आपल्या शहरातील ताज्या बातम्या आणि ई-पेपर मिळवा मोफत

Install App

जागतिक तंबाखू निषेध-दिन:सुमोना चक्रवर्तीपासून ते गायक विशाल ददलानीपर्यंत, या सेलिब्रिटींना धुम्रपान सोडायला लागली बरीच वर्षे  

मुंबई (किरण जैन)2 महिन्यांपूर्वी
  • कॉपी लिंक
  • आता माझ्या शरीराने धूम्रपान करण्यास नकार दिला आहे: सुमोना चक्रवर्ती

31 मे हा दिवस जागतिक तंबाखू निषेध दिन म्हणून साजरा केला जातो. इंडस्ट्रीत अनेक सेलिब्रिटींना धुम्रपानाचे व्यसन आहे. या खास दिवसाच्या निमित्ताने जाणून घेऊयात इंडस्ट्रीतील किती सेलिब्रिटींनी या व्यसनातून स्वतःला मुक्त केले आहे. आणि त्यांच्यासाठी हा प्रवास किती कठीण होता. 

  • मी स्वतःचाच द्वेष करायला लागलो होतो : 'रोडीज' फेम रघु राम

दिव्य मराठीसोबत झालेल्या बातचीतमध्ये 'रोडीज' फेम रघु रामने सांगितले, "मी सिगारेट सोडून चार वर्षे झाली आहेत. मला हे असे व्यसन होते, ज्यामुळे मी स्वतःचाच द्वेष करायला लागलो होतो. मी दिवसातून 20 सिगारेट ओढायचो. प्रत्येक वेळी मी या व्यसनापासून मुक्त होण्याचा प्रयत्न केला, परंतु हे सोपे नव्हते. चार वर्षांपूर्वी मी नेटली डी लूसिओस भेटलो. तिने कधीच सिगारेट आपल्या हातात घेतली नव्हती. मग एक दिवस मी नतालीसाठी हे व्यसन सोडण्याचा निर्णय घेतला. सुरुवातीला बर्‍याच समस्या आल्या, बर्‍याच वेळा मी पुन्हा हातात एक सिगारेट धरावे. पण प्रत्येक वेळी नतालीच्या प्रेमाने मला मोटिव्हेट केले. 26 एप्रिल, 2016 रोजी मी सिगारेट ओढणे बंद केले आणि दरवर्षी मी हा दिवस साजरा करतो.

  • मी प्रयत्न केल्यानंतर सिगारेट सोडली: गायक विशाल ददलानी

गायक विशाल ददलानी म्हणतात, "मी दिवसातून 40 सिगारेट पित असे आणि सिगारेटच्या पॅकेटवर छापलेला इशारा वाचूनही त्याकडे दुर्लक्ष करायचो. सुरुवातीला मला कळलेच नाही ही हे व्यसन मला कसे लागले. या व्यसनाने माझ्या करिअरला ब्रेकच लावला होता. मी एवढी सिगारेट ओढायचो की त्यामुळे माझा आवाज खराब झाला होता. हे साधारण 8 ते 9 वर्षे चालले. बर्‍याच दिवसानंतर मी सिगारेट सोडण्यात यशस्वी झालो आणि माझा आवाज परत मिळवला. माझ्यावर विश्वास ठेवा, ही एक संघर्ष यात्रा होती. ही वाईट सवय सोडणे सोपे नाही. एक काळ असा होता जेव्हा मी गाऊच शकत नव्हता. मी गेल्या वर्षी ऑगस्टमध्ये धूम्रपान सोडले होते. माझा स्वच्छ टोन परत आला आहे. पुन्हा गाणे सुरु झाल्याने मी आनंदी आहे.

  • लॉकडाऊनने लोकांना धूम्रपान करणे कठीण केले : 'थप्पड' फेम अभिनेता हर्ष ए. सिंह

'थप्पड' फेम अभिनेता हर्ष ए सिंह म्हणाला, "मला आनंद झाला की, या लॉकडाऊनमुळे लोकांना धूम्रपान करणे कठीण झाले. कोणाकडेही धूम्रपान करण्याचे मोठे कारण नाही. मी बर्‍याच वर्षांपासून धूम्रपान करणारा होता.  त्याची वाईट चव येते, भयानक वास येतो, आपणास भयानक वाटते, आपल्या फुफ्फुसांवर त्याचा परिणाम होतो हे आपल्याला ठाऊक असते. पण एकदा याची लत लागली तर ती आपल्यासोबत राहते. हे सोडणे फार कठीण आहे, म्हणून जर लोकांनी माघार घेतली असेल, तर ते खरंच कौतुकास्पद आहे. आपण त्यासाठी अभिमान बाळगला पाहिजे.

  • आता माझ्या शरीराने धूम्रपान करण्यास नकार दिला आहे: सुमोना चक्रवर्ती

सुमोना चक्रवर्तीला धूम्रपान करण्याची सवय होती. पण आता तिने सिगारेट पूर्णपणे सोडून दिली आहे, हे करणे मात्र तिच्यासाठी सोपे नव्हते. सुमोना म्हणाली, "सुमारे तीन वर्षांपूर्वी माझ्या एका मित्राच्या वाढदिवशी मी धूम्रपान सोडण्याचा निर्णय घेतला. मी सिगारेटला स्पर्शही केला नाही. अजिबात नाही. निकोटिनलासुद्धा स्पर्श केला नाही. खूप कठीण प्रवास होता आणि आता माझा शरीराने धूम्रपान करण्यास नकार दिला आहे. आता ज्या खोलीत इतर लोक धूम्रपान करत असतात, अशा ठिकाणी मी उभेही राहू शकत नाही. सुमोना पुढे म्हणाली, 'जोवर तुम्ही सोडत नाही, तोवर धूम्रपान सोडणे फार अवघड असते. नंतर हे सोपे होते.

0