतात. 4) वाढत्या अर्थव्यवस्थेत यात स्पर्धा वाढली आहे. कंपनी व्यवस्थापनासाठी चांगल्या CA चा सल्ला मोलाचा असतो.

परीक्षा कशी आहे, सी.ए. कसे बनायचे

1) सोप्या भाषेत सांगायचे तर, दोन मार्ग आहेत - (1) फाउंडेशन कोर्सद्वारे आणि (2) थेट प्रवेशाद्वारे. पहिल्याला पाच वर्षे आणि दुसऱ्याला चार वर्षे लागतात.

2) पोस्ट फाउंडेशन (बारावी) परीक्षा पहिल्या मार्गाने पास करून, तुम्ही सीए इंटरमीडिएट, नंतर आर्टिकलशिप आणि नंतर सीए फायनल कराल. दुसऱ्या मार्गात थेट प्रवेशाद्वारे तुम्ही सीए इंटरमीडिएट, नंतर आर्टिकलशिप आणि नंतर सीए फायनल कराल.

3) दरवर्षी, इन्स्टिट्यूट ऑफ चार्टर्ड अकाउंटंट्स ऑफ इंडिया (ICAI) सीए कोर्स करणाऱ्या उमेदवारांसाठी वर्षातून दोनदा (सामान्यत: जून आणि डिसेंबर) परीक्षा आयोजित करते. या परीक्षा फाउंडेशन, इंटरमीडिएट आणि फायनल अशा वेगवेगळ्या स्तरांवर घेतल्या जातात. सीए अभ्यासक्रमासाठी अर्ज करण्यासाठी वयोमर्यादा नाही.

यशस्वीरित्या तयारी कशी करावी – 11 उपयुक्त टिप्स

या कोर्सची तयारी करताना लक्षात ठेवण्याच्या काही मूलभूत गोष्टींबद्दल जाणून घेऊया...

1) संशोधनाची व्याप्ती वाढवा - निवडक विषयांचा अभ्यास करून ही परीक्षा उत्तीर्ण होणे कठीण आहे. संपूर्ण अभ्यासक्रमात प्रत्येक विषयाचा सखोल अभ्यास केला पाहिजे. हे केवळ परीक्षा उत्तीर्ण होण्यास मदत करेल असे नाही तर उर्वरित करिअरसाठी ज्ञानाचे भांडार म्हणून देखील काम करेल.

2) योग्य वेळापत्रक - तुमचा दिवस प्रत्येकी 4 तासांच्या 4 स्लॉटमध्ये विभाजित करा. तुम्हाला ज्या विषयांवर जास्त विश्वास आहे, तो निवडा. तुम्हाला कोणताही प्रश्न सोडवण्यात काही अडचण येत असेल तर त्या प्रश्नावर तुमचा वेळ वाया घालवू नका आणि तुमच्या शिक्षकांशी किंवा मित्रांशी चर्चा करण्यासाठी तो प्रश्न बुकमार्क करा.

3) लक्ष्य व्यवस्थापित करण्यायोग्य भागांमध्ये विभाजित करा - कारण CA परीक्षा खूप मोठी आहे. तुम्ही ती एका बैठकीत पूर्ण करू शकणार नाही. प्रत्येक भागाला समान वेळ द्या आणि ते सर्व पूर्ण करा. स्वतःला एक दैनिक किंवा साप्ताहिक ध्येय सेट करा आणि त्यावर चिकटून रहा.

4) थिअरी पेपर्स आवश्यक आहेत - थिअरी असो वा प्रात्यक्षिक विषय, सखोल अभ्यास खूप महत्त्वाचा आहे. सर्व विषय पूर्ण केल्यानंतर, तुम्हाला उजळणीसाठी वेळ द्यावा लागेल. साधारणपणे सैद्धांतिक विषय वाचायला सोपा वाटत असल्याने विद्यार्थी सैद्धांतिक विषयाला पुरेसे महत्त्व देत नाहीत.

5) एक चांगला कोचिंग क्लास निवडा - संस्थेने दिलेले साहित्य चांगले असले तरी संकल्पना सोप्या पद्धतीने समजावून सांगणाऱ्या तज्ञ प्रशिक्षकाचे मार्गदर्शन घ्या. प्रत्येक विषयासाठी तज्ञांचे वर्ग तुम्हाला त्या प्रत्येक विषयावर आत्मविश्वास मिळवण्यास मदत करतील.

6) आर्टिकलशिपची भूमिका - तुम्ही सीए फायनलमध्ये असताना, कृपया तुमची आर्टिकलशिप खूप गांभीर्याने घ्या. आर्टिकलशिप प्रशिक्षण चार्टर्ड अकाउंटंटला अकाउंटिंग, टॅक्सेशन किंवा ऑडिट या प्रत्येक पैलूमध्ये व्यावहारिक अनुभव देऊन तयार करण्यात मदत करते.

7) शॉर्ट नोट्स - CA च्या विद्यार्थ्यांनी CA परीक्षेची तयारी करताना महत्वाचे विषय आणि प्रश्न लिहिण्यासाठी नेहमी एक वही आणि पेन सोबत ठेवावे. तुमच्या हाताने नोट्स लिहिणे तुम्हाला परीक्षेपूर्वी महत्त्वाच्या विषयांवर किंवा प्रश्नांवर लक्ष केंद्रित करण्यास मदत करते जेणेकरून तुम्हाला तुमचा महत्त्वाचा वेळ वाया घालवायचा नाही.

8) प्रत्यक्ष आणि अप्रत्यक्ष करांबद्दल जागरूक रहा - चार्टर्ड अकाउंटंटचा अभ्यासक्रम शिकत असताना, सरकारने प्रत्यक्ष आणि अप्रत्यक्ष करांमध्ये केलेल्या इतर विविध बदलांबद्दल देखील स्वतःला अपडेट ठेवा. अपडेट करण्याचा सर्वोत्तम मार्ग म्हणजे मासिके वाचणे, न्यूज चॅनेल पाहणे इ.

9) सराव महत्त्वाचा - तुम्ही जितका सराव कराल तितकी तुमची तयारी चांगली होईल. तुम्ही तुमच्या अभ्यासक्रमाची किमान दोन ते तीन वेळा उजळणी करावी. जेणेकरून तुम्ही अभ्यास केलेल्या सर्व गोष्टी तुम्हाला आठवतील आणि तुमची मजबूत आणि कमकुवत क्षेत्रेही तुम्हाला कळतील.

10) YouTube चॅनल - प्रत्येक विषयासाठी प्रसिद्ध शिक्षकांच्या YouTube चॅनेलची सदस्यता घेणे आवश्यक आहे.

11) सकारात्मक राहा - CA बनणे ही एक दीर्घ लढाई आहे, आणि त्यामुळे मनाची तयारी करुनच रिंगणात उतरा.

आणखी एक गोष्ट - बदलत्या जगात सीएलाही , नवनवीन कार्यक्रमांतून सतत प्रशिक्षण घ्यावे लागते.

त्यामुळे आजचा करिअरचा फंडा असा आहे: सीए करिअरसाठी सुरुवातीपासून शेवटपर्यंत नियोजन केल्यास लढा सोपा होतो आणि दीर्घकालीन यश मिळते.

करुन दाखवू!

बातम्या आणखी आहेत...