आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

करीना कपूर कोलकाता इव्हेंटमध्ये झाली स्पॉट:उडता पंजाबच्या गाण्यावर केला डान्स, बॉयकॉट बॉलिवूड ट्रेंडवरही बोलली

6 दिवसांपूर्वी
  • कॉपी लिंक

बॉलिवूड अभिनेत्री करीना कपूर आणि गायिका कनिका कपूर रविवारी कोलकाता येथे इंडियन चेंबर ऑफ कॉमर्स-यंग लीडर्स फोरम कार्यक्रमात दिसल्या. या कार्यक्रमाचा एक व्हिडिओ समोर आला आहे, ज्यामध्ये कनिका स्टेजवर करिनाच्या 'उडता पंजाब' चित्रपटातील दा दा दासे गाताना दिसत आहे. तर करीना या गाण्यावर डान्स करत आहे. या इव्हेंटमध्ये करीना आणि कनिका दोघीही ब्लॅक ड्रेसमध्ये दिसल्या.

चित्रपट नसतील तर करमणूक कशी होणार
या कार्यक्रमात बॉलीवूडच्या बॉयकॉट ट्रेंडबद्दल बोलताना करीना म्हणाली, 'मी याच्याशी अजिबात सहमत नाही. असे झाले तर आम्ही लोकांचे मनोरंजन कसे करणार, तुमच्या आयुष्यात आनंद कसा येईल, ज्याची प्रत्येकाला गरज आहे असे मला वाटते. चित्रपटच नसतील तर मनोरंजन कसे होणार.'

बॉयकॉट या शब्दाचा अर्थ काय आहे?
सध्या सोशल मीडियावर बॉयकॉट हा शब्द ट्रेंड होत आहे. यासोबतच बहुतांश चित्रपट आणि सेलिब्रिटींची नावेही ट्रेंडमध्ये आहेत. या शब्दातून लोक आपला राग काढत चित्रपट न पाहण्याचे आवाहन करत आहेत. यापूर्वी अनेक सेलिब्रिटींनी यावर प्रतिक्रिया दिल्या आहेत.

बायकॉट ट्रेंड कसा सुरू झाला?
आमीर खानच्या 'लाल सिंह चड्ढा' या चित्रपटापासून बायकॉटचा ट्रेंड सुरू झाला. चित्रपटावर बहिष्कार टाकण्यामागे लोकांनी अनेक कारणे दिली होती. ट्रोल करणाऱ्यांनी त्यांच्या पहिल्या कारणात म्हटले होते की, आमिरने काही वर्षांपूर्वी देशातील वाढत्या असहिष्णुतेवर प्रतिक्रिया दिली होती. ते म्हणाले होते की, देशातील वातावरण खराब आहे आणि त्यामुळे त्यांची माजी पत्नी किरणला देश सोडायचा आहे. दुसरे कारण म्हणजे 'पीके' चित्रपटात देवाचा अपमान केला होता. आणि तिसरे म्हणजे काही वर्षांपूर्वी 'सत्यमेव जयते' शोमध्ये म्हटले होते की, महादेवाच्या मूर्तीला दूध अर्पण करण्याऐवजी एखाद्या मुलाला खाऊ घालणे चांगले. यावर लोकांनी 'लाल सिंह चड्ढा'वर पैसे खर्च करण्याऐवजी ते गरीब मुलांना खाऊ घालतील, असे म्हटले होते.

बातम्या आणखी आहेत...