आपल्या शहरातील ताज्या बातम्या आणि ई-पेपर मिळवा मोफत

Install App

सुशांत आत्महत्या प्रकरण:बिहार पोलिसांना चौकशीचा अधिकार नाही, रियाच्या बँक खात्यात पैसे ट्रान्सफर झाल्याचा पुरावा नाही; मुंबई पोलिस आयुक्तांची स्पष्टोक्ती

मुंबई2 महिन्यांपूर्वी
  • कॉपी लिंक
हे छायाचित्र 14 जून 2020 चे आहे. सुशांत सिंह राजपूतने आत्महत्या केल्याचे उघडकीस आल्यानंतर मुंबई पोलिस त्याच्या घरी दाखल झाले होते.
  • पोलिस आयुक्त म्हणाले- याप्रकरणी अद्याप चौकशी सुरू आहे

अभिनेता सुशांत सिंह राजपूतच्या मृत्यूच्या चौकशीबाबत आता बिहार आणि मुंबई पोलिस समोरासमोर आले आहेत. मुंबई पोलिस आयुक्त परमबीर सिंह यांनी प्रथमच या संदर्भात काही गोष्टी पुढे आणल्या आहेत. अलीकडेच त्यांनी माध्यमांशी बोलताना सांगितले की, सुशांतच्या कुटुंबीयांनी आपल्या जबाबात कुणावरही संशय व्यक्त केला नव्हता. सोबतच रियाच्या बँक खात्यात पैसे ट्रान्सफर झाल्याचा पुरावा नाहीये. बिहार पोलिसांना या प्रकरणाचा तपास करण्याचा अधिकार नाही, असेही ते म्हणाले आहेत.

तर दुसरीकडे पाटण्याचे एसपी विनय तिवारी यांना मुंबईत क्वारंटाइन करण्यात आले आहे. यावर हा बृहन्मुंबई महानगरपालिका (बीएमसी) चा मुद्दा आहे. ते त्यांच्या पद्धतीने यावर काम करत असल्याचे सिंह म्हणाले आहेत.

पोलिस आयुक्त म्हणाले- याप्रकरणी अद्याप चौकशी सुरू आहे

  • आयुक्त परमबीर सिंह म्हणाले, सुशांत सिंह राजपूतच्या अ‍ॅक्सिडेंटल डेथ रिपोर्ट 14 जून रोजी वांद्रा पोलिस स्टेशनमध्ये दाखल करण्यात आला होता. आत्महत्या झाल्यास प्रथम 'एडीआर' नोंदविला जातो. अद्याप चौकशी चालू आहे आणि आम्ही कोणत्याही निष्कर्षापर्यंत पोहोचलेलो नाही.
  • ते म्हणाले की, या संदर्भात बरीच सखोल चौकशी केली गेली आहे. आतापर्यंत 56 जणांची निवेदने नोंदविण्यात आली आहेत. अनेक तज्ञ, फॉरेन्सिक एक्स्पर्ट आणि डॉक्टरांच्या टीमकडून याबाबत सल्ला घेण्यात आला आहे.

अशा प्रकरणांची दोन प्रकारे चौकशी केली जाते

  • परमबीर सिंह म्हणाले की, सीआरपीसीनुसार आमची चौकशी सुरू आहे. अशा परिस्थितीत दोन प्रकारचे निकाल लागतात. पहिले प्रकरण अपघाती प्रकरण आहे, ते म्हणजे आत्महत्येचे आणि दुसरे गुन्हेगारीचे. गुन्ह्याच्या बाबतीत, आम्ही संबंधित सीआरपीसीमध्ये रुपांतरित करतो.
  • चौकशीदरम्यान सुशांतच्या घरी उपस्थित असलेल्या सर्व लोकांचे जबाब 16 जून रोजी नोंदविण्यात आले होते. यामध्ये त्याच्या तीन बहिणी आणि वडिलांचा समावेश आहे. इतकेच नव्हे तर सुशांतचे मेहुणे सिद्धार्थ तमर आणि ओपी सिंह यांचे जबाबही घेण्यात आले आहे. आपल्या जबाबात सुशांतच्या कुटुंबियांनी खुनाचा संशय व्यक्त केला नाही, असे सिंह यांनी सांगितले.

बिहार पोलिसांचा तपास योग्य दिशेने आहे की नाही ते माहित नाही - परमबीर सिंह

माध्यमांशी बोलताना परमबीर सिंह म्हणाले, बिहार पोलिसांच्या सध्या सुरू असलेल्या चौकशीचा कायदेशीर कोनातून तपास केला जात आहे. त्यांचा तपास योग्य दिशेने आहे की नाही हे आम्हाला माहिती नाही. यावर आम्ही कायदेशीर सल्ला घेत आहोत. त्यांनी आमच्याकडून हे प्रकरण ट्रान्सफर घ्यायला हवे होते. आमचा तपास योग्य दिशेने सुरु आहे. आम्ही सुशांतच्या बहिणींना पुन्हा चौकशीसाठी बोलावले होते, पण त्या आल्या नाहीत.

  • सुशांतच्या आर्थिक व्यवहाराची चौकशी सुरु

सुशांतच्या आर्थिक व्यवहाराची चौकशी केली जात आहे. त्याच्या खात्यात 18 कोटी होते. त्यानंतरच्या व्यवहारांची चौकशी सुरू आहे. याप्रकरणी आतापर्यंत 56 जणांचे जबाब नोंदवण्यात आले आहेत. आम्ही सुशांतच्या घरातील 13 आणि 14 जूनचे सीसीटीव्ही फुटेज ताब्यात घेतले आहेत. पण काहीही संशयास्पद असल्याचा पुरावा आम्हाला मिळालेला नाही. दिशा सॅलियनच्या आत्महत्येमुळे सुशांत तणावात आला होता. त्याकाळात तो गुगलवर बायपोलर डिसऑर्डर, स्किझोफ्रेनिया सारख्या आजारांवरचे आर्टिकल शोधत होता, असेही परमबीर सिंह यांनी सांगितले.

परमबीर सिंह यांनी पुढे सांगितल्यानुसार, सुशांतची एक्स मॅनेजर दिशा सॅलियन आधीपासूनच तणावात होती. त्या प्रकरणाचीही चौकशी सुरू आहे.

0