आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

आमिरच्या मुलीचा भावी नव-यासोबत रोमँटिक डान्स:क्यूट अंदाजात दोघांनी एकमेकांना घातली अंगठी, साखरपुड्याचा व्हिडिओ व्हायरल

13 दिवसांपूर्वी
  • कॉपी लिंक

आमिर खानची मुलगी आयरा खानने शुक्रवारी तिची बॉयफ्रेंड नुपूर शिखरेसोबत साखरपुडा केला. आयराने नुकताच सोशल मीडियावर एक व्हिडिओ शेअर केला आहे, ज्यामध्ये ती आणि नुपूर अतिशय क्यूट आणि रोमँटिक अंदाजात एकत्र दिसत आहेत. एकमेकांना अंगठी घालत दोघांनी कुटुंबीय आणि मित्रांच्या हजेरीत साखरपुडा केला. यावेळी दोघांनी एकमेकांसोबत डान्सदेखील केला. या जोडप्याच्या एंगेजमेंट सेरेमनीचा हा व्हिडिओ सोशल मीडियावर चर्चेत आहे.

साखरपुड्यानंतर आयराने शेअर केली इमोशनल पोस्ट
आयराने स्वतः हा व्हिडिओ सोशल मीडियावर शेअर केला आहे. व्हिडिओसोबत आमिरच्या मुलीने तिच्या बॉयफ्रेंडसाठी एक अतिशय रोमँटिक इमोशनल नोट लिहिली आहे. आयराने लिहिले- 'लोक मला मी नेहमी चांगल्या पार्टीचे आयोजन करते, असे म्हणतात. मला वाटते की ते मला श्रेय देतात. माझ्या पार्टीत आणि इतरांच्या पार्टीत पाहुण्यांच्या यादीतील फरक असतो. माझ्या आयुष्यात तेच लोक आहेत, जे तो क्षण आनंदी, मजेदार आणि रंजक आणि अद्भुत बनवतात. आमच्या आनंद सामील झाल्याबद्दल सर्वांचे आभार. इन्स्टाग्राम फक्त 20 लोकांना टॅग करण्याची परवानगी देते, परंतु तिथे बरेच लोक होते.' अनेक बॉलिवूड सेलिब्रिटींनी या जोडप्याच्या व्हिडिओवर प्रतिक्रिया दिल्या आहेत.

आयरा आणि नुपूर अनेक वर्षांपासून एकत्र आहेत
आयरा खान आणि नुपूर अनेक वर्षांपासून एकत्र आहेत. ते अनेकदा त्यांच्या सोशल मीडिया अकाउंटवर एकमेकांचे फोटो पोस्ट करत असतात. दोघेही अनेकदा फोटोंच्या माध्यमातून आपले प्रेम व्यक्त करत असतात. गेल्या वर्षी दोघांनी एक पोस्ट शेअर करून आपले नाते अधिकृत केले होते. काही दिवसांपूर्वी त्यांच्या नात्याला दोन वर्षे पूर्ण झाल्यानंतर आयराने नुपूरसाठी एक भावनिक पोस्ट शेअर केली होती.

आयरा हे आमिर खानचे दुसरे अपत्य आहे.
आयरा ही आमिर खानची पहिली पत्नी रीना दत्ताची मुलगी आहे. आयरा व्यतिरिक्त आमिर आणि रीनाला एक मुलगा असून जुनैद हे त्याचे नाव आहे. आमिर आणि रीनाचे लग्न 1986 मध्ये झाले होते. 2002 मध्ये दोघे वेगळे झाले, त्यानंतर आमिरने 2005 मध्ये किरण रावशी लग्न केले, पण जुलै 2021 मध्ये दोघांचा घटस्फोट झाला.

बातम्या आणखी आहेत...