आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

शिवसेना आमदाराचा मोठा खुलासा:काँग्रेस-राष्ट्रवादी पक्षाचे नुकसान करत असल्याचे शिंदेंनी अनेकदा सांगितले मात्र, मुख्यमंत्र्यांनी ऐकले नाही

संध्या द्विवेदी4 दिवसांपूर्वी
  • कॉपी लिंक

महाराष्ट्रात सध्या सुरू असलेले राजकीय संकट हे चित्रपटाच्या स्क्रिप्टपेक्षा कमी नाही. इथे सूड, बंड आणि नाटक हे सगळंच आहे. अद्याप पूर्णपणे बंडखोर न झालेले शिवसेनेचे आमदार दीपक वसंत केसरकर यांनी उद्धव यांना अल्टिमेटम दिलाय. इतकेच नाही त्यांचे म्हणणे न ऐकल्यास वेगळा मार्ग काढणार असल्याचे त्यांनी स्पष्ट केले आहे.

खरे तर शिवसेनेचे बंडखोर नेते एकनाथ शिंदे यांच्याप्रमाणे दीपक केसरकर यांचीही शिवसेनेने राष्ट्रवादी आणि काँग्रेसशी संबंध तोडून भाजपशी हातमिळवणी करावी, अशी इच्छा आहे. त्यांनी दिव्य मराठी नेटवर्कशी बोलताना सांगितले की, केवळ मीच नाही तर शिंदे यांनीही हे शिवसेनाप्रमुखांना अनेकदा सांगितले, मात्र त्यांनी कधीही गांभीर्याने घेतले नाही.

राष्ट्रवादी आणि काँग्रेसच्या आमदारांच्या वृत्तीला लगाम घालण्यासाठी एकनाथ शिंदे सतत उद्धव यांच्याशी बोलत होते, मात्र त्यांच्या मुद्द्याकडे दुर्लक्ष करण्यात आल्याचे ते म्हणाले. आम्ही त्यांना विचारले की सेनेने भाजपमध्ये जावे असे तुम्ही उघडपणे सांगितले का? त्यावर केसरकर म्हणाले, 'आमचे आणि भाजपचे नाते खूप जुने आहे. राष्ट्रवादी आणि काँग्रेस आमचे विरोधक आहेत.

आता पक्ष आणि सत्ता या दोघांवरही धोका निर्माण झालेला पाहून उद्धव यांनी फेसबुक लाईव्हच्या माध्यमातून शिंदे यांना भावनिक आवाहन केले आहे - 'एकनाथांनी समोर यावे. त्यांनी म्हटले तर मी पक्ष आणि पद दोन्ही सोडेन.

मात्र, गुजरातमध्ये पोहोचल्यानंतर एकनाथ शिंदे यांनी उद्धव यांना पक्ष आणि विचारधारा वाचवण्याचे आवाहन केले होते. तेव्हा मात्र, महाराष्ट्राचे मुख्यमंत्री ठाम होते.

11 जून रोजी झालेल्या राज्यसभा निवडणुकीत शिवसेनेचे दुसरे उमेदवार संजय पवार यांच्या पराभवाचे कारणही राष्ट्रवादीचे शिवसेनेला दिलेले अपक्ष आमदार होते, त्यांनी क्रॉस व्होटिंग करून सेनेच्या उमेदवाराचा पराभव केल्याचे केसरकर यांनी सांगितले.

त्यानंतरही उद्धव यांनी राष्ट्रवादीचे अध्यक्ष शरद पवार यांच्याशी चर्चा केली नाही. यावर एकनाथ शिंदेच नाही तर पक्षाचे जवळपास सर्वच आमदार आणि मंत्री नाराज झाले होते. राज्यसभा निवडणुकीचा राग एमएलसी निवडणुकीपर्यंत पोहोचला. जिथे सेनेचा दारुण पराभव झाला. राग संपूर्ण सेनेत होता, एकनाथ शिंदे यांनी फक्त त्याचे नेतृत्व हाती घेतले.

मग या रागानेच या राजकीय पेचप्रसंगाचा किंवा 'बंडाचा' पाया रचला का?

दीपक केसरकर म्हणतात, 'याचे उत्तर हो असे असू शकते. मात्र या संकटाचा पाया सरकार स्थापनेमुळेच रचला गेला होता. जिथे शिवसेनेचे आमदार आहेत, तिथे राष्ट्रवादी आणि काँग्रेसचे नेते दुसऱ्या क्रमांकावर आहेत. म्हणजे निवडणुकीचे निकाल आले तेव्हा विजय सेना उमेदवाराचा होता, तेव्हा राष्ट्रवादी किंवा काँग्रेस दुसऱ्या क्रमांकावर होते.

काँग्रेस आणि राष्ट्रवादीसोबत राजकीय आघाडी झाली असेल, पण या दोन्ही पक्षांनी आम्हाला कधीच मदत केली नाही. उलट ते आम्हाला उखडून टाकण्याचा प्रयत्न करत राहिले. जिथे जिथे हे लोक दुसऱ्या क्रमांकावर असतात, तिथे त्यांचा पक्ष सतत त्यांचा प्रचार करत असतो. गेल्या दोन वर्षांपासून आम्ही आमच्या विरोधी पक्षाशी नाही तर आमच्या मित्रपक्षाशी लढत आहोत.

राज्यसभा निवडणुकीनंतरच शिंदे यांनी उघडली आघाडी

एकनाथ शिंदे हे सतत उद्धव यांना समजवण्याचा प्रयत्न करत होते, फक्त त्यांनाच नाही तर आम्हा सर्वांना शिवसेनेला वाचवायचे आहे. पण उद्धव यांना कोणत्याही परिस्थितीत राष्ट्रवादीचे अध्यक्ष शरद पवार यांच्यासमोर काही बोलायचे नव्हते. कदाचित त्यांच्यामुळेच मी मुख्यमंत्री झालो असे त्यांना वाटत होते.

मात्र शिंदे यांनी राज्यसभा निवडणुकीच्या निकालानंतरच उद्धव यांना अल्टिमेटम दिला. पक्ष तोडण्याचे संकेतही त्यांनी दिले होते. पण तेव्हा शिवसेनेचे आमदार इतक्या मोठ्या संख्येने बंड करतील असे उद्धव यांना वाटले नव्हते.

गुजरातमध्ये पोहोचल्यानंतरही एकनाथ शिंदे यांनी उद्धव यांना फोन करून सांगितले, अजूनही वेळ गेलेली नाही

26 आमदारांसह सुरतला पोहोचल्यानंतरही माझ्या आणि इतर काही मंत्री-आमदारांच्या सांगण्यावरून एकनाथ शिंदे यांनी महाराष्ट्राचे मुख्यमंत्री उद्धव ठाकरे यांच्याशी फोनवर बोलने केले. ते म्हणाले होते, तुम्ही अजूनही आमचे ऐकाल तर आम्ही परत येऊ.

ज्या पक्षाशी आपली हिंदुत्वाची विचारधारा जुळते त्या पक्षाशी आपण हातमिळवणी करायला हवी. आपण हिंदुत्ववादी आहोत, त्याला चिकटून राहिले पाहिजे. पण उद्धव यांनी स्पष्ट शब्दात सांगितले - कोणत्याही किंमतीत भाजपशी हातमिळवणी करणार नाही.

भाजपने उद्धव यांच्यावर वैयक्तिक हल्ला केला, सूड घेण्यासाठी उद्धव यांनी घातली गळ

राजकारणात पक्ष बदलणे, सरकार पाडणे, स्थापन करणे असे प्रकार सुरू असतात. राष्ट्रवादी आणि काँग्रेससारख्या कट्टर विरोधी विचारसरणीच्या पक्षांशी हातमिळवणी करणारे उद्धव ठाकरे भाजपवर इतके नाराज का झाले की त्यांनी सरकार पडणेही मान्य केले? शिवसेनेच्या एका मंत्र्याने सांगितले की, "खरं तर उद्धव यावेळी भाजपशी राजकीय शत्रुत्व खेळत नाहीत, सुशांत सिंग राजपूत आणि त्यांची पीए दिशा यांच्या हत्येप्रकरणी आदित्य ठाकरेंचे नाव पुढे आल्याने ते नाराज आहेत.

वास्तविक, भाजपनेच आदित्य ठाकरेंना या प्रकरणात गुंतवले होते, असा सूर सेनेत होता. भाजपने वैयक्तिक हल्ले करणे टाळायला हवे होते, असे उद्धव यांनी अनेकदा सभांमध्ये सांगितले.

भाजपने आदित्यला गोवले नाही तर एकदा तरी सोशल प्लॅटफॉर्मवरून या आरोपांचे खंडन करावे, असेही उद्धव म्हणाले. वर्षानुवर्षे आमच्या मैत्रीची भाजपनेही पर्वा केली नाही. राजकीय लढ्याची धग घरापर्यंत नसावी.

यामुळे उद्धव इतके नाराज झाले की, त्यांनी राष्ट्रवादी आणि काँग्रेसच्या आमदार आणि त्यांच्या कार्यकर्त्यांच्या मनमानीकडे डोळेझाक केली.

वैयक्तिक नाराजीमुळे पक्षाचा बळी दिल्याने बंडखोर आमदार झाले संतप्त

शिवसेनेचे मंत्री म्हणाले, पक्षाचे जे आमदार-मंत्री बंडखोर झाले आहेत किंवा जे घडणार आहे, त्यांनाच अधिक धक्का बसला आहे की, उद्धव ठाकरे यांनी वैयक्तिक हल्ल्याचा बदला घेण्यासाठी पक्षाचा बळी देण्याचीही तयारी दाखवली. या मुद्द्यावर भाजपशी चर्चा होऊ शकली असती. आधी पक्ष आणि सरकार आहे, मग वैयक्तिक स्वार्थ किंवा नफा-नुकसान असायला हवे. मात्र, उद्धव यांनी पक्षापेक्षा स्वत:च्या मताला मोठे मानले.

बातम्या आणखी आहेत...