आपल्या शहरातील ताज्या बातम्या आणि ई-पेपर मिळवा मोफत

Marathi News
Dvm originals
Hasan Mushrif Biography; Who Is Hasan Mushrif, Maharashtra NCP Leader Facing ED Raids | Hasan Mushrif

दिव्य मराठी विशेषहसन मुश्रीफ कोण आहेत:ईडीची धाड का पडली? राष्ट्रवादीच्या आणखी एका नेत्याला अटक होण्याची शक्यता

नीलेश भगवानराव जोशी5 महिन्यांपूर्वी

कॉपी लिंक

राज्यातील महाविकास आघाडी सरकारच्या कार्यकाळात हसन मुश्रीफ यांच्यावर घोटाळ्याचे आरोप करण्यात आले होते. मुश्रीफ आणि त्यांच्या कुटुंबीयांनी बनावट कंपन्या तयार करून 158 कोटींचा घोटाळा केला असल्याचा आरोप भाजप नेते किरीट सोमय्या यांनी केला होता. या संदर्भात त्यांनी केलेल्या तक्रारीनंतर हसन मुश्रीफ यांच्या कोल्हापूर येथील निवासस्थानी कार्यालयात तसेच नातेवाईकांच्या घरांवर छापा टाकला आहे. हसन मुश्रीफ आणि त्यांचे कुटुंबीयांनी बनावट कंपन्यांच्या माध्यमातून मोठा गैरव्यवहार केल्याचा आरोप करण्यात आला आहे.

या सर्व पार्श्वभूमीवर हसन मुश्रीफ नेमके कोण आहेत? त्यांच्यावर कोणते आरोप करण्यात आले आहेत? आणि ईडीने धाड टाकण्यामागचे कारण काय? या सर्व प्रश्नांची उत्तरे आपण जाणून घेणार आहोत.

भाजपचे नेते किरीट सोमय्या यांनी गेल्या वर्षभरापासून इडीकडे केलेल्या पाठपुराव्यानंतर हा छापा टाकण्यात आल्याची चर्चा आहे. या संदर्भात किरीट सोमय्या यांनी देखील माध्यमांसमोर तसेच स्पष्ट केले आहे. आप्पासाहेब नलावडे साखर कारखाना ब्रिक्स इंडिया प्रायव्हेट लिमिटेडला चालवण्यासाठी दिला गेला होता. या दोन्ही कंपन्यांमध्ये 2020 मध्ये करार झाला होता. हसन मुश्रीफ यांचे जावई या कंपनीचे मालक असल्यामुळे अनुभव नसताना देखील त्यांना हा कारखाना चालवण्यासाठी दिला असा आरोप सोमय्या यांनी केला आहे.

मुश्रीफ यांचे भागीदार आणि नातेवाईक टारगेटवर

ईडीकडून कागल तसेच पुणे परिसरात देखील छापे टाकण्यात आले आहेत. मुश्रीफ यांचे व्यावसायिक भागीदार चंद्रकांत गायकवाड यांच्या घरी आणि ऑफिसमध्ये देखील छापे टाकण्यात आले आहेत. तसेच मुश्रीफ यांचे जावई आणि गायकवाड यांच्या मालकीची कंपनी असलेल्या ब्रिक्स इंडिया प्रायव्हेट लिमिटेड कंपनीच्या कार्यालयावरही ईडीने धाड टाकली आहे.

कोण आहेत हसन मुश्रीफ

राष्ट्रवादी काँग्रेस पक्षाच्या स्थापनेपासून हसन मुश्रीफ हे शरद पवार यांच्यासोबत आहेत. राष्ट्रवादी काँग्रेसमधील मुस्लीम चेहरा अशी त्यांची ओखळ निर्माण झाली आहे.

40 वर्षांपेक्षा जास्त काळापासून राजकारणात सक्रिय

पूर्ण नाव : हसन मियालाल मुश्रीफ
कागलचे पहिले लोकनियुक्त उपनगराध्यक्ष मियालाल मुश्रीफ यांचा मुलगा अशी सुरुवातीला ओळख.
कागलच्या हिंदुराव विद्या मंदिरात प्राथमिक शिक्षण
शिवाजी विद्यापीठातून बी.ए. पदवी संपादीत केली.
विद्यार्थी दशेतच काँग्रेसचे कार्यकर्ते म्हणून सामाजिक कार्याला सुरूवात.
काँग्रेसच्या जिल्हा उपाध्यक्षपदी वर्णी लागल्याने कामाला झळाळी.
1999 मध्ये राष्ट्रवादी काँग्रेसच्या स्थापनेपासून राष्ट्रवादीसोबत.
पंचायत समिती सभापती, जिल्हा बँकेचे अध्यक्ष, कॅबिनेट मंत्री असा चढत्या क्रमाने राजकीय प्रवास.
1998 च्या विधानसभा पोटनिवडणुकीत पराभवाचा सामना करावा लागला.
1999 च्या विधानसभा निवडणुकीत विजय मिळवत विधानसभेत आमदार म्हणून प्रवेश मिळवला.
1999 पासून सलग पाच वेळा विधानसभेत कागल मतदारसंघाचे प्रतिनिधीत्त्व केले.
गेल्या 40 वर्षांपासून राष्ट्रवादी काँग्रेसचे मुस्लीम चेहरा म्हणून राज्याच्या राजकारणात सक्रीय.

विकास कामांच्या माध्यमातून मिळवली लोकप्रियता

मुश्रीफ यांनी आमदार आणि मंत्रीपदाच्या कार्यकाळात विकास कामांना प्राधान्य दिले.
दुर्गम वाड्या वस्त्यांत विकासकामे केल्याने त्यांच्या नावाची चर्चा झाली.
जिल्ह्यात रस्ते, पाणी योजना राबवल्याने वेगळा ठसा उमटला.
आघाडी सरकारच्या कार्यकाळात जलसंपदा, विधी व न्याय, पशु संवर्धन आणि दुग्ध विकास, शिक्षण, कामगार, ग्रामविकास अशी महत्त्वाची खाती सांभाळली.
हसन मुश्रीफ फाउंडेशनच्या माध्यमातून आरोग्य क्षेत्रात उल्लेखनीय कार्य केले.
जिल्हा बँक, जिल्हा परिषद, गोकुळ दूध संस्थेत मजबूत पकड असल्याने जिल्ह्याच्या राजकारणात महत्त्वाचे स्थान

मुश्रीफ यांच्यावरील भष्ट्राचाराचे आरोप नेमके कोणते

जिल्हा बँकेत घोटाळा प्रकरणी मुश्रीफ यांच्यावर आरोप झाले मात्र, नंतर त्या प्रकरणात त्यांची निर्दोष मुक्तता झाली.
2019 मध्येही मुश्रीफ यांच्या घरावर प्राप्तिकर विभागाच्या धाडी. यात कागल मधील निवासस्थान, साखर कारखाना, तसेच टाकाळा परिसरातील नातेवाईकांच्या घरांचा समावेश होता.
मात्र, त्यावेळी मुश्रीफ यांच्यावर कोणतीच कारवाई करण्यात आली नाही. त्यामुळे ते प्रकरण थंड बस्त्यात पडल्याची चर्चा.
रजत कन्झ्युमर सर्व्हिसेस प्रायव्हेट लिमिटेड या कंपनीकडून हसन मुश्रीफ परिवाराच्या खात्यात 13 कोटी 85 लाख रुपये 2013-2014 मध्ये आले. विशेष म्हणजे ती कंपनी 2004 मध्येच बंद झाली होती.
माउंट कॅपिटल प्रायव्हेट लिमिटेड या बंद कंपनीतून 24 कोटी 75 लाख रुपये वळती केले. हा पैसा हसन मुश्रीफ रिअल इस्टेटसाठी, साखर कारखाने विकत घेण्यासाठी वापरला.
नेक्स जन कन्सलटन्सी सर्व्हिसेस या कंपनीमधून मुश्रीफ परिवाराच्या खात्यात 16 कोटी 31 लाख 93 हजार 500 रुपये आले.
जावयाच्या अस्तित्वात नसलेल्या कंपनीला 1500 कोटींचे कंत्राट दिले.

मुश्रीफ यांना अटक होण्याची शक्यता?
हसन मुश्रीफ यांच्या घरावर छाप पडण्याची ही पहिलीच वेळ नाही. याआधी देखील प्राप्तिकर विभागाने 2019 मध्ये त्यांच्या घरावर छापा टाकला होता. मात्र, त्यानंतर कारवाई करण्यात आली नव्हती. आता सोमय्या यांच्या वर्षभराच्या पाठपुराव्यानंतर ईडीने पुन्हा छापा टाकला आहे. त्यामुळे हसन मुश्रीफ यांना अटक होण्याची शक्यता देखील वर्तवण्यात येत आहे.

या आधी देखील राष्ट्रवादी काँग्रेस पक्षाचे नेते अनिल देशमुख आणि नवाब मलिक यांना अटक झाली होती. त्यानंतर हसन मुश्रीफ यांचा नंबर असल्याचा दावा किरीट सोमय्या यांनी केला होता. त्यामुळे मुश्रीफ यांनाही अटक होण्याची शक्यता वर्तवण्यात येत आहे. या स्पर्शभूमीवर हसन मुश्रीफ यांच्या समर्थकांनी कागल बंदची हाक दिली आहे. तसेच मुश्रीफ यांच्या घरासमोर मोठ्या प्रमाणात कार्यकर्ते एकत्र आले आहेत.

या संदर्भात आणखी बातम्या वाचा..

राष्ट्रवादी काँग्रेसचे नेते हसन मुश्रीफ यांच्या घरावर ईडीचे छापे:विशिष्ट धर्माच्या लोकांना टार्गेट केलं जातंय का? छाप्यांवर मुश्रीफांची प्रतिक्रिया पूर्ण बातमी वाचा...

छाप्यांवर हसन मुश्रीफांची प्रतिक्रिया:आधी नवाब मलिक, आता मी, नंतर अस्लम शेख; विशिष्ट धर्माच्या लोकांना टार्गेट केलं जातंय का? पूर्ण बातमी वाचा...

आम्ही सर्व हसन मुश्रीफांसोबत:ईडीच्या छाप्यावरुन संजय राऊत यांची भाजपवर टीका, म्हणाले - दबावाचं राजकारण केले जातंय पूर्ण बातमी वाचा...

सरकारविरोधात बोलल्याने मुश्रीफांवर कारवाई:सुप्रिया सुळे यांची प्रतिक्रिया; सोमय्यांनी हेडलाइनसाठी पवारांचे नाव घेतल्याचा दावा पूर्ण बातमी वाचा...

अ‍ॅप उघडा

ऑस्ट्रेलिया469-10 201-6 (70.0)

VSलाइव्ह

भारत296-10 (69.4)

ऑस्ट्रेलिया ला 374 धावांची आघाडी

कॉपी लिंक

Our Divisions

This website follows the DNPA Code of Ethics.

फीडबॅक द्या