आपल्या शहरातील ताज्या बातम्या आणि ई-पेपर मिळवा मोफत
Install AppADS Free बातम्या वाचण्यासाठी आताच इंस्टॉल करा दिव्य मराठी अॅप
केरळ उच्च न्यायालयाने सनी लिओनला अटक करण्यास गुन्हे शाखेवर बंदी घातली आहे. हा खटला 29 लाखांच्या आर्थिक फसवणूकीशी संबंधित आहे. सनीने दाखल केलेल्या अटकपूर्व जामीन अर्जावरील निकालानंतर हा आदेश आला आहे. एका इव्हेंट मॅनेजमेंट कंपनीने सनीविरोधात तक्रार दाखल केली होती की, 2019 मध्ये पैसे मिळाल्यानंतरही व्हॅलेंटाईन डेनिमित्त परफॉर्मन्ससाठी सनी आली नव्हती.
याचिकेत सनी लिओनी आणि तिचा नवरा डॅनियल यांच्या व्यतिरिक्त आणखी एका व्यक्तीने सांगितले की सनी निर्दोष आहे. सनीला कोची गुन्हे शाखेने 3 फेब्रुवारी रोजी तिरुअनंतपुरम येथे चौकशीसाठी बोलावले होते. तिच्यावर आयपीसीच्या कलम 406 आणि 420 अन्वये गुन्हा दाखल करण्यात आला होता.
आयोजकांनी दिले नाहीत 12 लाख रुपये
या प्रकरणात सनीने सांगितले होते की, ती दोनदा गेली आहे पण कार्यक्रम झाला नाही. तसेच हा कार्यक्रम बर्याच वेळा रद्द करण्यात आला होता. नंतर कोची जवळील अंगमाली येथील एडलक्स इंटरनॅशनल कन्वेंशन सेंटरमध्ये करण्याचे ठरले. पण आयोजकांवरच सनीचे 12 लाख रुपये कर्ज आहे.
तक्रारदाराने दोन कोटी रुपयांची भरपाई मागितली
सनी लिओनच्या म्हणण्यानुसार तिने तपास अधिकाऱ्यांना पूर्ण सहयोग दर्शवला आहे. यासह, तिच्यासोबत घडलेल्या संपूर्ण घटनेचीही माहिती देण्यात आली आहे. तिने त्यांच्या आणि तक्रारदारामध्ये झालेल्या व्यवहाराची कागदपत्रे तपास अधिकाऱ्यांना दिली. दरम्यान तक्रार करणाऱ्या शियाजने सनीला भरपाऊ म्हणून दोन कोटी रुपये मागितले आहे.
Copyright © 2020-21 DB Corp ltd., All Rights Reserved
This website follows the DNPA Code of Ethics.