आगामी:आशुतोष गोवारीकरचा अ‍ॅक्शन चित्रपट करणार फरहान अख्तर, 15 वर्षांनंतर स्क्रिनप्ले लिहिणार जावेद

ऐतिहासिक आणि भव्य चित्रपट बनवण्यासाठी ओळखले जाणारे दिग्दर्शक आशुतोष गोवारीकर यांचे शेवटचे दोन चित्रपट 'मोहनजोदारो' आणि 'पानिपत' ला हवे तसे यश मिळाले नव्हते. म्हणूनच आता दिग्दर्शकाने काहीतरी वेगळे करण्याचा विचार केला आहे, जेणेकरून तो परत रुळावर येऊ शकेल. गोवारीकर आता एक अ‍ॅक्शन चित्रपट बनवणार असल्याची बातमी आहे. त्यात ते फरहान अख्तरला मुख्य भूमिकेत घेणार आहेत.

अद्याप निर्मात्यांनी चित्रपटाचे नाव निश्चित केले नाही, परंतु बातमीनुसार, फरहान या चित्रपटात वन रेंजरच्या भूमिकेत असेल. या बिग बजेट चित्रपटाबद्दलही चर्चा आहे की, प्रख्यात गीतकार जावेद अख्तर ही कथा लिहित आहेत. या माध्यमातून ते पंधरा वर्षानंतर पटकथा लेखनात परतणार आहेत.

त्यासोबतच फरहान आणि जावेद पहिल्यांदा एकत्र काम करताना दिसणार आहेत. पुढील वर्षापर्यंत यावर काम सुरू होईल, अशी अपेक्षा आहे. वनसंवर्धनाचा मुद्दा गांभीर्याने घेण्यास हा चित्रपट महत्त्वाची भूमिका बजावणार असल्याची माहिती आहे.