गौरीचा बॉयफ्रेंड म्हणून SRKला ओळखत होतो:कबीर खान म्हणाला- शाहरुख कॉलेजमध्ये सीनियर होता, त्याच्या नोट्स देखील घेतल्या

बॉलिवूड इंडस्ट्रीतील दिग्दर्शक कबीर खान सांगतो की, जेव्हा तो पहिल्यांदा मुंबईला पोहोचला तेव्हा तो फक्त शाहरुख खानला ओळखत होता. कबीर आणि शाहरुख दिल्लीतील एकाच कॉलेजमध्ये शिकायचे. शाहरुख कबीरचा सिनिअर होता. कबीरने सांगितले की, कॉलेजमध्ये तो शाहरुखला गौरीचा बॉयफ्रेंड म्हणून ओळखत होता.

कबीरच्या म्हणण्यानुसार, त्याने आणि गौरीने एका संगीत नाटकात एकत्र काम केले होते. शाहरुख अनेकदा गौरीला भेटायला यायचा. त्याचवेळी गौरीच्या माध्यमातून त्याची शाहरुखशी ओळख झाली. शाहरुखने कबीरला नंतर अभ्यासाच्या नोट्स देखील दिल्या होत्या.

शाहरुख-गौरीला अनेक दशकांपासून ओळखतो- कबीर
बॉलीवूडमध्ये येण्यापूर्वी कबीर खान कॅमेरामन आणि डॉक्युमेंट्री फिल्ममेकर म्हणून काम करत होता. 'ह्युमन्स ऑफ बॉम्बे'शी झालेल्या संवादात त्याने आपल्या करिअरच्या सुरुवातीच्या दिवसांतील काही आठवणी शेअर करताना सांगितले की, 'जेव्हा मी कामाच्या शोधात मुंबईत आलो होतो. तेव्हा शाहरुख खानशिवाय मी कोणाला ओळखत नव्हतो. बरं, मला त्यावेळी वाटलं नव्हतं की शाहरुख माझ्यासोबत कधी काम करेल. कारण तो तोपर्यंत शाहरुख मोठा स्टार झाला होता. जरी मी त्याला आणि गौरीला अनेक दशकांपासून ओळखत असलो तरी देखील.

गौरीच्या माध्यमातून कबीर शाहरुखला पहिल्यांदा भेटला
कबीर पुढे म्हणाला, 'दिल्लीच्या जामिया मिलिया कॉलेजमध्ये शाहरुख माझा सिनियर होता. माझी त्यांच्याशी फारशी ओळख नव्हती. तरी गौरी आणि मी मिळून वेस्ट साइड स्टोरी नावाची एक संगीत कथा तयार केली होती. आम्ही दोघे तिथे डान्सर असायचो. गौरी एक उत्तम नृत्यांगना होती, कदाचित मी देखील तितका वाईट डान्सर नव्हतो. आम्ही 6 महिने एकत्र सराव केला. त्यानंतर शाहरुख गौरीला भेटायला आला आणि त्यानंतर माझी शाहरुखशी ओळख झाली.

शाहरुखने अभ्यासाच्या नोट्स देखील दिल्या
आपला मुद्दा पुढे मांडत कबीर म्हणाला की, मी नंतर जामियामध्ये प्रवेश घेतला. शाहरुख तिथे आधीच शिकत होता. मला आठवतंय, तो तिथे अर्थशास्त्राचा विद्यार्थी होता. मी पण इकॉनॉमिक्स घेणार होतो. त्याने मला त्याच्या नोट्स दिल्या, तो खूप हुशार विद्यार्थी होता. मला त्या नोट्सचा खूप फायदा झाला.

कबीरचा देवावर विश्वास नाही, स्वतःला नास्तिक सांगतो
याच मुलाखतीत कबीरने त्याची पत्नी मिनी माथूर हिच्या धर्माबद्दलही सांगितले. ते म्हणाले की, दोन भिन्न धर्मांतून आल्यानंतरही त्यांच्या लग्नात कधीच अडथळा आला नाही. कबीर म्हणाला, 'जेव्हा मी लग्न करण्याचा विचार केला, तेव्हा मला वाटले की मिनीचे कुटुंब ते इतक्या सहजासहजी स्वीकारणार नाही. मिनी पारंपारिक मधुर कुटुंबातून आली होती, तरीही तिने आमचे आणि माझे नाते मनापासून स्विकारले. दोन्ही रितीरिवाजांनी आमचं लग्न झालं. मी नास्तिक आहे, मी देवावर विश्वास ठेवत नाही, कदाचित म्हणूनच हे स्वीकारणे माझ्यासाठी इतके सोपे आहे. आमच्यात अनेक भांडणे झाली, अनेक वाद झाले पण धर्म हा भांडणाचा हा विषय राहिला नाही. आणि नसणार देखील नाही.

अनेक चित्रपटांचे दिग्दर्शन, त्यातील एक 'एक था टायगर'
कबीरने 1999 मध्ये 'द फॉरगॉटन आर्मी' या माहितीपटाद्वारे दिग्दर्शनात पदार्पण केले. हा माहितीपट सुभाषचंद्र बोस यांच्या आझाद हिंद सेना यावर आधारित होता. यानंतर त्याने काबुल एक्सप्रेस या चित्रपटातून खऱ्या अर्थाने पदार्पण केले.
यानंतर त्यांनी यशराजचे 'न्यूयॉर्क', 'एक था टायगर' यांसारख्या अनेक चित्रपटांचे दिग्दर्शन केले. यातील सलमान खान स्टार एक था टायगर हा चित्रपट सर्वाधिक हिट ठरला होता. त्याचा नवीनतम रिलीज '83' हा टीम इंडियाच्या 1983 च्या विश्वचषक गौरवावर आधारित चित्रपट आहे.