दिव्य मराठी रिसर्चबिन लादेन कुटुंबाच्या देणगीने प्रिन्स चार्ल्स अडचणीत:कुली ते सौदीच्या राजाचे विश्वासू कसे बनले ओसामाचे वडील

ओसामा बिन लादेनला 2 मे 2011 रोजी यूएस नेव्ही सीलच्या पथकाने मारले होते. पण आज 11 वर्षांनंतरही जग हे नाव विसरलेले नाही. ब्रिटीश सिंहासनाचे वारसदार प्रिन्स चार्ल्स देखील आता या नावाशी जोडल्या गेल्यामुळे वादात सापडले आहेत. 2013 मध्ये, प्रिन्स चार्ल्सच्या एका संस्थेने बिन लादेन ग्रुपकडून 1 मिलियन पौंड (सुमारे 10 कोटी रुपये) देणगी घेतली होती. या खुलाशामुळे आज त्यांच्यावर टीका होत आहे. जरी जग बिन लादेन हे नाव ओसामाशी जोडत असले तरी हे नाव सौदी अरेबियातील सर्वात मोठ्या उद्योगपतींपैकी एक आहे.

या कुटुंबाने 1994 मध्ये ओसामाशी असलेले सर्व संबंध तोडण्याची जाहिर घोषणाही केली होती, परंतु आजही ओसामापासून बिन लादेन कुटुंबाचे नाव सुटलेले नाही. मात्र, या सौदी व्यापारी घराण्यावर संशय घेण्याचे एकमेव कारण ओसामा नाही.

या गटाची स्थापना करणाऱ्या ओसामाचे वडील मोहम्मद बिन अवाद बिन लादेनपासून ते कुटुंबाचा सध्याचा प्रमुख बक्र बिन लादेनपर्यंत अनेक वाद आणि गूढ रहस्य निर्माण झाली आहेत. 90 च्या दशकात, फ्रेंच गुप्तचर संस्थेने या समूहावर एक गोपनीय अहवाल तयार केला होता. अमेरिकेतील 9/11 च्या हल्ल्यापूर्वी तयार करण्यात आलेल्या या अहवालात, अनेक गूढ रहस्यांबाबत आणि या कुटुंबातील सदस्यांच्या राजकीय संबंधावर संशय व्यक्त करण्यात आला होता.

फ्रेंच गुप्तचर अहवालातून लादेन कुटुंबाची अनेक गुपिते उघड झाली