विजय मल्ल्याच्या भूमिकेत दिसणार अनुराग कश्यप:20 नोव्हेंबरपासून मुंबईत सुरू होणार आहे चित्रपटाचे चित्रीकरण

'गँग्स ऑफ वासेपूर'चे दिग्दर्शक अनुराग कश्यप यांनी अनेक चित्रपटांमध्ये अभिनेता म्हणून काम केले आहे. आता ते लवकरच भारतीय बँकांना करोडोचा चुना लावणारा उद्योगपती विजय मल्ल्याच्या भूमिकेत दिसणार आहे. कार्तिक. के लवकरच भारतातून फरार झालेल्या व्यक्तींवर चित्रपट बनवणार आहेत. या चित्रपटाची कथा विजय मल्ल्या, नीरव मोदी आणि मेहुल चोकसी यांसारख्या उद्योगपतींनी केलेल्या रिअल लाइफ स्कॅम्सवर आधारित असेल.

मेकर्स आणि अनुराग यांच्यात सुरु आहे बोलणी
सुत्राने दिलेल्या माहितीनुसार, विजय मल्ल्या आणि अनुराग कश्यप या दोघींची उंची जवळपास सारखी आहे. त्यामुळे त्यांना ही भूमिका ऑफर करण्यात आली आहे. याबाबत चित्रपटाचे निर्माते अनुरागशी चर्चा करत आहेत. कार्तिक के यांचे या चित्रपटाविषयी ग्रँड व्हिजन असून त्यांना विजय मल्ल्याचे पात्र त्यात वास्तववादी चित्रीत करायचे आहे. कार्तिकच्या या चित्रपटाचे नाव 'फाइल नंबर 323' असे ठेवण्यात आले आहे.

या चित्रपटात अनुराग प्रोस्थेटिक मेकअपमध्ये दिसणार आहे

या चित्रपटातून कार्तिकला विजय मल्ल्याची व्यक्तिरेखा लोकांना अगदी जवळून दाखवायची आहे. पिंकविलाच्या वृत्तानुसार, अनुराग कश्यप यांना व्यक्तिरेखेसाठी प्रोस्थेटिक मेकअप दिला जाईल. मात्र, या चित्रपटातील इतर पात्रांच्या भूमिकेबाबत अद्याप कोणतीही माहिती देण्यात आलेली नाही.

हा चित्रपट 2023 मध्ये प्रदर्शित होणार आहे
मीडिया रिपोर्ट्सनुसार, 'फाइल नंबर 323' चित्रपटाचे शूटिंग 20 नोव्हेंबरपासून मुंबईत सुरू होणार आहे. याशिवाय यूकेसह युरोपातील विविध देशांमध्ये या चित्रपटाचे चित्रीकरण होणार आहे. या चित्रपटातील नीरव मोदी आणि मेहुल चोकसी यांच्या पात्रांसाठीही काही लोकप्रिय नावांचा शोध घेतला जात आहे. हा चित्रपट पुढच्या वर्षी म्हणजे 2023 मध्ये प्रदर्शित करण्याची योजना आहे.