निर्धार:भाजपला सत्तेपासून दूर ठेवण्यासाठी काहीही करू, माझ्या वडिलांना मिळावे मुख्यमंत्रिपद, सिद्धरामय्या यांचे पुत्र यतींद्र यांचे वक्तव्य

कर्नाटक विधानसभेच्या 224 जागांसाठी शनिवारी (13 मे) 36 केंद्रांवर मतमोजणी होत आहे. सुरुवातीच्या कलांमध्ये काँग्रेसला बहुमत मिळतंय किंवा सर्वात मोठा पक्ष म्हणून समोर येतोय असं दाखवलं जात आहे. दरम्यान, कर्नाटकचे माजी मुख्यमंत्री सिद्धरामय्या यांचे सुपुत्र यतिंद्र सिद्धरामय्या यांनी निकालापूर्वी प्रसारमाध्यमांना सांगितले की, भाजपला सत्तेपासून दूर ठेवण्यासाठी आम्ही काहीही करायला तयार आहोत.

कर्नाटक विधानसभा निकालाचे संपूर्ण कव्हरेज पाहण्यासाठी येथे क्लिक करा

माझ्या वडिलांनी मुख्यमंत्री व्हावे - यतींद्र सिद्धरामय्या

काँग्रेस नेते आणि माजी मुख्यमंत्री सिद्धरामय्या यांचे पुत्र यतींद्र सिद्धरामय्या म्हणाले, “भाजपला सत्तेपासून दूर ठेवण्यासाठी आम्ही काहीही करू. कर्नाटकच्या हितासाठी माझे वडील मुख्यमंत्री व्हावेत. यतींद्र सिद्धरामय्या पुढे म्हणाले, “मुलगा म्हणून मला माझ्या वडिलांना पुन्हा मुख्यमंत्री म्हणून पाहायला नक्कीच आवडेल. मागच्या वेळीही त्यांच्या सरकारने चांगला कारभार केला होता, यावेळीही ते जर मुख्यमंत्री झाले तर भाजप सरकारने दिलेले कुशासन त्यांच्याकडून सुधारले जाईल."

यतींद्र सिद्धरामय्या यांनी सांगितले की, राज्याच्या हिताच्या दृष्टीने त्यांनी मुख्यमंत्री व्हायला हवे. काँग्रेस नेते म्हणाले, “आम्हाला पूर्ण बहुमत मिळेल आणि आमचे सरकार स्थापन होईल. आम्हाला विश्वास आहे आणि सर्व सर्वेक्षणांनी असेही म्हटले आहे की, कर्नाटक विधानसभा निवडणुकीत काँग्रेसच जिंकणार आहे."

PM मोदींची नकारात्मक प्रचार कामी आला नाही - पवन खेरा

दुसरीकडे, सुरुवातीच्या कलांमध्ये काँग्रेसला आघाडी मिळाल्याचे पाहून काँग्रेस नेते पवन खेरा म्हणाले, “हा मुद्दा आहे, ज्या मुद्द्यांवर आम्ही लढलो ते जिंकले. आम्ही प्रचंड बहुमताने सरकार स्थापन करणार आहोत. आमच्या पाच गॅरंटींनी काम केले आहे, पंतप्रधान मोदींच्या नकारात्मक प्रचाराने काम केले नाही.

भाजप नेते सदानंद गौडा यांनी कलांच्या अनुषंगाने सांगितले की, "कोणताही अंतिम निर्णय देणे खूप घाईचे आहे, 3-4 फेऱ्यांनंतर थोडी स्पष्टता येईल, परंतु हेदेखील अंतिम नाही, प्रत्येक टप्पा हा एक कठीण लढत आहे, कारण आमचे विरोधी पक्ष (जेडीएस आणि काँग्रेस)) यांनी हातमिळवणी केली आहे. दुसरीकडे, निकालापूर्वीच एक व्हिडिओ समोर आला आहे, ज्यामध्ये दिल्लीतील काँग्रेस कार्यालयात ढोल-ताशे वाजवून जल्लोष केला जात आहे.

संबंधित वृत्त

उत्साहाला उधाण : निकालापूर्वीच काँग्रेसमध्ये जल्लोष सुरू, कार्यालयाबाहेर ढोल ताशांच्या गजरात कार्यकर्त्यांचा डान्स

सावधगिरी:घोडेबाजार टाळण्यासाठी काँग्रेस आपल्या आमदारांना रिसॉर्टमध्ये हलवणार? डीके शिवकुमार यांनी स्पष्टच सांगितले

कर्नाटक विधानसभेचा निकाल लाइव्ह अपडेट्स :सुरुवातीच्या ट्रेंडमध्ये काँग्रेसने बहुमताचा आकडा पार केला