आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कामाची गोष्टYoutube व्हिडिओ पाहून ज्यूस प्यायल्याने मृत्यू:वजन घटवणे किंवा सर्दी खोकल्यासाठी 'नुस्खा' पाहत असाल तर सावध व्हा

15 दिवसांपूर्वी
  • कॉपी लिंक

आई-वडील, आजी-आजोबा, काका-काकू अशा सर्वांनाच सध्या यूट्युबच्या भुताने पछाडले आहे. जेव्हा पाहा तेव्हा फोनवर डोळे ताणून व्हिडिओ पाहत असतात. काही ग्रह आणि नक्षत्र कसे दुरुस्त करायचे ते शिकत आहेत, तर काही पाठदुखी आणि डोकेदुखीपासून सुटका मिळवण्याचे उपाय शोधत आहेत.

इतकेच नाही तर हे सर्व लोक व्हिडीओ पाहून केवळ स्वतःच या उपायांचा अवलंब करत नाहीत, तर कुटुंबातील दुसर्या लोकांना फॉरवर्ड करून स्वतः ज्ञानी असण्याची शेखीही मिरवत आहेत.

माझे एक काका आहे. बनारसमध्ये राहतात. जेव्हा जेव्हा फॅमिली ग्रुपवर ते उपाय तसेच रेसिपींचा व्हिडिओ पोस्ट करत असतात. नुकतीच मी आजारी असताना मला त्यांचा फोन आला. मी हॅलो म्हणताच ते म्हणाले - तुला अॅसिडिटीचा त्रास आहे ना? मी तुला उपाय पाठवला होता, तू ट्राय का केला नाहीस?

त्यांच्या यूट्युबिया ज्ञानाचे सुख कुटुंबातील प्रत्येक सदस्य भोगत आहे. या भोगण्याचा अर्थ तुम्हाला कळाला असेलच. एकदा तापासाठी त्यांनी मावशीला कोण जाणे कोणते औषध दिले, तर तिची प्रकृती गंभीर झाली.

माझ्या काकासारखे तुमच्या घरीही कोणी ना कोणी असेलच. त्यामुळे त्यांचे इंटरनेट किंवा यूट्युब ज्ञान अंगीकारण्यापूर्वी ही दोन प्रकरणे वाचा-

पहिले प्रकरण इंदूरचे आहे -

काही दिवसांपूर्वी धर्मेंद्र नावाच्या व्यक्तीच्या हाताला दुखापत झाली होती. त्याला खूप वेदना होत होत्या. त्याने त्याच्या परिसरातील डॉक्टरांकडून उपचार घेतले, पण तो बरा झाला नाही. त्यानंतर धर्मेंद्रने यूट्युबचा आधार घेतला. त्याला एक व्हिडिओ मिळाला. ज्यामध्ये असे सांगितले होते की जंगली भोपळ्याचा रस प्यायल्याने शरीरातील कोणत्याही प्रकारची वेदना नाहीशी होते. धर्मेंद्रने स्वतः जंगलातून भोपळा आणला, रस काढला आणि प्यायला. त्याला उलट्या आणि जुलाब होऊ लागले. कुटुंबीयांनी त्याला रुग्णालयात नेले असता उपचारादरम्यान त्याचा मृत्यू झाला.

दुसरे प्रकरण पाटण्यातील आहे -

गोला रोड येथील 11 वर्षीय राहुल (नाव बदलले आहे) शाळेच्या दप्तराच्या वजनामुळे त्रस्त झाला होता. सकाळ संध्याकाळ आठ ते नऊ किलो वजनाचे दप्तर घेऊन शाळेत जाताना घामाघूम व्हायचा. काही महिन्यांपूर्वी त्याच्या गळ्यात असलेल्या पिशवीच्या वजनामुळे त्याला मानेत आखडल्यासारखे वाटू लागले. त्याने यूट्यूबवर व्हिडिओ पाहत घरीच योगाद्वारे त्याच्यावर उपचार करण्याचा प्रयत्न केला. त्याने 15 दिवस कोणत्याही देखरेखीशिवाय शीर्षासन आणि इतर व्यायाम केले, परंतु त्याची मान पूर्णपणे वाकडी झाली.

राहुलला पाहताच शाळेपासून ते वस्तीपर्यंतच्या मुलांनी पुष्पा चित्रपटातील डायलॉग झुकेगा नहीं असे बोलत त्याला चिडवण्यास सुरुवात केली. त्यानंतर इंदिरा गांधी इन्स्टिट्यूट ऑफ मेडिकल सायन्समध्ये दीड महिन्याच्या उपचारानंतर त्याची मान आता सरळ झाली आहे.

इंटरनेट किंवा यूट्युबवर रोगावर उपचार शोधणे किती धोकादायक आहे हे तुम्हाला समजले असेलच. आज आपण कामाच्या गोष्टीत याच विषयावर चर्चा करणार आहोत.

आजच्या स्टोरीचे तज्ज्ञ आहेत, डॉ. राजीव डँग, वैद्यकीय सल्लागार आणि संचालक (अंतर्गत औषध), मॅक्स हॉस्पिटल, डॉ. मधू गोयल, फोर्टिस ला फेम, प्रसूती आणि स्त्रीरोगतज्ज्ञ, डॉ. अबरार मुलतानी, आरोग्य तज्ञ आणि डॉ. अजिता, आयुर्वेदिक आरोग्य तज्ञ, संस्थापक, अयाम हेल्थकेअर

यूट्युब आणि इंटरनेटच्या ज्ञानामुळे रुग्ण आणि डॉक्टर दोघेही त्रस्त होतात:

मॅक्स हॉस्पिटलच्या इंटर्नल मेडिसिनमधील सल्लागार आणि संचालक डॉ. राजीव डँग सांगतात की, आजकाल प्रत्येक दुसरा रुग्ण इंटरनेट आणि यूट्युबवर काहीतरी पाहतो किंवा वाचून येतो. मग तो तसाच विचार करतो, आमच्या सल्ल्यादरम्यान मध्येच टोकून आम्हाला सांगतो की मी तर यूट्युबवर असे पाहिले होते. कधी कधी ते स्वतःवर उपचार करून घेतात आणि केस बिघडल्यावर आमच्याकडे येतात.

यूट्युबवरून इलाज शोधल्यावर लोक असे करतात

  • किरकोळ औषधे घेतात
  • मूर्खपणाचे प्रश्न विचारतात
  • हट्टाने स्वतःच्या चाचण्याही करून घेतात
  • स्वतःला औषधांचे तज्ज्ञ समजतात
  • काही लोक थेट सांगतात की आम्हाला कॅन्सर झाला आहे

इंटरनेटवर व्हिडिओ पाहून लोक शस्त्रक्रिया आणि प्रसूती कशी करावी हेही शिकत आहेत

जुलै महिन्यात इंटरनेटवर एक व्हिडिओ पाहून पती-पत्नीने घरीच प्रसूती करण्याचा निर्णय घेतला. यामुळे बालकाचा मृत्यू झाला आणि गुंतागुंतीमुळे आईचाही मृत्यू झाला. पोलिसांनी महिलेच्या पतीला अटक केली होती.

डॉ. मधु गोयल, फोर्टिस ला फेम, प्रसूती आणि स्त्रीरोगतज्ञ यांची एक गोष्ट वाचा...

आमच्याकडे येणाऱ्या अनेक जोडप्यांना नॉर्मल प्रसूतीऐवजी शस्त्रक्रिया करायची असते. नॉर्मल डिलिव्हरी पाहून घाबरल्याचे ते सांगतात.

असे लोक इंटरनेटवरील गुंतागुंत वाचून घाबरतात आणि आमच्याशी असे बोलू लागतात. इंटरनेटवर पाहून डिलिव्हरी करता येते हे 3 इडियट्स या चित्रपटात दाखवले होते, तेव्हापासून अनेक रुग्णांना ते खूप सोपे वाटू लागले आहे. यामुळे जेव्हा एखादी गुंतागुंत निर्माण होते तेव्हा आई आणि मूल दोघांच्याही जीवाला धोका निर्माण होतो.

प्रश्न- सामान्य माणसाने इंटरनेट किंवा यूट्युबवर कोणत्याही आजाराबद्दल सर्च करू नये का?

उत्तर- तसे नाही. आम्ही रुग्णांना रोगाबद्दल माहिती घेण्यास मनाई करत नाही, परंतु इंटरनेट किंवा यूट्युबवर आढळलेल्या माहितीचा आपल्या पद्धतीने अर्थ लावणे योग्य नाही. याचा रुग्ण आणि डॉक्टर दोघांनाही त्रास होतो. अनेक वर्षांच्या अभ्यासानंतर, एखादी व्यक्ती डॉक्टर बनते आणि रोगांवर उपचार करते. काही तासांत तुम्हाला एखाद्या आजाराबद्दल सर्व काही कसे कळू शकते किंवा समजू शकते.

प्रश्न- इंटरनेट किंवा यूट्यूबवर आपल्या आजाराबद्दल शोधून रुग्णाला डॉक्टरकडे जायचे असेल तर त्याने आपले मन कसे ठेवावे?

उत्तर- तुम्ही विश्वासाने डॉक्टरांकडे जा. जेव्हा तुम्ही डॉक्टरांवर विश्वास दाखवाल, तेव्हाच उपचार शक्य होतील. दुसऱ्या डॉक्टरांचा सल्ला घ्या, पण इंटरनेटच्या आधारे निर्णय घेऊ नका.

इंटरनेटवर तुमच्या किरकोळ आजारावर इलाज शोधणे तुम्हाला आणखी आजारी बनवू शकते. कसे ते जाणून घेण्यासाठी खालील ग्राफिक वाचा.

सायबरकांड्रियावरील संशोधन देखील वाचा-

प्यू रिसर्च सेंटरने काही लोकांचे सर्वेक्षण केले. परिणामांमध्ये असे आढळून आले की…

  • गेल्या वर्षी 72% लोकांनी आरोग्याशी संबंधित माहिती ऑनलाइन शोधली.
  • अमेरिकेतील 35% प्रौढांनी इंटरनेट वापरून त्यांची वैद्यकीय स्थिती ठिक करण्याचा प्रयत्न केला.
  • दुसर्‍या अभ्यासात असे दिसून आले आहे की 10% लोकांना ऑनलाइन आढळलेली वैद्यकीय माहिती वाचल्यानंतर किंवा पाहिल्यानंतर चिंता आणि भीती वाटू लागली.

प्रश्न- मग सायबरकांड्रिया टाळण्यासाठी लोकांनी काय करावे? कारण आजकाल इंटरनेट किंवा यूट्यूबवर रोग शोधणे सामान्य झाले आहे.

उत्तर- यासाठी 2-3 गोष्टी मनात ठेवा-

  • इंटरनेटवरील सर्व माहिती खरी नसते हे लक्षात घ्या.
  • शरीरात काही बदल किंवा आजाराची लक्षणे आढळल्यास ताबडतोब डॉक्टरांचा सल्ला घ्या.
  • केवळ डॉक्टरांच्या सल्ल्याकडे लक्ष द्या, त्यांच्या सल्ल्याशिवाय काहीही करू नका किंवा विचार करू नका.

बरेच लोक सर्दी-खोकल्यात काढा पितात किंवा वजन कमी करण्यासाठी युट्युबवर पाहून लिंबू पाणी पितात, परंतु काही लोक असे आहेत की त्यांनी डॉक्टरांच्या सल्ल्याशिवाय असे उपाय अजिबात करू नयेत. ते आम्ही खाली दिलेल्या ग्राफिकमध्ये सांगत आहोत-

आता भोपळ्याच्या रसाबद्दल बोलूया-

भोपळ्याचा ज्यूस पिऊन आयुष्मान खुरानाची पत्नी हॉस्पिटलमध्ये पोहोचली होती

2021 मध्ये अभिनेता आयुष्मान खुरानाची पत्नी ताहिरा कश्यपची प्रकृती भोपळ्याचा कडू रस पिल्यानंतर खराब झाली होती. तिला आयसीयूमध्ये दाखल करावे लागले. ज्यूस प्यायल्यानंतर ताहिराला 17 वेळा उलट्या झाल्या. तिचा रक्तदाबही 40 पर्यंत खाली आला होता.

भोपळ्याच्या रसाने मूत्रपिंड निकामी होऊ शकते

भोपळ्याची भाजी आरोग्यासाठी चांगली असते, पण कडू भोपळा, मग तो जंगली असो की शेतातील, तो तुमच्यासाठी खूप हानिकारक असतो. कारण कडू भोपळ्यात कुकर बीटासिन नावाचे रासायनिक तत्व असते, ज्याची चव तुरट असते. हा घटक काकडीच्या सालीमध्येही असतो. त्यामुळे काकडीचा शेवटचा भाग कडू वाटतो. कडू भोपळा खाल्ल्याने यकृत, मूत्रपिंड निकामी होणे, ऍलर्जी आणि उलट्या-जुलाबाच्या समस्या उद्भवू शकतात.

अशाप्रकारे, भोपळ्याचा रस असो किंवा इतर काहीही, तुम्ही यूट्युबचे ज्ञान आणि इंटरनेटवर अवलंबून राहू नये. प्रथम डॉक्टरांचा सल्ला घ्या आणि नंतर त्यांनी दिलेल्या उपचारांचे पालन करा.

जाता-जाता

सेल्फ मेडिकेशन आहे धोकादायक

एखाद्या रोगावर सेल्फ मेडिकेशन म्हणजेच स्वत:हून औषधे घेणे अत्यंत धोकादायक आहे. यामुळे तुमच्या शरीराचे नुकसान होईल. आम्लपित्त समजून लोक अनेकदा गॅसच्या गोळ्या खातात. दोन-तीन दिवस घरी राहतात. प्रकृती बिघडली तेव्हा समजते की त्यांना हृदयविकाराचा झटका आला होता. अत्यावश्यक औषधे घरी ठेवणे योग्य आहे, परंतु चुकीची आणि अनावश्यक औषधे घेणे धोकादायक आहे.

डॉक्टरांच्या सल्ल्याने औषध घेत असाल तर या चुका करू नका-

  • दोन वेगवेगळ्या कॉम्बिनेशनटी औषधे एकत्र घेतल्याने तुम्ही आजारी पडू शकता. म्हणूनच डॉक्टरांनी सांगितलेली पद्धत पाळा, नाहीतर दुष्परिणाम होतील.
  • डॉक्टरांनी तुम्हाला सांगितलेले औषध केव्हा आणि कसे घ्यावे, त्याचे कोणतेही दुष्परिणाम आहेत का, यासारख्या संपूर्ण माहितीनंतरच त्याचे सेवन करा.
  • डॉक्टरांनी सांगितलेल्या डोसनुसार तुम्ही औषध घ्यावे. जर वेदना वाढत असेल तर तुम्ही तुमच्या मनाने डोस वाढवू शकत नाही. यामुळे यकृत खराब होईल.
  • औषधोपचार घेताना दारू, गुटखा आणि इतर मादक पदार्थांपासून दूर राहा.

औषध घेण्याचे 3 नियम वाचा

  • थायरॉईडचे औषध नाष्टा, चहा किंवा इतर कोणत्याही गोष्टीच्या 30-45 मिनिटे आधी घ्यावे. जर तुम्ही ते रिकाम्या पोटी घेण्यास विसरलात तर, जेव्हा तुम्हाला आठवत असेल तेव्हा तुम्ही ते घेऊ शकता.
  • जेवणापूर्वी 15 ते 30 मिनिटे आधी अ‍ॅसिडिटीचे औषध घेणे चांगले.
  • मधुमेहाचे औषध सहसा जेवणापूर्वी घेतले जाते. इंसुलिन घेणार्‍या रूग्णांसाठी जेवणाच्या 5 ते 10 मिनिटे आधी घ्या.
बातम्या आणखी आहेत...