आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

भास्कर नॉलेज सिरीज:लहान मुलांना सध्या लस दिली जाऊ शकत नाही, परंतु घरातील इतर लोकांनी लस घेतल्यास मुलांना संरक्षण मिळेल

5 दिवसांपूर्वी
  • कॉपी लिंक

कोरोना विषाणूच्या दुसर्‍या लाटेने धोकादायक रूप धारण केले आहे. अशा परिस्थितीत मुलांमध्येही संसर्गाची प्रकरणे नोंदली गेली आहेत. पहिल्या लाटेपेक्षा त्यांची संख्या जास्त आहे. यावर दैनिक भास्करने अ‍ॅरिझोना स्टेट युनिव्हर्सिटीच्या कोरोनाव्हायरसवर पीएचडी केलेल्या चेन्नई येथील कोरोनाव्हायरोलॉजिस्ट डॉ. पवित्रा व्यंकटगोपालन यांच्याशी चर्चा केली. त्यांच्याकडून, मुलांना संसर्ग होण्यापासून रोखण्यासाठी कोणती पावले आवश्यक असतील आणि त्यांना ही लस कधी मिळेल हे समजून घ्या ...

18 वर्षाखालील मुलांचे लसीकरण होणार नाही, परंतु त्यांना संसर्ग होत आहे, त्यांचे संरक्षण कसे होईल?
भारतात लसीकरणाच्या तिसऱ्या टप्प्यात 18-45 वर्षे वयोगटातील प्रौढांचा देखील समावेश आहे. सध्या मुलांमध्ये संसर्गाची प्रकरणे वाढत आहेत, परंतु त्यांना सध्या लस देऊ शकत नाही. याचे प्रमुख कारण म्हणजे आम्ही मुलांमध्ये व्हॅक्सिनच्या कार्यक्षमतेवर शोध घेतलेला नाही. आपल्याकडे इतरही मार्ग आहेत. सर्वात चांगला मार्ग म्हणजे त्यांना संसर्गापासून दूर ठेवणे. हे दोन प्रकारे होऊ शकते. प्रथम, मुलांसह राहणाऱ्या सर्व प्रौढांना लस द्यावी. दुसरा मार्ग म्हणजे कोविड -19 प्रोटोकॉल मुलांना शिकवा.

अमेरिकेत 16 वर्षांवरील मुलांसाठी लसीकरण नुकतेच सुरू झाले आहे. यापेक्षा कमी वयाच्या मुलांसाठी हे कधी सुरू होईल अशी अपेक्षा आहे?
सध्या तर नाही. सध्या भारतात ज्या लस वापरल्या जात आहेत, त्यांची मुलांवर कोणतीही चाचणी झालेली नाही. जगभरात काही क्लिनिकल चाचण्या सुरू आहेत, ज्यामध्ये मुलांवर कोविड -19 लसचा प्रभाव आणि सुरक्षितता तपासली जात आहे. चाचण्या पूर्ण होईपर्यंत ही लस पूर्णपणे सुरक्षित आणि मुलांसाठी प्रभावी असल्याचे सिद्ध होत नाही, तोपर्यंत आपल्याला वाट पाहावी लागेल. कोरोना विषाणूची लागण सर्व वयोगटात होत असल्याचे पुन्हा-पुन्हा सांगणे आवश्यक आहे. परंतु 50 वर्षांपेक्षा जास्त वयोगटातील लोकांसाठी जोखीम अनेक पटींनी वाढते.

लहान मुलांच्या सुरक्षेसाठी स्वतंत्र प्रोटोकॉल आहे का?
नाही. कोरोना विषाणूचा परिणाम सर्व वयोगटांवर होतो आणि ते टाळण्यासाठी प्रत्येकाने जे करणे शक्य आहे ते करणे आवश्यक आहे. डब्ल्यूएचओच्या शिफारशीनुसार पालकांनी कोरोनाशी संबंधित सर्व नियम काटेकोरपणे पाळले पाहिजेत. मुलांसाठी हे सर्व नियम त्यांच्या दिनचर्या आणि सवयीचा एक भाग बनविणे देखील महत्त्वाचे आहे. पालकांनी आपल्या मुलांशी बोलून त्यांच्या प्रश्नांची उत्तरे दिली पाहिजे आणि त्यांची भीती कमी करावी. ज्या कुटुंबातील सर्व प्रौढांनी लसीकरण केले आहे आणि कोरोना टाळण्यासाठी उपाययोजना काटेकोरपणे पाळतात अशा मुलांसह आपल्या मुलांना खेळू द्यावे आणि सर्वात महत्त्वाचे म्हणजे फिजिकल डिस्टंस आवश्यक आहे.

18 वर्षाखालील मुलांमध्ये रोगप्रतिकारशक्ती जास्त असते आणि यामुळेच ते संसर्गाशी लाडू शकतात?
हो बर्‍याच प्रमाणात. परंतु सर्व वयोगटात, जे लोक योग्य पदार्थ खातात आणि सक्रिय जीवनशैलीचे अनुसरण करतात त्यांच्याकडे मजबूत प्रतिकारशक्ती असते. कोविड -19 चा परिणाम सर्व वयोगटांवर होत आहे, परंतु ज्या लोकांची जीवनशैली निरोगी आहे, कोरोना त्यांना फार त्रास देत नाही. मुलांच्या ऍक्टिव्हिटीचा स्तर इतरांपेक्षा जास्त असतो, ज्यामुळे त्यांना जास्त त्रास होत नाही.

दुसर्‍या लाटेत, कमी वयाच्या लोकांमध्ये कोरोना आणखी पसरणार का?
नाही. कोरोना विषाणूचे नवीन रूप तरुणांवर अधिक परिणाम करीत आहे किंवा नाही याबद्दल कोणताही डेटा उपलब्ध नाही. यावेळी, व्हायरस सर्वांना संक्रमित करीत आहे; आणि ज्यांना इतर रोग आहेत ते गंभीर संक्रमणांमुळे रुग्णालयात दाखल होत आहेत. कोविड -19 च्या पहिल्या लाटेमध्ये लोक अधिक सावध होते. लोकांनी कोरोना टाळण्यासाठी केलेल्या नियमांचे काटेकोरपणे पालन केले. संसर्ग मुलांपर्यंत पोहोचू नये यासाठी सर्व स्तरांवर प्रयत्न करण्यात आले. परंतु गेल्या एका वर्षात, आयसोलेशनने देशातील लोकांना आर्थिक आणि भावनिक स्वरूपात त्रस्त केले आहे. जानेवारीमध्ये कोरोनाची लस लागू केली तेव्हा लोकांना असे वाटू लागले की विषाणूचा पराभव करण्यासाठी लसीकरण पुरेसे आहे. लोकांनी पुन्हा या महामारीच्या आधी जसे जीवन जगत होते तसेच जगण्यास सुरवात केली. बऱ्याच लोकांनी सामाजिक अंतर आणि मास्क लावण्याच्या नियमांकडे दुर्लक्ष केले. यामुळे, मागील वर्षाच्या तुलनेत यावर्षी मुलांमध्ये संसर्ग होण्याच्या संख्येत वाढ झाली आहे.

बातम्या आणखी आहेत...