साधेपणा:अरिजित सिंह सामान आणण्यासाठी स्कूटरवरून निघाला; साधे कपडे, पायात चप्पल, चाहते साधेपणावर फिदा

बॉलीवूड गायक अरिजित सिंह त्याच्या डाऊन टू अर्थ स्वभावामुळे नेहमीच चर्चेत असतो. आता याचदरम्यान, त्याचा एक व्हिडिओ सोशल मीडियावरून समोर आला आहे, ज्यामध्ये तो पश्चिम बंगालमधील मुर्शिदाबाद या त्याच्या गावी स्कूटरवरून घरातील सामान आणण्यासाठी गेला आहे.

साध्या कपड्यांत दिसला

व्हिडिओमध्ये गायक अतिशय साध्या कपड्यांत दिसत आहे. हातात पिशवी आणि पायात चप्पल घालून अरिजित फिरताना दिसत आहे. यादरम्यान अरिजित तिथे उपस्थित लोकांशी बोलताना दिसतो.

चाहत्यांना साधेपणा आवडला

आवडत्या गायकाचा नम्र स्वभाव पाहून त्यांचे चाहते खूप खुश झाले. व्हिडिओवर कमेंट करताना एका यूजरने लिहिले की, 'डाउन टू अर्थ'. आणखी एका युजरने लिहिले, 'खूप गुड अरिजित भाई'. तर तिसर्‍याने 'तोच खरा नायक' असे लिहिले.

छत्रपती संभाजीनरमध्ये चाहत्याचे गैरवर्तन

काही दिवसांपूर्वी अरिजित छत्रपती संभाजीनगरमध्ये लाइव्ह परफॉर्मन्स देत होता. त्यानंतर कॉन्सर्टदरम्यान महिलेने त्याचा हात ओढला, त्यामुळे तो जखमी झाला. मात्र, अरिजितने हे प्रकरण अतिशय शांततेने सोडवले.

अरिजित सिंहचा जन्म मुर्शिदाबादमधील जियागंज येथील पंजाबी शीख कुटुंबात झाला. गायकाचे वडील कक्कर सिंह आणि आई अदिती सिंग बंगाली हिंदू आहेत. अरिजित हे इंडस्ट्रीतील एक प्रसिद्ध नाव आहे. 2013 मध्ये 'आशिकी 2' चित्रपटातील 'तुम ही हो' आणि 'चाहूं मैं या ना' सारखी गाणी रिलीज झाल्यानंतर त्याला मोठी ओळख मिळाली.