बाप-लेकीचा भन्नाट डान्स:वडील चंकी पांडे आणि भावासोबत 'सात समुंदर' गाण्यावर थिरकली अनन्या पांडे, VIDEO

अभिनेत्री अनन्या पांडे हिची चुलत बहीण अलाना पांडे गुरूवारी (16 मार्च) मुंबईत बॉयफ्रेंड इव्होर मॅक्रेसोबत लग्नगाठीत अडकली. तिचे हळदी, मेंदी आणि ब्राइडल शॉवरचे फोटो सोशल मीडियावर व्हायरल होत आहेत. दरम्यान, लग्नातील अनन्याचा एक व्हिडिओ समोर आला आहे ज्यामध्ये ती तिचा भाऊ अहान पांडे आणि वडील चंकी पांडेसोबत डान्स करताना दिसत आहे.

अनन्याने 'सात समुंदर' गाण्यावर केला डान्स
सोशल मीडियावर समोर आलेल्या या व्हिडिओमध्ये अनन्या तिच्या भावासोबत डान्स करताना दिसली. दोन्ही मुलांना नाचताना पाहून चंकी पांडेही त्यांच्यात सामील झाले. यादरम्यान तिघांनी धमाल केली. अनन्याच्या लुकबद्दल बोलायचे झाले तर ती निळ्या रंगाच्या साडीत कमालीची सुंदर दिसली. आता सोशल मीडियावर अनन्याचा हा व्हिडिओ चाहत्यांना खूप आवडला आहे. कमेंट करताना एका यूजरने लिहिले की, 'अनन्याने कमाल केली आहे.'

लग्नात व्हाइट लहेंग्यात दिसली अलाना

गुरुवारी मुंबईतील ताज पॅलेसमध्ये अलाना आणि इव्होर पारंपरिक पद्धतीने लग्नबंधनात अडकले. लग्नात अलानाने व्हाइट कलरचा डिझायनर लहेंगा परिधान केला होता तर इव्होरदेखील व्हाइट कलरच्या शेरवानीत दिसला.

चुलत बहिणीच्या प्री-वेडिंग फंक्शनमध्ये पोहोचली अनन्या पांडे:गुलाबी लेहेंग्यात दिसली सुंदर, वडील चंकी पांडेने केले लाड

अलाना ही अनन्याची चुलत बहीण आहे. म्हणजेच अलाना चंकी पांडे यांच्या मोठ्या भावाची मुलगी आहे. अनन्याने बुधवारी अलाना पांडेच्या प्री-वेडिंग फंक्शनला हजेरी लावली, ज्याचा एक व्हिडिओ सोशल मीडियावर समोर आला आहे. या व्हिडिओमध्ये अनन्या गुलाबी रंगाच्या लेहेंग्यात अतिशय सुंदर दिसली. अनन्यासोबत तिचे वडील चंकी पांडे आणि आई भावना पांडेही व्हिडिओमध्ये दिसत आहेत. चंकी पापाराझींसमोर आपल्या लेकीचे लाड करताना दिसले. व्हिडिओ समोर येताच चाहते सोशल मीडियावर अनन्याच्या लूकचे कौतुक करत आहेत. येथे वाचा संपूर्ण बातमी...