आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

करण जोहर वादात:दिल्ली हायकोर्टाने करणच्या कंपनीला पाठवला समन, गुंजन सक्सेना चित्रपटात कॉपीराइट वॉयलेशनचा आरोप

25 दिवसांपूर्वी
  • कॉपी लिंक
  • IAF ने दिल्ली हायकोर्टात याचिका दाखल करुन चित्रपटाची स्ट्रीमिंगवर बंदी घालण्याची मागणी केली होती.

दिल्ली हायकोर्टाने कॉपीराइट प्रकरणात करण जोहरच्या धर्मा प्रोडक्शनला उत्तर मागितले आहे. इंडियन सिंगर्स राइट्स असोसिएशन (ISRA) च्या याचिकेवर हायकोर्टाने करण जोहरच्या प्रोडक्शन हाउसला समन जारी केला आहे. ISRA ने 'गुंजन सक्सेना : द कारगिल गर्ल' मध्ये त्यांच्या गाण्यांचा कॉमर्शियल वापर केल्याचा आरोप लावत रॉयल्टी मागितली आहे.

कोर्टाच्या प्रकरणाच्या पुढील सुनावणीसाठी 12 मार्च 2021 ही तारीख ठरवली आहे. कोर्टाने पुढील सुनावणीपर्यंत ISRA ला कोणत्याही प्रकारची नुकसान भरपाई नाकारली आहे.

करणवर 3 गाणी वापरल्याचा आरोप केला
‘गुंजन सक्सेना: द कारगिल गर्ल’मध्ये धर्मा प्रॉडक्शनने तीन चित्रपटांमधील तीन गाणी वापरल्याचा आरोप इस्त्रोने केला आहे. यामध्ये 'ए जी ओ जी' (राम लखन), 'चोली के पीछे क्या है' (खलनायक) आणि 'साजन जी घर आये' (कुछ कुछ होता है) ही गाणी आहेत. असोसिएशनने चित्रपटात त्यांचा वापर कॉपीराइट कायद्याचे उल्लंघन असल्याचे म्हटले आहे.

यापूर्वीही हा चित्रपट वादात सापडला होता
धर्मा प्रॉडक्शनचा बायोपिक 'गुंजन सक्सेना: द कारगिल गर्ल' यापूर्वीही वादात सापडला आहे. 12 ऑगस्ट 2020 रोजी रिलीज झाल्यानंतर भारतीय वायुसेनेने (आयएएफ) या चित्रपटावर हवाई दलाची चुकीची प्रतिमा दाखवल्याचा आरोप केला होता. हवाई दलात महिलांमध्ये भेदभाव केला जातो, हे चित्रपटात दाखवण्यात आले.

IAF ने दिल्ली हायकोर्टात याचिका दाखल करुन चित्रपटाची स्ट्रीमिंगवर बंदी घालण्याची मागणी केली होती. दरम्यान कोर्टाने याला नकार दिला होता. स्वतः गुंजन सक्सेनानेही एका मुलाखतीमध्ये चित्रपटात दाखवलेला भेदभाव नाकारला होता. त्यांनी म्हटले होते की, IAF मध्ये त्यांना पुरुषांच्या बरोबर संधी मिळाल्या होत्या आणि तिथे महिलांना समान संधी दिल्या जातात.

Open Divya Marathi in...
  • Divya Marathi App
  • BrowserBrowser