आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

भास्कर एक्सक्लूझिव्ह:किरण रावसोबत लडाखमध्ये शूटिंग करत आहे आमिर खान, लॉकडाउनपासून आला दोघांच्या नात्यात दुरावा, मित्राने सांगितले घटस्फोटामागचे कारण

अमित कर्णएका महिन्यापूर्वी
  • कॉपी लिंक
  • अमीन आणि आमिरची मैत्री 20 वर्षे जुनी आहे.

बॉलिवूड अभिनेता आमिर खानने त्याची दुसरी पत्नी किरण रावपासून विभक्त होत असल्याची घोषणा केली आहे. आमिर आणि किरण दोघांनी घटस्फोटाबाबत अधिकृत निवेदन प्रसिद्ध करत यासंंबंधीची माहिती दिली आहे. दोघांनीही लग्नाच्या 15 वर्षांनी काडीमोड घेतला आहे. आमिर आणि किरण विभक्त झाल्याने आमिरचा अतिशय जवळचा मित्र अमीन हाजी खूप दु:खी आहे. अमीन हाजी यांनी भास्करसोबत या विषयावर खास संवाद साधला आणि आपल्या भावना व्यक्त केल्या.

अमीन हाजी म्हणाले, 'हे दोघे विभक्त होणार आहेत हे मला अगोदरपासून माहित नव्हते असे नाही. या लॉकडाउ दरम्यान या दोघांच्या नात्यात अडचणी निर्माण झाल्या. आणि त्यानंतर हा निर्णय घेण्यात आला. यावर्षी जानेवारी-फेब्रुवारी दरम्यानच्या काळात मला याबद्दल पहिल्यांदा समजले. मला खूप दुःख झाले. खूप वाईट वाटले. माझे डोळेही पाणावले. या दोघांनीही मी हा दिवस दाखवू नका, अशी विनंती केली होती. पण जे सत्य आहे ते समोर आले आहे. मी बर्‍याच वर्षांपासून आमिर-किरणला ओळखतो. माझ्या लग्नाच्या 6 महिन्यांपूर्वीच या दोघांचे लग्न झाले. मी त्यांना एकत्र सुखद क्षण घालवताना आणि काम करताना पाहिले आहे. 'सत्यमेव जयते' किंवा 'पानी फाऊंडेशन' असो, दोघांनी मिळून खूप चांगले काम केले आहे. मला एवढेच सांगायचे आहे की कधीकधी दोन चांगल्या व्यक्ती एकत्र राहू शकत नाहीत.'

आमिर-किरणचे 2005 मध्ये लग्न झाले होते .
आमिर-किरणचे 2005 मध्ये लग्न झाले होते .

अमीन हाजी यांनी आमिर आणि किरण यांच्यात क्रिएटिव्ह डिफरन्स असल्याचे फेटाळून लावले आहे. याविषयी ते म्हणाले, 'दोघांमध्ये क्रिएटिव्ह डिफरन्स किंवा मेंटल फ्रिक्वेन्सी जुळत नसल्याची कोणतीही गोष्ट नाही. या गोष्टींमुळे त्यांच्या नात्यात दुरावा अला असावा असे मला वाटत नाही. सध्या हे दोघेही लडाखमध्ये 'लालसिंग चड्ढा' च्या शूटिंगमध्ये व्यस्त आहेत. किरण त्या चित्रपटाची निर्माती आहे. जर असे काही घडले असते, तर ते आज सोबत काम करत नसते. एकमेकांपासून विभक्त होणे ही एक अतिशय वैयक्तिक बाब आहे आणि मला वाटते की, आपल्या कामाच्या बिझी शेड्युलमधून कदाचित आमिर आपल्या कुटुंबासाठी वेळ काढू शकला नसावा. महात्मा गांधी यांचेसुद्धा त्यांच्या मुलाशी चांगले संबंध नव्हते. कारण त्यांच्या मुलाचे म्हणणे होते की, तुमच्याजवळ 'राष्ट्रपिता' होण्यासाठी वेळ आहे पण तुमच्या मुलाचा बाप होण्यासाठी वेळ नाही,' असे अमीन यांनी बातचीत दरम्यान म्हटले.

'लगान' चित्रपटात आमिर आणि अमीन यांनी एकत्र काम केले होते.
'लगान' चित्रपटात आमिर आणि अमीन यांनी एकत्र काम केले होते.

अमीन हाजी यांनी आमिरच्या आयुष्यात दुसर्‍या व्यक्तीचा प्रवेश झाल्याचे नाकारले आहे. ते म्हणाले, 'अशी कोणतीही गोष्ट नाही आणि जर असे काही असते, तर मला त्याबद्दल आधीच माहिती असती. मी आमिरला अनेक वर्षांपासून ओळखतोय. आमिर आणि किरण यांनी परस्पर सहमतीने विभक्त होण्याचा निर्णय घेतला आहे, त्यामुळे एकाच्या बाजुने बोलणे योग्य ठरणार नाही. माझ्या मते, आयुष्य यशस्वी लोकांची जास्त परीक्षा घेते,' असे अमीन म्हणाले आहेत.

20 वर्ष जुनी मैत्री

अमीन आणि आमिरची मैत्री 20 वर्षे जुनी आहे. अमीन यांनी आमिरच्या 'लगान' आणि 'मंगल पांडे' या चित्रपटात त्याच्यासोबत काम केले होते.

बातम्या आणखी आहेत...