आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

टाइटल चेंज:आदित्यच्या 'ओम: द बॅटल विथ इन'चे शीर्षक बदलून आता झाले 'राष्ट्र कवच ओम', 1 जुलै रोजी रिलीज होणार फिल्म

20 दिवसांपूर्वी
  • कॉपी लिंक
  • पोस्टर्सवरुन आणि इतर ठिकाणांहून चित्रपटाचे नाव बदलले जाणार आहे

अभिनेता आदित्य रॉय कपूरच्या आगामी 'ओम: द बॅटल विथ इन' या चित्रपटाच्या निर्मात्यांनी आता चित्रपटाचे शीर्षक बदलण्याचा निर्णय घेतला आहे. रिपोर्ट्सनुसार, निर्मात्यांना टायटल राइट्सबाबत काही अडचणी येत होत्या. त्यामुळे निर्मात्यांनी चित्रपट रिलीज होण्यापूर्वी त्याचे शीर्षक 'ओम: द बॅटल विथ इन' वरुन बदलून 'राष्ट्र कवच ओम' असे करण्याचे ठरवले आहे.

बॉलिवूड हंगामाच्या सूत्रांनी दिलेल्या माहितीनुसार, “चित्रपटाला शीर्षकामुळे निर्मात्यांना अडचणी येत असल्याचे दिसते. त्यामुळे निर्मात्यांना शीर्षक बदलणे सोयीस्कर होईल असे वाटले. आता निर्मात्यांनी चित्रपटाचे नाव बदलून 'राष्ट्र कवच ओम' ठेवण्याचा निर्णय घेतला आहे."

पोस्टर्सवरुन आणि इतर ठिकाणांहून चित्रपटाचे नाव बदलले जाणार आहे
सूत्राने पुढे सांगितल्यानुसार, "गेल्या आठवड्यात 10 जुलै रोजी चित्रपटाचा ट्रेलर प्रदर्शित झाला. निर्माते लवकरच YouTube वर कॅप्शन आणि डिस्क्रिप्शनमध्ये चित्रपटाचे नाव बदलतील. याशिवाय सोशल मीडियावर शेअर केलेल्या सर्व पोस्टमध्येही नाव बदलले जाणार आहे. याशिवाय पोस्टर्स आणि चित्रपटाच्या सर्व प्रसिद्धी साहित्यात नवीन शीर्षक लिहिले जाईल. निर्मात्यांना रिलीजपूर्वी चित्रपटाचे नाव बदलून आता 'राष्ट्र कवच ओम' आहे, हे सांगण्यासाठी सुमारे अडीच आठवडे शिल्लक आहेत, जे पुरेसे असेल."

1 जुलै रोजी थिएटरमध्ये प्रदर्शित होणार आहे हा चित्रपट
'ओम'पूर्वी अक्षय कुमारच्या 'सम्राट पृथ्वीराज' (2022) आणि 'लक्ष्मी' (2020) या चित्रपटांचे शीर्षकही राजकीय कारणांमुळे रिलीजपूर्वी बदलावे लागले होते. 'राष्ट्र कवच ओम'मध्ये आदित्य रॉय कपूरशिवाय संजना सांघी, जॅकी श्रॉफ, आशुतोष राणा, प्राची शाह आणि प्रकाश राज यांच्याही प्रमुख भूमिका आहेत. कपिल वर्मा दिग्दर्शित या चित्रपटाची निर्मिती अहमद खान, शायरा खान आणि झी स्टुडिओज यांनी केली आहे. अ‍ॅक्शनचा तडका असलेला हा चित्रपट 1 जुलै रोजी थिएटरमध्ये दाखल होणार आहे.

बातम्या आणखी आहेत...