शीझानची बहीण फलक नाज आणि तुनिषाचे नाते होते घट्ट:अंत्यसंस्काराच्या वेळी रडताना दिसली, तीन आठवड्यांपूर्वी तुनिषाने म्हटले होते- माझी आवडती व्यक्ती!

अभिनेत्री तुनिषा शर्मा आत्महत्या प्रकरणी पोलिसांनी तिचा सहकलाकार शीझान अहमदला अटक केली आहे. तुनिषाच्या आईने शीझान हा मुलीच्या मृत्यूला जबाबदार असल्याचे म्हटले. पोलिस त्याची चौकशी करत आहेत. मंगळवारी तुनिषाच्या अंत्यसंस्काराच्या वेळी एक फोटो समोर आला आहे. या फोटोत आरोपी शीझानची बहीण स्मशानभूमीत रडताना दिसत आहे.

तुनिषाच्या सोशल मीडिया अकाऊंटवरून ती आरोपी शीजानच्या बहिणीच्या अगदी जवळ असल्याचे समोर आले आहे. तिच्या मृत्यूच्या सुमारे तीन आठवड्यांपूर्वी, तुनिषाने इंस्टाग्रामवर शीझानची बहीण फलक नाजसोबतचा एक फोटो शेअर केला आणि तिचा उल्लेख आपल्या आयुष्यातील सर्वोत्तम व्यक्ती असा केला होता. तुनिशाने फलकसाठी बाजी असा उल्लेख केला होता. बाजी म्हणजे बहीण.

यापूर्वी तुनिषाने फलक नाजच्या वाढदिवसाचा फोटो तिच्या सोशल मीडियावर शेअर केला होता. हा फोटो फलकच्या वाढदिवसाच्या सात दिवसांनी पोस्ट करण्यात आला आहे. यामध्ये फलकसोबत तुनिशा आणि शीझान दिसून आले. यामध्ये तुनिषाने फलकला तिच्या आयुष्यातील सर्वात मौल्यवान व्यक्ती असल्याचे म्हटले.

अभिनेत्री तुनिषा शर्माच्या मृत्यूनंतरचा पहिला व्हिडिओ समोर आला आहे. अनेक न्यूज साइट्स आणि सोशल मीडियावर असलेल्या या व्हिडिओमध्ये आरोपी शीझान तुनिषाचा मृतदेह रुग्णालयात आणताना दिसत आहे. मीडिया रिपोर्ट्समध्ये हा व्हिडिओ हॉस्पिटलच्या सीसीटीव्हीमधला असल्याचे सांगण्यात आले आहे. तुनिषाचा मृतदेह घेऊन जाणाऱ्या शीझानसोबत आणखी काही लोक होते.

आरोपीची बहीण म्हणाली- योग्य वेळी बोलेन

आरोपी शिझानची बहीण मंगळवारी दुपारी म्हणाली की, गोष्टीची दुसरी बाजू जाणून घेण्यासाठी प्रत्येक जण उत्सुक आहे, तितकेच आम्हीही उत्सुक आहोत. परंतु सध्या या गंभीर परिस्थितीत तुम्ही आम्हाला प्रायव्हसी द्यावी अशी आमची इच्छा आहे. यावेळी दोन्ही कुटुंबे त्रासात आहेत. आमचा न्यायव्यवस्थेवर पूर्ण विश्वास आहे. आमच्या शांततेला आमची कमजोरी समजू नका, आम्ही योग्य वेळी बोलू.

तुनिषाच्या आईच्या तक्रारीनंतर शिझानची चौकशी

तुनिषाने आत्महत्या केल्यानंतर काही तासांनी तिच्या आईच्या तक्रारीवरून तिचा सहकलाकार शिझान मोहम्मद खानला पोलिसांनी अटक केली होती. आत्महत्येस प्रवृत्त केल्याचा गुन्हा दाखल केल्यानंतर शिझानला चार दिवसांच्या पोलिस कोठडीत पाठवण्यात आले आहे. मुंबईचे एसीपी चंद्रकांत जाधव यांनी दिलेल्या माहितीनुसार, तुनिषा आणि शिझानचे प्रेमप्रकरण सुरू होते. 15 दिवसांपूर्वी त्यांचे ब्रेकअप झाले, त्यामुळे शनिवारी तुनिषाने तिच्या शोच्या सेटवर गळफास लावून घेतला.

तुनिषा कुठे फाशी घेतली

अल्बमच्या शूटिंगदरम्यान शनिवारी सेटवरील मेकअप रूममध्ये तुनिषाने गळफास लावून घेतला. ही मेकअप रूम फक्त शीझान खानची होती. अभिनेत्रीच्या मृत्यूनंतर शीझानने सांगितले होते की, जेव्हा तो शूटिंगवरून परतला तेव्हा खोली आतून बंद होती. गेट न उघडल्याने दरवाजा तोडण्यात आला. तुनिषा बेशुद्ध अवस्थेत आढळली. तिला तातडीने रुग्णालयात नेण्यात आले, तिथे डॉक्टरांनी तिला मृत घोषित केले.

तुनिषा शर्माशी संबंधित या बातम्याही वाचा...

टीव्ही अभिनेत्री तुनिषा शर्माने शनिवारी मुंबईत शूटिंगच्या सेटवर गळफास घेऊन आत्महत्या केली. 20 वर्षीय तुनिषा एक म्युझिक व्हिडिओ शूट करणार होती. सेटवरील लोकांनी तिला फासावर लटकलेले पाहून खाली उतरवले आणि हॉस्पिटलमध्ये नेले. मात्र वाटेतच तिचा मृत्यू झाला. आत्महत्येचे कारण अद्याप समजू शकलेले नाही. आत्महत्येपर्यंत टुनिशा पूर्णपणे सामान्य होती आणि 5 तासांपूर्वी तिने इन्स्टाग्रामवर तिचा फोटो आणि काही नोट्स शेअर केल्या होत्या. येथे वाचा संपूर्ण बातमी

कोण आहे शीझान खान, ज्याच्यावर तुनिषाच्या आईने गंभीर आरोप केले

टीव्ही तथा छोट्या पडद्यावरील अभिनेत्री तुनिषा शर्माच्या आत्महत्या प्रकरणाला आता वेगळेच वळण लागले आहे. तिच्या आत्महत्येची चर्चा आता फिल्म इंडस्ट्रीसह छोट्या पडद्यावरील सृष्टीत देखील होत आहे. कारण, अभिनेत्री तुनिषाच्या आईने तुनिषाच्या को-अ‌ॅक्टर शीझान मोहम्मद खानवर अनेक गंभीर आरोप केले. तर आईने केलेल्या आरोपात मुलीच्या मृत्यूस सीझानच कारणीभूत असल्याचे म्हटले आहे. दरम्यान, पोलिसांनी या प्रकरणी शीझान खानला अटक केली आहे. संपूर्ण बातमी वाचण्यासाठी येथे क्लिक करा