सरकारचा दावा फेल:टेस्टिंग कमी झाली, कोरोनाच्या केसेस नाही; अद्यापही कोरोना संसर्गाचे संकट कायम आहे

सोमवारी सरकारने जाहीर केले की, देशातील 13 राज्यात कोरोना केसेस कमी होऊ लागल्या आहेत. परंतु गुरुवारी कोरोनाच्या रेकॉर्डब्रेक केस समोर आल्या. हा कोणत्या प्रकारचा डेटा आहे? अखेर राज्यांमध्ये कोरोना केसेस अचानक कशा कमी झाल्या? या प्रश्नांची उत्तरे कोरोनाच्या टेस्टिंगमध्ये दडलेली आहेत. फक्त एक उदाहरण हे स्पष्ट करते. गेल्या आठवड्यात शनिवारी 19.5 लाख चाचण्या घेण्यात आल्या. त्याचबरोबर सोमवारी चाचण्या कमी होऊन 15 लाखांवर आल्या. आता चाचण्या कमी झाल्या म्हणजे कोरोनाच्या केस देखील कमी झाल्या.

13 राज्य आणि त्यांची स्थिती
सरकारने ज्या 13 राज्यांमध्ये कोरोना केसेस कमी झाल्याचा दावा केला होता, ती राज्ये- छत्तीसगड, दिल्ली, दमण आणि दीव, गुजरात, झारखंड, लडाख, लक्षद्वीप, मध्य प्रदेश, महाराष्ट्र, पंजाब, तेलंगणा, उत्तर प्रदेश आणि उत्तराखंड आहेत. नव्या आकडेवारीवरून हेही स्पष्ट झाले आहे की, या राज्यांमध्येही कोविड संसर्गाच्या केसेस कमी झालेल्या नाहीत आणि बर्‍याच राज्यात त्या पुन्हा वाढू लागल्या आहेत.

राज्यांमध्ये टेस्टिंग कमी झाल्यामुळे प्रकरणे कमी झाली
अशा परिस्थितीत प्रश्न निर्माण होतो की, सरकारला केसेस कमी झाल्याचे का वाटले? असे यामुळे घडले कारण सरकारने केवळ राज्यांमधील संसर्गाच्या नवीन केसेसवर लक्ष ठेवले आणि त्या तुलनेत टेस्टिंग कमी झाल्याकडे लक्ष दिले नाही. सरकारने ज्या 13 राज्यांचा दावा केला होता, त्यापैकी केवळ उत्तरप्रदेश वगळता इतर राज्यांमध्ये टेस्टिंगमध्ये घट झाली होती.

दिल्लीमध्ये 28 एप्रिलला 81 हजार टेस्ट झाल्या होत्या, ज्या 3 मे रोजी कमी होऊन 61 हजार झाल्या. यासोबतच तेथे 28 एप्रिलला संक्रमितांची संख्या 26 हजार होती आणि 3 मे रोजी टेस्टिंग कमी झाल्याने संक्रमीतही 18 हजारच आढळून आले. या केसेस 5 मेपासून वाढून पुन्हा दिवसाला 21 हजारावर गेल्या.

टेस्टिंग वाढल्याने केसेसही वाढल्या
ज्या राज्यांमध्ये टेस्टिंगमध्ये मोठी घट झाली आहे, ती राज्ये- गुजरात, छत्तीसगड, पंजाब आणि तेलंगणा अशी आहेत. येथे टेस्टिंगच्या हिशोबाने केसेसमध्येही घट झाली. हेच कारण आहे की, जेव्हा गुरुवारपर्यंत या राज्यांमध्ये पुन्हा टेस्टिंग वाढली तेव्हा केसेसही वाढल्या.

त्याचप्रमाणे केरळ आणि महाराष्ट्रातही सोमवारीच्या तुलनेत मंगळवार आणि बुधवारी कोविड तपासणीत वेग आला. यामुळे येथे पुन्हा एकदा प्रकरणे वाढू लागली. सोमवारी केरळमध्ये कोविड संसर्गाची 26 हजार प्रकरणे होती, ती बुधवारी वाढून सुमारे 42 हजार झाली. दुसरीकडे, गुरुवारी महाराष्ट्रात 57 हजाराहून अधिक संसर्ग झाल्याची प्रकरणे समोर आली, ती संख्या सोमवारी 48 हजार होती.