आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

मदत:हृतिक रोशनने पुन्हा एकदा CINTAA साठी पुढे केला मदतीचा हात, असोसिएशनला दिली 20 लाखांची देणगी

16 दिवसांपूर्वी
  • कॉपी लिंक
  • असोसिएशनच्या 5 हजार सदस्यांचे लसीकरण आणि दारिद्र रेषेखालील सभासदांना पुरवणार रेशन किट

अभिनेता हृतिक रोशनने पुन्हा एकदा सिने एंड टीवी आर्टिस्ट्स एसोसिएशन (CINTAA) सदस्यांच्या मदतीसाठी पुढाकार घेतला आहे. हृतिकने असोसिएशनला 20 लाख रुपयांची देणगी दिली असून दारिद्र्य रेषेखालील सदस्यांसाठी रेशन किट देखील प्रदान करणार आहे. या मदतीचा फायदा सिंटाच्या 5 हजार सदस्यांना होणार आहे.

सिंटा (CINTAA)चे महासचिव अमित बहल यांनी दिला दुजोरा
या पुढकराविषयी हृतिक रोशनचे आभार मानताना सिंटा (CINTAA)चे महासचिव, अमित बहल म्हणाले की, "हृतिक रोशनने मागच्या लॉकडाउनच्या वेळेस देखील आमची मदत केली होती. या वेळी, त्यांनी केलेल्या मदतीतून असोसिएशनच्या 5000 सदस्यांचे लसीकरण करण्यात येणार असून दारिद्र रेषेखालील सभासदांना रेशन किट पुरवण्यात येणार आहे."

अभिनेता या संकटकाळात लोकांना सर्वतोपरी मदत करण्याचा कायम प्रयत्न करत आहे. कोविड -19 च्या पहिल्या लाटेत देखील, हृतिकने सिंटा (CINTAA) साठी 25 लाखाची आर्थिक मदत केली होती, ज्यातून 4 हजार दैनंदिन कारागिरांना आणि त्यांच्या कुटुंबांना मदत करण्यात आली होती.

मुंबई पोलिसांसाठी हँड सॅनिटाइजर्सपासून फ्रंट लाइन वॉरिअर्सच्या आरोग्य सुरक्षेमध्ये योगदान देण्याबरोबरच कोविड -19 रुग्णांसाठी ऑक्सिजन सिलेंडर आणि कंसेंट्रेटर्सपर्यंत, हृतिक अनेक गरजू लोकांची सक्रियपणे मदत करत आहे.

बातम्या आणखी आहेत...