भारतीय चित्रपट:भारतात बनवलेल्या 2400 चित्रपटांपैकी 500 फक्त हिंदी भाषेतील, पण एकूण कमाईत हिंदीपेक्षा दक्षिणेचा वाटा जास्त

भारतीय चित्रपट उद्योग दरवर्षी सुमारे 1800 चित्रपटांची निर्मिती करतो. यासह, ही इंडस्ट्री जगातील सर्वात जास्त चित्रपट बनवणारा इंडस्ट्री आहे, परंतु भारतीय चित्रपट इंडस्ट्री केवळ बॉलिवूड किंवा हिंदी चित्रपटच नाहीये तर टॉलिवूड, मॉलिवूड आणि सँडलवूडसह जवळपास 25 भाषांमध्ये व्यापली आहे. दक्षिणात्य चित्रपटसृष्टी तामिळ, तेलुगू, मल्याळम, कन्नड यांचाही वार्षिक कमाईत 40 टक्के वाटा आहे. वेगवेगळ्या इंडस्ट्रींनी मिळून भारतीय सिनेमा कसा बनवला ते जाणून घेऊया-

भारतात सर्वाधिक चित्रपट कोणत्या भाषेत बनतात-

भारतीय चित्रपटांच्या कमाईत साउथ इंडस्ट्रीचा वाटा 47 टक्के

2020 च्या अहवालानुसार, भारतीय चित्रपटांच्या एकूण कमाईमध्ये दक्षिण उद्योगाचा वाटा 47 टक्के आहे. भारतातील चित्रपटांची कमाई 3 हजार 800 कोटी आहे, त्यापैकी सुमारे 1900 कोटी फक्त दक्षिणेतून येतात. तर 40 टक्के बॉलिवूड आणि 13 टक्के इतर इंडस्ट्रीतून येतात. तामिळ इंडस्ट्रीचा वाटा 13 टक्के, तेलुगूचा 13 टक्के, कन्नड आणि मल्याळम इंडस्ट्री 5-5 टक्के योगदान देतात. निर्मितीच्या बाबतीत, भारतातील एकूण चित्रपटांपैकी 50 टक्के चित्रपट साउथमध्ये बनवतात.

भारतातील सर्वाधिक कमाई करणार्‍या 5 चित्रपटांमध्ये कोणत्या इंडस्ट्रीतील कोणता चित्रपट आहे?

भारतातील सर्वाधिक कमाई करणारा चित्रपट म्हणजे दंगल, ज्याने जगभरात 1964 कोटी आणि एकट्या भारतात 387 कोटी कमावले. हा हिंदी भाषेतील चित्रपट होता. त्यानंतर दुस-या स्थानावर आहे तेलुगू भाषेतील 'बाहुबली 2'. हा चित्रपट पॅन इंडियामध्ये प्रदर्शित झाला होता. या चित्रपटाने 1749 कोटींची कमाई केली होती. या टॉप 5 यादीतील तीन सर्वाधिक कमाई करणारे चित्रपट हिंदी, तेलुगु आणि कन्नड भाषेतील आहेत. 'दंगल' आणि 'बजरंगी भाईजान' हे दोन हिंदी चित्रपट आहेत, दोन तेलुगू चित्रपट आहेत - 'बाहुबली', 'RRR' आणि कन्नडमधील एक 'KGF 2'. या यादीतील कलेक्शननुसार तेलुगू इंडस्ट्री कमाईच्या बाबतीत आघाडीवर आहे.