लॉकडाऊन योगायोग:अमिताभ बच्चन यांनी दिल्या सर्वांना वाढदिवसाच्या शुभेच्छा, नंतर सांगितले- अशी संधी 1000 वर्षांतून एकदाच येते

शुक्रवारी मेगास्टार अमिताभ बच्चन यांनी आपल्या इंस्टाग्राम अकाऊंटवर एक पोस्ट शेअर करत सर्वांना वाढदिवसाच्या शुभेच्छा दिल्या. शुभेच्छा देण्यामागचे कारणही त्यांनी स्पष्ट केले. त्यांनी सांगितले की, हा एक खास दिवस आहे आणि दर 1000 वर्षांतून एकदाच येतो.

अमिताभ यांनी आपल्या पोस्टमध्ये लिहिले की, 'तुम्हा सर्वांना वाढदिवसाच्या हार्दिक शुभेच्छा... विशेष दिवस...  प्रत्येक 1000 वर्षांतून एक संधी... तुमचे वय + तुमच्या जन्माचे वर्ष, प्रत्येक व्यक्ती = 2020.' त्यांनी सांगितल्यानुसार, जर प्रत्येक व्यक्तीच्या वयात त्याच्या जन्माचे वर्ष जोडले तर त्याची बेरीज 2020 असेल.