अनन्याने आर्यनला दिल्या वाढदिवसाच्या शुभेच्छा:बालपणीचा फोटो शेअर करत लिहिले- माझा पहिला आणि सर्वात चांगला मित्र

अनन्या पांडेने आर्यन खानला त्याच्या 25व्या वाढदिवसाच्या शुभेच्छा दिल्या आहेत. अनन्याने तिच्या सोशल मीडिया अकाऊंटवर स्वतःचा आणि आर्यनचा बालपणीचा फोटो पोस्ट करून त्याला वाढदिवसाच्या शुभेच्छा दिल्या. आर्यन आणि अनन्या हे एकमेकांचे बालपणीचे मित्र असून दोघेही अनेकदा एकत्र दिसले आहेत. अनन्याने एका चॅट शोमध्ये आर्यनला तिचा क्रशही सांगितले होते. तथापि, दरम्यान एक व्हिडिओ समोर आला ज्यामध्ये आर्यन एका कार्यक्रमात अनन्याकडे दुर्लक्ष करताना दिसला. हा व्हिडीओ समोर आल्यानंतर असा अंदाज वर्तवला जात होता की, आर्यन आणि अनन्याचे संबंध आता चांगले नाहीत.

अनन्याने शेअर केला बालपणीचा फोटो
अनन्याने तिच्या सोशल मीडिया अकाऊंटवर स्वतःचा आणि आर्यनचा बालपणीचा फोटो शेअर करत लिहिले - "मिसिंग बेबी आर्यन. माझ्या पहिल्या आणि सर्वात चांगल्या मित्राला वाढदिवसाच्या शुभेच्छा." अनन्याने या फोटोसोबत हार्ट इमोजीही जोडली आहे. या थ्रो-बॅक फोटोमध्ये, अनन्या गुलाबी रंगाच्या ड्रेसमध्ये दिसत आहे तर आर्यन तिच्या शेजारी केशरी टी-शर्ट आणि पांढर्‍या पँटमध्ये उभा आहे.

चॅट शोमध्ये आर्यनवर क्रश असल्याचे सांगितले होते
अनन्या पांडेने एकदा आर्यनला चित्रपट निर्माता करण जोहरच्या चॅट शो कॉफी विथ करणमध्ये तिचा क्रश असल्याचे सांगितले होते. जेव्हा करणने अनन्याला आर्यनबद्दल विचारले तेव्हा अनन्याने उत्तर दिले, "हो, तो क्यूट आहे आणि एकाकाळी तो माझा क्रश होता." करणने पुढे विचारले की हे पुढे का चालले नाही, उत्तरात अनन्या म्हणाली की तुम्ही आर्यनलाच विचारा.

अनन्याचे आगामी प्रोजेक्ट्स
अनन्या शेवटची विजय देवरकोंडा सोबत लाइगर या चित्रपटात दिसली होती. कॉफी विथ करणच्या एका एपिसोडमध्ये दोघे एकत्र दिसले होते. चित्रपट बॉक्स ऑफिसवर चांगलाच फसला असला तरी. अनन्या तिच्या आगामी 'खो गये हम कहाँ' या चित्रपटात सिद्धांत चतुर्वेदी आणि आदर्श गौरवसोबत दिसणार आहे. याशिवाय ती आयुष्मान खुरानासोबत ड्रीम गर्ल 2 मध्येही दिसणार आहे.