आजचा इतिहास:देशातील पहिल्या महिला न्यायाधीशांचा जन्म, जज होण्यापूर्वी चांडी यांनी निवडणूक लढवली आणि जिंकलीही

1905 मध्ये आजच्याच दिवशी देशातील पहिल्या महिला न्यायाधीशाचा जन्म झाला होता. केरळच्या त्रिवेंद्रममध्ये जन्मलेल्या अण्णा चंडी यांनी 1926 मध्ये सरकारी लॉ कॉलेज, त्रिवेंद्रममधून कायद्याची पदवी घेतली. कायद्याची पदवी मिळवणाऱ्या त्या केरळमधील पहिल्या महिला होत्या. 1929 पासून त्यांनी कायद्याची प्रॅक्टिस सुरू केली. 1930 मध्ये त्यांनी 'श्रीमती' नावाचे मासिक सुरू केले, त्यात त्यांनी स्त्री स्वातंत्र्य, विधवाविवाह आणि स्त्रियांशी संबंधित सर्व समस्यांवर लेखन सुरू केले.

1931 मध्ये त्यांनी सक्रिय राजकारणात भाग घेण्याचे ठरवले. अण्णा श्रीमूलमची विधानसभेची निवडणूक लढवली. त्यांच्या विरोधकांना एका महिलेने निवडणूक लढवणे पसंत नव्हते. त्यांच्यावर विविध आरोप करण्यात आले आणि त्यांच्या चारित्र्याकडे बोट दाखवण्यात आले. पोस्टर्स छापून त्यांची खोटी माहिती देण्यात आली. याचा परिणाम असा झाला की अण्णा पराभूत झाल्या, पण त्या इतक्या सहजासहजी हार मानणाऱ्या नव्हत्या. त्यांनपी पुढची निवडणूक पुन्हा लढवली आणि त्यावेळी मात्र जिंकल्या.

1937 मध्ये त्रावणकोरच्या दिवाणाने त्यांची मुन्सिफ म्हणून नियुक्ती केली. यासह त्या देशातील पहिल्या महिला न्यायाधीश ठरल्या. येथून त्यांनी मागे वळून पाहिलेच नाही. 1948 मध्ये त्या जिल्हा न्यायाधीश झाल्या.

1959 मध्ये झाल्या केरळ उच्च न्यायालयाच्या न्यायाधीश

अण्णांना 9 फेब्रुवारी 1959 रोजी केरळ उच्च न्यायालयाचे न्यायाधीश बनवण्यात आले. यासह त्या भारतातील कोणत्याही उच्च न्यायालयाच्या पहिल्या महिला न्यायाधीश ठरल्या. 5 एप्रिल 1967 पर्यंत त्या या पदावर होत्या. येथून निवृत्त झाल्यानंतर त्यांची नियुक्ती भारतीय कायदा आयोगात झाली. न्यायमूर्ती चांडी यांचे 20 जुलै 1996 रोजी वयाच्या 91व्या वर्षी निधन झाले.

1959 : ग्रॅमी अवॉर्ड्स पदार्पण

आजपासून बरोबर 62 वर्षांपूर्वी ग्रॅमी अवॉर्ड्सला सुरुवात झाली. त्याच्या आधी अकादमी आणि एमी सारखे प्रतिष्ठित पुरस्कार चित्रपट आणि टेलिव्हिजनमध्ये काम करणाऱ्या कलाकारांना देण्यात येत होते, परंतु संगीतासाठी असा कोणताही पुरस्कार नव्हता. संगीत कलाकारांचा योग्य आदर आणि लोकांची वाढती आवड लक्षात घेऊन ग्रॅमी अवॉर्ड सुरू करण्यात आला.

1959 मध्ये पहिल्यांदा लॉस एंजेलिस, यूएसए येथे आयोजित करण्यात आले होते, तेव्हा 28 ग्रॅमी पुरस्कार देण्यात आले होते. त्याकाळी त्याला ग्रामोफोन अवॉर्ड म्हटले जायचे. पुरस्कारामध्ये देण्यात आलेल्या ट्रॉफीचा आकारही ग्रामोफोनसारखाच आहे. तेव्हापासून, दरवर्षी 25 हून अधिक संगीत शैलींसाठी एकूण 75 हून अधिक पुरस्कार दिले जातात.

संगीतात जसा प्रकार वाढला, तसतशी पुरस्कारांची संख्याही वाढली. एका क्षणापर्यंत त्यांची संख्या 109 वर पोहोचली होती. त्यावेळी महिला आणि पुरुष कलाकारांना स्वतंत्र पुरस्कार देण्यात आले. 2011 मध्ये, रेकॉर्डिंग अकादमीने पुरुष-महिला पुरस्कारांची संख्या एकने कमी केली. तसंच काही तत्सम प्रकारही याच श्रेणीत आणले.

63वा ग्रॅमी पुरस्कार सोहळा

14 मार्च 2021 रोजी लॉस एंजेलिस, यूएसए येथे 63व्या ग्रॅमी पुरस्कारांचे आयोजन करण्यात आले होते. पॉप गायिका बियोन्सेने या पुरस्कार सोहळ्यात 4 पुरस्कार जिंकून इतिहास रचला. यासह तिच्याकडे 28 ग्रॅमी पुरस्कार आहेत. कोणत्याही महिला कलाकारासाठी हे सर्वाधिक ग्रॅमी पुरस्कार आहेत. तिला या पुरस्कारासाठी 79 वेळा नामांकनही मिळाले आहे.

ग्रॅमीमध्ये भारतीय

हा पुरस्कार मिळवणारे सतारवादक पंडित रविशंकर हे पहिले भारतीय कलाकार ठरले. 1968 मध्ये "वेस्ट मीट्स ईस्ट" अल्बमसाठी त्यांना हा पुरस्कार देण्यात आला. त्यांच्याकडे जीवनगौरव पुरस्कारासह 5 ग्रॅमी पुरस्कार आहेत. याशिवाय तबलावादक झाकीर हुसेन, एआर रहमान, झुबिन मेहता, पंडित विश्व मोहन भट्ट यांनाही हा पुरस्कार मिळाला आहे.

4 मे रोजीच्या देश-विदेशाच्या इतिहासातील इतर महत्त्वाच्या घटना

2008: प्रसिद्ध तबलावादक पंडित किशन महाराज यांचे निधन.
1975: मूक चित्रपटांचे स्टार चार्ली चॅप्लिन यांना बकिंगहॅम पॅलेसमध्ये नाइट पदवी प्रदान करण्यात आली.
1957: भारतीय इतिहासकार हेमचंद्र रॉय चौधरी यांचे निधन.
1924: पॅरिसमध्ये 8व्या ऑलिम्पिक खेळांना सुरुवात झाली.
1922: "शार्क लेडी" म्हणून प्रसिद्ध असलेल्या अमेरिकन सागरी जीवशास्त्रज्ञ युजेनी क्लार्क यांचा जन्म झाला.
1902: कर्नाटकचे पहिले मुख्यमंत्री आणि मध्य प्रदेशचे राज्यपाल केसी रेड्डी यांचा जन्म झाला.
1896: लंडन डेली मेलचा पहिला अंक प्रकाशित झाला.
1799: म्हैसूर राज्याचे शासक टिपू सुलतान यांचे निधन.
1767: प्रसिद्ध कवी आणि संगीतकार त्यागराज यांचा जन्म.