'हॉस्टेल डेज'च्या तिसऱ्या सीझनचा टिझर रिलीज:पुन्हा दिसणार कॉलेजच्या सहा मित्रांची मस्ती, राजू श्रीवास्तव अखेरचे दिसणार

प्राइम व्हिडिओची सुपरहिट सिरीज 'हॉस्टेल डेज' लवकरच नव्या सीझनसह परतत आहे. या सिरीजचा पहिला आणि दुसरा सीझन खूप गाजला होता. आता तिसऱ्या सीझनचा टिझर रिलीज झाला आहे. या सीझनची खास गोष्ट म्हणजे, या नवीन सीझनमध्ये सहा कॉलेज मित्रांच्या धमालमस्तीसग मिड लाइफ क्रायसेसही पाहायला मिळणार आहे. विशेष म्हणजे ही दिवंगत कॉमेडियन राजू श्रीवास्तव यांची शेवटची सिरीज आहे. राजू श्रीवास्तव या सिरीजमधून प्रेक्षकांच्या चेहऱ्यावर हसू आणणार आहेत. राजू यांचा शेवटचा परफॉर्मन्स पाहून चाहते भावूक झाले आहेत. कॉमेडियन राजू श्रीवास्तव यांचे यावर्षी 21 सप्टेंबर रोजी निधन झाले. त्यांच्या निधनानंतर ही सिरीज प्रदर्शित होत आहे. येत्या 16 नोव्हेंबरला अमेझॉन प्राइम व्हिडिओवर ही सिरीज रिलीज होणार आहे. पाहा व्हिडिओ...