आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Entertainment
  • Bollywood
  • Bollywood Breaking News Update | Today Latest Trending Entertainment Celebrity News, Will Go To Spain In March To Shoot For Shahrukh Deepika Pathan

बॉलिवूड अपडेट्स:शाहरुख-दीपिका मार्चमध्ये 'पठाण'च्या शूटिंगसाठी स्पेनला जाणार, राजू हिराणींच्या आगामी चित्रपटाचे प्री-प्रॉडक्शन सुरू

6 महिन्यांपूर्वी
  • कॉपी लिंक
  • मनोरंजन विश्वातील महत्त्वाच्या घडामोडी....

शाहरुख खान आणि दीपिका पदुकोण मार्चमध्ये त्यांच्या आगामी 'पठान' चित्रपटातील रोमँटिक गाण्याच्या शूटिंगसाठी स्पेनला जाणार आहेत. मीडिया रिपोर्ट्सनुसार, दिग्दर्शक सिद्धार्थ आनंदला या गाण्यात आयलँड सिटीचा प्रसिद्ध बीच आणि लाइमस्टोनचे पर्वत कव्हर करायचे आहेत. त्यामुळेच त्यांनी स्पेनचे स्थान निश्चित केले. या चित्रपटात शाहरुख आणि दीपिकाशिवाय जॉन अब्राहम देखील दिसणार आहे.

राजू हिराणी यांच्या आगामी चित्रपटाचे प्री-प्रॉडक्शन सुरू
दिग्दर्शक राजकुमार हिराणी यांच्या आगामी चित्रपटात शाहरुख खान दिसणार आहे. मीडिया रिपोर्ट्सनुसार, या चित्रपटाच्या सेटचे काम मुंबईतील फिल्मसिटीमध्ये सुरू झाले आहे. त्यांच्या चित्रपटाची कथा एका अवैध स्थलांतरितावर आधारित आहे, ज्याचे पात्र शाहरुख साकारताना दिसणार आहे. यात मुख्य अभिनेत्री तापसी पन्नू आहे, तर विकी कौशल देखील एक कॅमिओ करताना दिसणार आहे. मात्र, अद्याप तापसी आणि विकी यांच्या नावाची अधिकृत घोषणा झालेली नाही.

बर्लिन फिल्म फेस्टिव्हलमध्ये 'गंगुबाई काठियावाडी'चे स्पेशल स्क्रिनिंग होणार
आलिया भट्ट तिचा आगामी चित्रपट 'गंगूबाई काठियावाडी'च्या प्रीमियरसाठी बर्लिनमध्ये आहे. संजय लीला भन्साळी दिग्दर्शित या चित्रपटाचे खास स्क्रिनिंग नावाजलेल्या बर्लिन फिल्म फेस्टिव्हलमध्ये होणार आहे. यात सहभागी होण्यासाठी आलिया तिथे गेली आहे. गंगुबाई काठियावाडी हा चित्रपट येत्या 25 फेब्रुवारीला सिनेमागृहात प्रदर्शित होणार आहे.

बातम्या आणखी आहेत...