दिव्य मराठी एक्सप्लेनर24 रशियन श्रीमंतांचा मृत्यू, पुतिन यांच्यावर संशय:कोणी डोंगरावरुन तर कोणी छतावरून पडले, भारतात 3 मृत्यू

22 डिसेंबर, 24 डिसेंबर आणि 3 जानेवारी. गेल्या दोन आठवड्यात भारतात 3 रशियन नागरिकांचा मृत्यू झाला आहे. ओडिशातील साई इंटरनॅशनल हॉटेलमध्ये दोन आणि पारादीप बंदरात एका जहाजात एक जण मृतावस्थेत आढळून आला. थोड्या संशोधनातून असे दिसून आले आहे की, गेल्या एका वर्षात जगातील विविध भागांमध्ये किमान 24 रशियन सेलिब्रिटींचा मृत्यू झाला आहे.

यापैकी 6 जण इमारतीच्या खिडकीतून पडले, 5 जणांनी गळफास घेतला, 4 जणांनी स्वतःला गोळ्या झाडल्या आणि 4 जणांचा हृदयविकाराच्या झटक्याने मृत्यू झाला. उर्वरित 5 जणांचाही संशयास्पद मृत्यू झाला. लष्करातील नेतृत्त्व, तेल आणि वायू व्यवसायातील अब्जाधीश कुलीन वर्ग, उच्च व्यावसायिक अधिकारी आणि उच्च अधिकारी यांचा मृतांमध्ये समावेश आहे.

मृतांचे प्रोफाइल आणि मृत्यूचे स्वरूप पाहा आणि शेवटी जाणून घ्या यामागे कोण असू शकते...

दोन वर्षांपूर्वी देखील रशियामध्ये संशयास्पद मृत्यूंचा असाच प्रकार

6 मे 2020 रोजी Vox मध्ये एक अहवाल रिपोर्ट प्रकाशीत झाला. त्याचे शीर्षक होते- 'रशियन कोरोनाव्हायरस डॉक्टर रहस्यमयपणे खिडक्यांमधून का पडत आहेत?' या रिपोर्टमध्ये कोरोना व्हायरसच्या काळात मोठ्या डॉक्टरांच्या संशयास्पद मृत्यूची नोंद करण्यात आली होती. त्या वेळीही मृत्यूची प्रवृत्ती सारखीच होती, ज्यामध्ये मृत्यूची परिस्थिती असामान्य होती आणि खुनाचा कोणताही पुरावा नव्हता. रशियामध्ये गेल्या दोन दशकांपासून एक कल आहे. पुतिन यांच्या टीकाकारांच्या संशयास्पद मृत्यूच्या प्रकरणात, ठोस पुरावे सापडू नयेत म्हणून सखोल तपास केला जात नाही.

हे सर्व मृत्यू एकमेकांशी संबंधित आहेत आणि त्यांच्या मागे कोणीतरी आहे का?

गेल्या 1 वर्षातील या 24 मृत्यूंमध्ये दोन गोष्टी सामान्य आहेत. प्रथम, ते सर्व रशियन समाजातील अभिजात दर्जाचे लोक आहेत. दुसरे, हे लोक पुतीनच्या अगदी जवळचे होते किंवा युक्रेनवर रशियन हल्ल्याला विरोध करणारे होते.

अशा मृत्यूंची संख्या जास्त आहे, परंतु याचा अर्थ असा नाही की, या सर्वांचा एकमेकांशी संबंध आहे किंवा त्यामागे एकच व्यक्ती आहे. यामध्ये काही आत्महत्या, काही अपघात आणि काही खून असू शकतात.

यावर विश्वास ठेवण्यास भक्कम कारणेही आहेत. डब्ल्यूएचओच्या मते, रशिया हा जगातील तिसरा सर्वाधिक आत्महत्या दर असलेला देश आहे. रशियन तज्ञ आणि प्राध्यापक पीटर रटलँड यांच्या मते, युद्धामुळे रशियन व्यापारी समुदाय प्रचंड दबावाखाली आहे. त्यांच्यावर बंदी घातली जाते, मालमत्ता गोठविली जाते आणि शेअर्स जप्त केले जातात. त्या समाजासाठी हा खूप तणावाचा काळ आहे.

वास्तविक, अशा मृत्यूंच्या स्पष्टीकरणात एक मजबूत कट सिद्धांत आहे की, त्यांच्या मागे रशियाचे अध्यक्ष पुतिन आहेत ...

रशियन समीक्षक बिल ब्राउडर यांच्या म्हणण्यानुसार, 'जेव्हा एखाद्या उद्योगातील लोक अशा प्रकारे मरतात, तेव्हा मला वाटते की ही एक हत्येची महामारी आहे. हे रशियन सत्तेच्या इशाऱ्यावर होत असल्याचे स्पष्टपणे दिसून येत आहे.

प्रश्न असा पडतो की, पुतिन हे का करतील? ब्राउडर म्हणतात की, युक्रेनवरील हल्ल्यानंतर सरकारला निधीची गरज आहे. ते मिळवण्याचा सर्वोत्तम मार्ग म्हणजे नकार देणाऱ्याला मारणे. जो त्याची जागा घेईल तो पुन्हा नकार देऊ शकणार नाही.

ग्राफिक्स: हर्षराज साहनी, अंकित द्विवेदी

विविध विषयांवरील इतर एक्सप्लेनर देखील वाचा...

'नोटाबंदी' निर्णयावर असहमत एकमेव न्यायमूर्तीची कहाणी:5 वर्षांपूर्वीही केंद्र सरकारचा निर्णय उलटला

ब्रेन-ईटिंग​​​​​​​ अमिबाने फस्त केले मानवी मांस:कोमट पाण्याद्वारे नाकातून शरीरात; 11 दिवसांत व्यक्तीचा मृत्यू​​​​​​​

मुलगी कायमच स्वच्छता करत राहते:डॉक्टरांनी OCD सांगितले; उपचारासाठी न्यायालयाची परवानगी असलेला आजार नेमका काय?