धक्कादायक:प्रसिद्ध हॉलिवूड अभिनेता डीजे स्टीफन बॉसची स्वतःवर गोळ्या झाडून आत्महत्या, हॉटेलच्या खोलीत मिळाला मृतदेह

हॉलिवूडमधून एक धक्कादायक बातमी आली आहे. इंडस्ट्रीतील प्रसिद्ध अभिनेता, डान्सर आणि डीजे स्टीफन बॉस यांनी आत्महत्या केली आहे. 13 डिसेंबर रोजी स्वतःवर गोळ्या झाडून त्यांनी आपले जीवन संपवले. त्यांचा मृतदेह एका हॉटेलच्या खोलीत सापडला आहे. स्टीफन बॉस ‘द इलेन डी जोन्स’ आणि ‘सो यू थिंक यू कॅन डान्स’ सारख्या शोसाठी ओळखले जात होते. याशिवाय ते त्याच्या उत्कृष्ट नृत्यासाठीही प्रसिद्ध होते. स्टीफन 40 वर्षांचे होते.

स्टीफन बॉस यांच्या मृत्यूने त्यांच्या कुटुंबाला मोठा धक्का बसला आहे. चाहत्यांमध्ये शोककळा पसरली आहे. त्यांनी आत्महत्येसारखे टोकाचे पाऊल का उचलले याची माहिती समोर आलेली नाही.

मीडिया रिपोर्ट्सनुसार, लॉस एंजिलिसमधील हॉटेलच्या खोलीत पोलिसांना बॉसचा मृतदेह सापडला. दुसरीकडे, स्टीफन बॉसची पत्नी एलिसन हॉकरने या प्रकरणी माहिती दिली. ती म्हणाली की बॉस त्यांची कार न घेता घरातून निघून गेले होते, हे खरं तर खूप विचित्र होतं, कारण बॉस कधीही त्यांच्या कारशिवाय कुठेही जायचे नाहीत.

स्टीफन यांची पत्नी एलेन हॉकरने एक निवेदन दिले आहे. ती म्हणाली, "मला जड अंतःकरणाने सांगावे लागत आहे की माझे पती स्टीफन आम्हा सर्वांना सोडून गेले आहेत. ते आपल्या कुटुंबाला, मित्रांना आणि समाजाला खूप महत्त्व देत असे. प्रेम त्यांच्यासाठी सर्वस्व होते. ते आमच्या कुटुंबाचा कणा होते. ते एक चांगले पती आणि वडील होते. त्यांच्या चाहत्यांसाठीही ते प्रेरणास्थान होते. त्यांच्या सकारात्मक दृष्टिकोनाची पोकळी आयुष्यात नेहमीच जाणवेल." स्टीफन आणि एलेन यांना तीन मुले आहेत.