आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

Cannes:कानमध्ये दाखवला जाणार 'टायगर स्ट्रिप्स', मलेशियन दिग्दर्शिकेला मिळाली पहिल्यांदाच संधी, 17 मे रोजी होणार प्रीमियर

25 दिवसांपूर्वी
  • कॉपी लिंक

फ्रान्समध्ये 16 मेपासून कान फिल्म फेस्टिव्हल सुरू होत आहे. 12 दिवस चालणाऱ्या या महोत्सवात जगभरातील निवडक चित्रपट दाखवले जाणार आहेत. अमांडा नेल दिग्दर्शित 'टायगर स्ट्रिप्स' हा मलेशियन चित्रपटही यंदा या महोत्सवात दाखवण्यात येणार आहे. 'टायगर स्ट्रिप्स' हा मलेशियन महिलेने दिग्दर्शित केलेला पहिला असा चित्रपट आहे जो कान फिल्म फेस्टिव्हलमध्ये दाखवला जाणार आहे. मलेशियाच्या फिल्म इंडस्ट्रीसाठी ही एक ऐतिहासिक संधी आहे.

'टायगर स्ट्रिप्स' हा चित्रपट 17 मे रोजी फ्रान्समध्ये प्रदर्शित होणार आहे.
'टायगर स्ट्रिप्स' हा चित्रपट 17 मे रोजी फ्रान्समध्ये प्रदर्शित होणार आहे.
दिग्दर्शिका अमांडा नेल यांनी आपल्या सोशल मीडियाच्या माध्यमातून ही माहिती चाहत्यांना दिली आहे.
दिग्दर्शिका अमांडा नेल यांनी आपल्या सोशल मीडियाच्या माध्यमातून ही माहिती चाहत्यांना दिली आहे.

काय आहे 'टायगर स्ट्रिप्स' या चित्रपटाची कथा?
'टायगर स्ट्रिप्स' हा चित्रपट झफान या 12 वर्षांच्या मुलीची कथा आहे. ही भूमिका बालकलाकार झफरीन आफरीना जेरीजलने साकरली आहे. ती एका छोट्या गावात राहते. अचानक तिच्या शरीरात गंभीर बदल होतात आणि ती सिंहिणीसारखी वागू लागते. ही गोष्ट शाळेत पसरताच, झफानचे सर्व मित्र तिच्यापासून दुरावतात. गावातील लोकांमध्ये राक्षसी शक्तीची भीती पसरते. मग एक डॉक्टर येतो आणि गावातील लोकांना मदत करतो.

कान फिल्म फेस्टिव्हलमध्ये आतापर्यंत एकूण चार मलेशियन चित्रपट दाखवण्यात आले आहेत. आता 13 वर्षांनंतर कानमध्ये दाखवला जाणारा हा पहिला चित्रपट आहे.

चित्रपटदिग्दर्शकवर्ष
द अर्सनिस्टयू वी सारी1995
कराओकेक्रिस चोंग चान फूई2009
द टाइगर फॅक्ट्रीवू मिंग जिन2010
टाइगर स्ट्रिप्सअमांडा नेल2023

अनुराग कश्यप यांचा 'केनेडी', राहुल रॉयचा 'आगरा' कान फिल्म फेस्टिव्हलचा भाग
'आशिकी' फेम अभिनेता राहुल रॉयचा आगामी 'आगरा' हा चित्रपट कान चित्रपट महोत्सवाच्या वर्ल्ड प्रीमियरमध्ये दाखवला जाणार आहे. या चित्रपटाचे दिग्दर्शन कनू बहल यांनी केले आहे, तर सारेगामा इंडिया लिमिटेड, यूएफओ प्रोडक्शन आणि ओ 8 अंतर्गत त्याची निर्मिती करण्यात आली आहे. याशिवाय राहुल भट्ट आणि सनी लिओन स्टारर 'केनेडी' हा चित्रपटही या चित्रपट महोत्सवात दाखवला जाणार आहे.

'आशिकी' फेम अभिनेता राहुल रॉय बऱ्याच दिवसांनी 'आगरा' चित्रपटात दिसणार आहे. या चित्रपटाचा प्रीमियर कान चित्रपट महोत्सवादरम्यान होणार आहे.
'आशिकी' फेम अभिनेता राहुल रॉय बऱ्याच दिवसांनी 'आगरा' चित्रपटात दिसणार आहे. या चित्रपटाचा प्रीमियर कान चित्रपट महोत्सवादरम्यान होणार आहे.
अनुराग कश्यप यांचा 'केनेडी' हा चित्रपटही या महोत्सवात दाखवला जाणार आहे. याआधी 2012 मध्ये त्यांचा 'गँग्स ऑफ वासेपूर' हा चित्रपटही कान्स फिल्म फेस्टिव्हलमध्ये पोहोचला होता.
अनुराग कश्यप यांचा 'केनेडी' हा चित्रपटही या महोत्सवात दाखवला जाणार आहे. याआधी 2012 मध्ये त्यांचा 'गँग्स ऑफ वासेपूर' हा चित्रपटही कान्स फिल्म फेस्टिव्हलमध्ये पोहोचला होता.

कान 2023 मध्ये अनुष्का शर्माचे पदार्पण

बॉलिवूड अभिनेत्री अनुष्का शर्मा कान पदार्पणासाठी सज्ज झाली आहे. मे महिन्यात ती फ्रेंच रिव्हिएराला भेट देणार आहे. फ्रान्सचे राजदूत इमॅन्युएल लेनिन यांनी प्रियांका चोप्रा सोहळ्याला हजर राहणार असल्याची पुष्टी केली आहे. अनुष्का व्यतिरिक्त अभिनेत्री शर्मिला टागोर, ऐश्वर्या राय, विद्या बालन आणि दीपिका पदुकोण ज्युरी म्हणून या इव्हेंटमध्ये सहभागी होणार आहेत.