हंसिका लग्न करत असलेल्या 450 वर्षे जुन्या फोर्टची झलक:बिझनेसमनसोबत घेणार सप्तपदी; वॉर सूइटमध्ये असेल मुक्काम

राजस्थान आता जगभरातील पर्यटकांसह बॉलिवूड कलाकारांचे आवडते डेस्टिनेशन बनत आहे. चित्रपटांच्या शूटिंगसोबतच बॉलिवूड कलाकार राजस्थानमध्ये लग्नगाठ बांधत आहेत. विकी कौशल आणि कतरिना कैफनंतर आता बॉलिवूड अभिनेत्री हंसिका मोटवानीही जयपूरच्या मुंडोता फोर्ट आणि पॅलेसमध्ये लग्न करणार आहे.

सूत्रांनी दिलेल्या माहितीनुसार, हंसिकाचे लग्न डिसेंबरच्या दुसऱ्या आठवड्यात होणार आहे. त्यासाठी मुंडोता फोर्ट आणि पॅलेसमध्ये तयारी सुरू झाली आहे.

यापूर्वी राजस्थानमध्ये प्रियांका चोप्रा-निक जोनास, रवीना टंडन-अनिल थडानी, नील नितीन मुकेश-रुक्मिणी सहाय, प्रिया सचदेवा-विक्रम चटवाल ​​तसेच हॉलिवूड अभिनेत्री एलिझाबेथ हर्ले-अरुण नायर यांच्यासह अनेक उद्योगपती आणि राजकारणी येथे लग्नाच्या बंधनात अडकले आहेत.

हंसिकाचा होणारा नवरा कोण आहे?
केवळ लग्नाची तारीखच नाही तर हंसिकाच्या होणा-या नव-याचीही माहिती अद्याप उपलब्ध झालेली नाही. मात्र, हंसिका एका राजकारण्याच्या मुलासोबत लग्न करणार असल्याचे बोलले जात आहे. जो मुंबईचा प्रसिद्ध उद्योगपती देखील आहे.

हंसिकाचे करिअर

हंसिकाने बाल कलाकार म्हणून करिअरची सुरुवात केली होती. शाक लाका बूम बूम, क्योंकी सास भी कभी बहू थी, सोन परी या मालिकांमध्ये ती झळकली. याशिवाय ती हृतिक रोशनच्या कोई मिल गया या चित्रपटात दिसली होती.

बॉलिवूडमध्ये तिने आपका सरूर, मनी है तो हनी है असे काही मोजके चित्रपट केले आहेत. हंसिका दक्षिणेतील लोकप्रिय अभिनेत्रींपैकी एक आहे. गेल्या वर्षी तिचा माहा हा चित्रपट प्रदर्शित झाला होता. तर तिचा आगामी तामिळ चित्रपट राऊडी बेबी येत्या काही दिवसांत प्रदर्शित होणार आहे.