आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कोरोनापासून पुढील संकटाची चिंता:तज्ज्ञ म्हणतात- दुसर्‍या लाटेतच जास्तीत जास्त लोकांना लस दिली तर तिसरी लाट थांबू शकते

एका महिन्यापूर्वी
  • कॉपी लिंक

देश सध्या कोरोनाच्या दुसर्‍या लाटेशी झगडत आहे आणि यासोबतच तिसऱ्या लाटेच्या संभाव्यतेवर चर्चा सुरू झाली आहे. केवळ सरकारच नाही तर कोर्टालाही याची चिंता आहे. महामारीशी संबंधित तज्ज्ञांचे म्हणणे आहे की, तिसरी लाट कधी येईल... ती येईल की नाही याचा अंदाज आता बांधता येत नाही. परंतु हे निश्चित आहे की, जर जनता आणि सरकारने आता त्यांची भूमिका योग्य प्रकारे बजावली तर कदाचित तिसरी लाट येण्यापूर्वीच थांबेल.

नॅशनल कोविड टास्क फोर्स-कोविड 19 चे सदस्य प्रो. के श्रीनाथ रेड्डी म्हणतात की, तिसऱ्या लाटेप्रमाणे परिस्थिती होऊ नये, यासाठी जनतेने कोविड अपॉपर्टीव्ह बिहेविअरचे पालन करावे आणि सरकारने पुढच्या एक वर्षासाठी देशातील सर्व मोठ्या कार्यक्रमांवर पूर्णपणे बंदी घालावी. केवळ मेळावे आणि धार्मिक कार्यक्रमच नव्हे तर मोठ्या पार्ट्या आणि विवाह सोहळ्यावरही पूर्णपणे बंदी घातली पाहिजे.

असे केल्याने, संसर्गाची गती कमी होईल तसेच या काळात मोठ्या प्रमाणात लसीकरण करून लोकांचे संरक्षण केले जाऊ शकते. प्रमुख वैज्ञानिक सल्लागार के.के. विजयराघवन म्हणतात की, जर आपण कठोर पावले उचलली तर तिसरी लाट काही भागात नाही तर कुठेही न येण्याचीही शक्यता आहे.

आपण मार्गदर्शक तत्त्वांचे किती चांगले पालन करतो यावर हे अवलंबून आहे. इंस्टिट्यूट ऑफ जेनोमिक्स अँड इंटिग्रल बायोलॉजीचे डायरेक्टर , अनुराग अग्रवाल म्हणतात की, या वर्षाच्या सुरुवातीस लोकांनी नियमांकडे दुर्ल्क्ष केले आणि आता त्याचा परिणाम दिसून येत आहे. जर आपण सध्याही कोविड नियमांचे काटेकोरपणे पालन केले आणि मोठ्या प्रमाणात लसीकरण केले तर तिसरी लाट कमी घातक ठरू शकते. (एजन्सी इनपुटसह)

काही तज्ञांचा असा विश्वास आहे की, एखादा नवीन व्हेरिएंट आला तरच तिसरी लाट शक्य आहे
वर्धमान महावीर मेडिकल कॉलेजमधील कम्युनिटी मेडिसिनचे प्रमुख प्रा. जुगल किशोर म्हणतात की, राष्ट्रीय स्तरावर तिसऱ्या लाटेची स्थिती कठीण आहे. एक ते दीड महिन्यांत संक्रमणाची गती ईशान्य भारताच्या दिशेने वाढेल. दिल्ली, महाराष्ट्र, उत्तर प्रदेश, राजस्थान, मध्य प्रदेश यासारख्या राज्यात पुन्हा अशी परिस्थिती येणार नाही. आता जर व्हायरसने नवीन व्हेरिएंट बनवले तरच तिसरी लाट येऊ शकते.

जोधपूर स्थित NIIRNCD चे संचालक डॉ. अरुण शर्मा म्हणतात की, वैज्ञानिकांना सर्व म्युटेशन ओळखण्यासाठी वेळही मिळत नाहीये. कोविड अपॉपर्टीव्ह बिहेविअर हाच बचाव आहे.

बातम्या आणखी आहेत...