ऑपरेशन लोटस:'भाजपने कोट्यवधी खर्च केले तर होऊ शकते, पण कर्नाटकात कोणी सिंधिया नाही', दिग्विजय सिंह यांचा हल्लाबोल

कर्नाटकात विधानसभेच्या 224 जागांसाठी झालेल्या मतमोजणीत काँग्रेसने बहुमताचा आकडा ओलांडला आहे. निवडणूक आयोगाच्या आकडेवारीनुसार, काँग्रेस नेते सिद्धरामय्या आणि डीके शिवकुमार विजयी झाले आहेत. काँग्रेसने 6 जागा जिंकल्या असून 127 जागांवर आघाडीवर आहे. भाजपने 3 जागा जिंकल्या असून 3 जागांवर आघाडीवर आहे. जेडीएस 22 जागांवर आघाडीवर आहे.

दरम्यान, कर्नाटक निवडणुकीच्या निकालांवर काँग्रेस नेते दिग्विजय सिंह म्हणाले, “काँग्रेसला बहुमत मिळाले आहे. भाजपने कोट्यवधी रुपये खर्च केल्यास ऑपरेशन लोटस होऊ शकते पण कर्नाटकात कोणी सिंधिया नाहीत. कर्नाटकात तगडे काँग्रेसवाले आहेत."

या देशाला प्रेम आवडते - राहुल गांधी

कर्नाटक निवडणुकीचे निकाल पाहून काँग्रेसचे माजी अध्यक्ष राहुल गांधी मीडियाला संबोधित करताना म्हणाले, “कर्नाटकमध्ये द्वेषाचा बाजार बंद झाला आहे, प्रेमाचे दुकान उघडले आहे. गरीब जनतेने भांडवलशाही सत्तेचा पराभव केला. काँग्रेस पक्ष कर्नाटकातील गरिबांच्या पाठीशी उभा राहिला. ही लढाई आम्ही प्रेमाने लढलो. या देशाला प्रेम आवडते हे कर्नाटकने दाखवून दिले."

राहुल गांधी होऊ शकतात पंतप्रधान - सिद्धरामय्या

कर्नाटकचे माजी मुख्यमंत्री आणि काँग्रेस नेते सिद्धरामय्या म्हणाले, “कर्नाटक निवडणुकीचा निकाल हा लोकसभा निवडणुकीची पायरी आहे. मला आशा आहे की, सर्व बिगर भाजप पक्ष एकत्र येतील. मला आशा आहे की राहुल गांधी देशाचे पंतप्रधान बनतील. सिद्धरामय्या पुढे म्हणाले, “काँग्रेस पक्षाला स्पष्ट बहुमत मिळणार आहे. काँग्रेसला जवळपास 130 जागा मिळतील, असेही आम्ही प्रचारादरम्यान सांगितले होते. हा मोठा विजय आहे. कर्नाटकातील जनतेला बदल हवा होता. ते भाजप सरकारला कंटाळले आहेत.

कर्नाटक काँग्रेसचे प्रमुख डी.के. शिवकुमार विजयानंतर म्हणाले, “मी माझ्या कार्यकर्त्यांना आणि माझ्या पक्षाच्या नेत्यांना श्रेय देतो ज्यांनी खूप कष्ट केले, लोकांनी खोटे उघड केले. मी राहुल गांधी, सोनिया गांधी आणि प्रियांका गांधी यांना विजयाची खात्री दिली होती. सोनिया गांधी तुरुंगात मला भेटायला आल्या तेव्हा मी विसरू शकत नाही, मी पदावर राहण्याऐवजी तुरुंगातच राहणे पसंत केले, पक्षाचा माझ्यावर इतका विश्वास होता."

संबंधित वृत्त

कर्नाटक विधानसभेचा निकाल:BJPने पराभव स्वीकारला; शिवकुमारांना आनंदाश्रू, म्हणाले- सोनियाजींना दिलेले आश्वासन पूर्ण केले

शिवकुमार म्हणाले - भाजपसाठी कर्नाटक क्लोझ, मोदी फेल:हिजाब-हलाल इथे चालणार नाही, आम्ही प्राऊड कानडी, बाहेरचे लोक नकोत

विश्लेषण: बजरंगबली, डबल इंजिन की भ्रष्टाचार?, कर्नाटक निवडणुकीत कोणता मुद्दा ठरला वरचढ? वाचा- भाजपचे आडाखे कुठे चुकले!

काँग्रेसचे संकटमोचक:कर्नाटक, गुजरातमध्ये राखली पक्षाची प्रतिष्ठा; कोण आहेत डीके शिवकुमार? वाचा सविस्तर

निर्धार:भाजपला सत्तेपासून दूर ठेवण्यासाठी काहीही करू, माझ्या वडिलांना मिळावे मुख्यमंत्रिपद, सिद्धरामय्या यांचे पुत्र यतींद्र यांचे वक्तव्य

उत्साहाला उधाण : निकालापूर्वीच काँग्रेसमध्ये जल्लोष सुरू, कार्यालयाबाहेर ढोल ताशांच्या गजरात कार्यकर्त्यांचा डान्स

सावधगिरी:घोडेबाजार टाळण्यासाठी काँग्रेस आपल्या आमदारांना रिसॉर्टमध्ये हलवणार? डीके शिवकुमार यांनी स्पष्टच सांगितले