आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Dvm originals
  • Muslims In China; Who Are Uyghurs And Falun Gong | Read Everything About China Organ Harvesting Timeline

मंडे मेगा स्टोरीबळजबरी अवयव काढून अब्जावधी कमावतोय चीन:किडनी, हार्ट वा लिव्हरची मागणी येताच तुरुंगातून उचलून नेतात उइगर मुसलमान

आदित्य द्विवेदी2 महिन्यांपूर्वी
  • कॉपी लिंक

लहानपणी तुम्ही घरातील वडीलधाऱ्यांकडून अनेकदा ऐकले असेल की, तिकडे जाऊ नका नाहीतर 'झोली बाबा' येईल. झोली बाबा काय करतो? असे आपण विचारायचो तेव्हा उत्तर यायचे की तो मुलांना पिशवीत घेऊन त्यांचे डोळे, नाक, कान काढून विकतो.

सध्या चीन हाच झोली बाबा बनला आहे, जो आपल्याच देशातील कैद्यांच्या किडनी,यकृत आणि हृदयासारख्या अवयवांचा व्यवसाय करत आहे. जग याला 'फोर्स्ड ऑर्गन हार्वेस्टिंग' असे म्हणते. त्याचे सर्वात मोठे बळी फालुन गोंग आणि उइगर मुस्लिम सारखे समुदाय आहेत, ज्यांना चिनी सरकार अडथळा मानते.

आजच्या मंडे मेगा स्टोरीमध्ये चीनच्या या काळ्या व्यवसायाची संपूर्ण कहाणी जाणून घेऊ...

चीन सरकारचा दावा आहे की, देशात दरवर्षी सुमारे 10,000 अवयव प्रत्यारोपण केले जातात. हा अधिकृत सरकारी आकडा असला तरी वेगवेगळ्या स्वतंत्र स्त्रोतांचा असा दावा आहे की, चीनमध्ये दरवर्षी सुमारे 60,000 ते 1 लाख अवयव प्रत्यारोपण करून 25,000 ते 50,000 लोकांची गुप्तपणे हत्या केली जाते. आता प्रश्न असा पडतो की चीनने एवढ्या मोठ्या प्रमाणावर फोर्स्ड ऑर्गन हार्वेस्टिंगचा व्यवसाय कसा उभारला? हे समजून घेण्यासाठी संपूर्ण टाइमलाइन माहित असणे आवश्यक आहे ...

1992 मध्ये फालुन गोंग या चिनी समुदायाची सुरुवात आध्यात्मिक नेता ली होंगजी यांनी केली होती. हे लोक एक विशेष ध्यान साधना करतात, ज्याद्वारे मोठे रोग बरे करण्याचे दावे केले जातात. त्याच्या स्थापनेच्या अवघ्या 7-8 वर्षांत याचे अनुसरण करणाऱ्यांची संख्या 10 कोटींपर्यंत पोहोचली होती. म्हणजेच चीनमध्ये दर 12 पैकी 1 व्यक्ती फालुन गोंगचा अनुयायी होता. त्यानंतर चीनचे तत्कालीन राष्ट्राध्यक्ष जियांग झेमिन यांनी फालून गोंग समुदायाला चीनच्या शांततेसाठी धोका असल्याचे घोषित केले. तेव्हापासून या धर्माच्या अनुयायांची दडपशाही सुरू आहे.

उइगर मुस्लिम हा चीनमधील अल्पसंख्याक समुदाय आहे जो शिनजियांग प्रांतात राहतो. चीनने या समुदायाला स्वदेशी मानण्यास नकार दिला असून त्यांच्यावर दहशतवाद आणि फुटीरतावादाचा आरोप करण्यात आला आहे. म्हणूनच उइगर मुस्लिमांवर भेदभाव केला जातो आणि त्यांचा छळ केला जातो.

चीनमध्ये फोर्सड ऑर्गन हार्वेस्टिंगसाठी तुरुंगात असणाऱ्या फालुन गोंग आणि उइगरांचा छळ करून त्यांची हत्या करणे अनेक जुन्या अनैतिक मेडिकल प्रॅक्टिसची आठवण करून देते...

इतिहासातील काही क्रूर वैद्यकीय प्रॅक्टिसेसबद्दल जाणून घेऊया....

1. नाझी छावणीत ज्यूंवर वैद्यकीय प्रयोग

हिटलरच्या सैन्यात एक प्रायोगिक विभाग होता, ज्याने नाझी छावणीत सुमारे 70 संशोधन प्रकल्प राबवले. याची जबाबदारी जोसेफ मेंगेले नावाच्या क्रूर सैन्य डॉक्टरच्या हाती होती. हे चित्र नाझींच्या छावणीच्या वाटेचे आहे.
हिटलरच्या सैन्यात एक प्रायोगिक विभाग होता, ज्याने नाझी छावणीत सुमारे 70 संशोधन प्रकल्प राबवले. याची जबाबदारी जोसेफ मेंगेले नावाच्या क्रूर सैन्य डॉक्टरच्या हाती होती. हे चित्र नाझींच्या छावणीच्या वाटेचे आहे.

यूएस होलोकॉस्ट मेमोरियल म्युझियमनुसार, डॉ. मेंगले रुग्णांचे डोळे काढून ते गोळा करायचे. ज्यूंवर संसर्गजन्य रोग आणि रासायनिक शास्त्रांचे प्रयोग करण्यात आले. कमी तापमान आणि कमी दाबाच्या कक्षांमध्ये टाकून विमानांसारखे प्रयोग केले गेले.

2. जपानच्या युनिट 731 ने चिनी लोकांचा नाश केला

जपानी इम्पीरियल आर्मीने जैविक शस्त्रांच्या चाचणीसाठी चीनच्या सामान्य लोकांना निवडले. याची जबाबदारी युनिट 731 कडे होती ज्याचे प्रमुख फिजिशियन जनरल शिरो इशी होते. तेच या प्रयोगाचे नेतृत्व करत होते. हे छायाचित्र जनरल शिरो यांचे आहे.
जपानी इम्पीरियल आर्मीने जैविक शस्त्रांच्या चाचणीसाठी चीनच्या सामान्य लोकांना निवडले. याची जबाबदारी युनिट 731 कडे होती ज्याचे प्रमुख फिजिशियन जनरल शिरो इशी होते. तेच या प्रयोगाचे नेतृत्व करत होते. हे छायाचित्र जनरल शिरो यांचे आहे.

जपानी सैन्याने चिनी लोकांवर प्लेग, अँथ्रॅक्स, टायफॉइड, पॅराटायफॉइड आणि कॉलरा यांसारखे प्रयोग केले. यामध्ये सुमारे 2 लाख लोकांचा मृत्यू झाला. 1990 मध्ये, जपानने त्याच्या युनिट 731 च्या या गैर कृती मान्य केल्या. या युनिटमध्ये सामील असलेल्या लोकांची नावे 2018 मध्ये उघड करण्यात आली होती.

3. लहान मुलांवर करण्यात आलेली द मॉन्स्टर स्टडी

1939 मध्ये, आयोवा विद्यापीठातील संशोधकांनी असा सिद्धांत मांडला की, तोतरेपणा हे शिकलेले वर्तन आहे. हे सिद्ध करण्यासाठी, एक प्रयोग केला गेला, ज्याला द मॉन्स्टर म्हणतात. हे प्रतीकात्मक चित्र आहे.
1939 मध्ये, आयोवा विद्यापीठातील संशोधकांनी असा सिद्धांत मांडला की, तोतरेपणा हे शिकलेले वर्तन आहे. हे सिद्ध करण्यासाठी, एक प्रयोग केला गेला, ज्याला द मॉन्स्टर म्हणतात. हे प्रतीकात्मक चित्र आहे.

यामध्ये अनाथ मुलांना वेगळे ठेवण्यात आले होते. काही दिवसातच या मुलांना ते तोतरे बोलायला सुरुवात करतील असे वारंवार सांगण्यात आले. संशोधकांनी मुलांना त्याची लक्षणे सांगितली. या प्रयोगात एकही मूल तोतरे बोलायला लागले नाही तर अस्वस्थ आणि शांत राहायला लागले. या अभ्यासातील उर्वरित तीन मुलांनी 2007 मध्ये आयोवा विद्यापीठाविरुद्ध तक्रार केली.

संदर्भ

https://wienerholocaustlibrary.org/exhibition/science-and-suffering-victims-and-perpetrators-of-nazi-human-experimentation/

https://www.bmj.com/content/bmj/293/6548/641.full.pdf

https://www.cdc.gov/tuskegee/timeline.htm

https://dafoh.org/forced-organ-harvesting-in-china/

https://onlinelibrary.wiley.com/doi/full/10.1111/ajt.16969

https://theconversation.com/killing-prisoners-for-transplants-forced-organ-harvesting-in-china-161999

https://www.chinaorganharvest.org/overview/

https://www.chinaorganharvest.org/timeline/

https://ethan-gutmann.com/

https://www.livescience.com/13002-7-evil-experiments.html

बातम्या आणखी आहेत...