ग्रॅमी अवॉर्ड्स 2022:ब्रुनो मार्सला 'लीव्ह द डोर ओपन' या गाण्यासाठी मिळाला 'साँग ऑफ द इयर' अवॉर्ड, सोहळ्याला ए.आर. रहमान यांची उपस्थिती

रविवारी (3 मार्च) लास वेगासमधील एमजीएम ग्रँड गार्डन एरिना येथे संगीत क्षेत्रातील ऑस्कर म्हणून ओळखला जाणारा 64 वा ग्रॅमी पुरस्कार सोहळा पार पडला. आता ग्रॅमी पुरस्कार 2022 च्या विजेत्यांची संपूर्ण यादी देखील समोर आली आहे. विविध 28 कॅटेगरीत हा पुरस्कार देण्यात आला. लोकप्रिय अमेरिकन गायक ब्रुनो मार्सला त्याच्या 'लीव्ह द डोर ओपन' या गाण्यासाठी 'साँग ऑफ द इयर' श्रेणीचा पुरस्कार मिळाला. तर सिल्क सोनिकला 'लीव्ह द डोर ओपन'साठी 'रेकॉर्ड ऑफ द इयर' या पुरस्काराने गौरविण्यात आले. त्याचबरोबर जॉन बॅटिस्टला 'वी आर'साठी 'अल्बम ऑफ द इयर'चा ग्रॅमी पुरस्कार मिळाला आहे.

भारतीय संगीतकार रिकी केज यांनी दुस-यांदा ग्रॅमी पुरस्कारावर मोहोर उमटवली. 'बेस्ट न्यू एज अल्बम' या श्रेणीत रिकी केज यांना हा पुरस्कार मिळाला आहे. रिकी व्यतिरिक्त भारतीय-अमेरिकन गायिका फाल्गुनी शाह हिलादेखील 'अ कलरफुल वर्ल्ड'साठी 'बेस्ट चिल्ड्रन्स म्युझिक अल्बम' श्रेणीत पुरस्कार मिळाला आहे.

अमेरिकन गायिका आणि गीतकार ऑलिव्हिया रॉड्रिगो हिने 'ड्रायव्हर्स लायसन्स'साठी बेस्ट पॉप सोलो न्यू आर्टिस्टचा ग्रॅमी पुरस्कार जिंकला आहे. ऑलिव्हियाचा हा पहिला ग्रॅमी पुरस्कार आहे. द वीकेंडसाठी कान्ये वेस्टला बेस्ट रॅप साँगचा पुरस्कार मिळाला आहे. या सोहळ्याला प्रसिद्ध संगीतकार ए.आर.रहमान यांनी त्यांच्या मुलासोबत हजेरी लावली होती.

ग्रॅमी पुरस्कार 2022 च्या विजेत्यांची संपूर्ण यादी -