भास्कर पडताळणी:बलात्कार झाला नाही... एसआयटी देऊ शकते असा तपास अहवाल; हाथरसमध्ये तपास कसा वेग घेतोय, वाचा तपशीलवार वृत्त

हाथरस प्रकरणाचा तपास पूर्ण करण्यासाठी याेगी सरकारने एसआयटीला १७ आॅक्टाेबरपर्यंतचा वेळ दिला आहे. या प्रकरणातील पीडित आणि आरोपींकडे पोलिसांचा स्वतःचा सिद्धांत आहे. परंतु भास्करला मिळालेल्या माहितीनुसार या प्रकरणातील पोलिस पूर्णपणे तयार होते आणि बलात्कार झाला नाही हे एसआयटीच्या तपासात हे सिद्ध होते.

एसआयटीच्या एका सूत्राने भास्करला सांगितले की, दहा दिवसांच्या चौकशीत एसआयटीला कोणतेही पुरावे सापडले नाहीत, सुमारे ८० साक्षीदारांचा जबाब, फॉरेन्सिक तपास, आयटी तज्ज्ञांची मदत, कॉल तपशील, पाेलिसांची साक्ष आदींवरून बलात्कार किंवा सामूहिक बलात्कार सिद्ध हाेऊ शकेल असा काेणताही पुरावा मिळाला नाही. इतकेच नाही तर चारपैकी तीन आरोपींची उपस्थिती घटनास्थळापासून वेगळी आहे. एसआयटी ठरलेल्या मुदतीत सरकारकडे तपास अहवाल सादर करेल.

कडक सुरक्षा व्यवस्थेत एसआयटी, मुलाखतही नाही

एसआयटीने हाथरस पोलिस लाइनला तपासाचे मुख्यालय बनवले आहे. यात फक्त पोलिसांना प्रवेश देण्यात येत आहे. एसआयटीच्या सुरक्षा व्यवस्थेत गुंतलेले विवेक गौतम म्हणतात की या प्रकरणाची चौकशी हाेईपर्यंत पोलिस लाइनमध्ये काम करणारे पोलिसच आत जाऊ शकतात. या तीन सदस्यांच्या एसआयटीचे गृहसचिव भगवान स्वरूप, पाेलिस उपमहासंचालक चंद्रप्रकाश, सहायक पाेलिस आयुक्त पूनम आहेत. त्यांच्या मदतीसाठी सुमारे दीडशे अधिकारी-कर्मचारी तैनात आहेत. हाथरसचे पाेलिस महासंचालक विनीत जयस्वाल हेदेखील पूर्ण वेळ एसआयटी टीमसोबत आहेत.