सिद्धार्थ-कियाराच्या लग्नातील पाहुण्यांची यादी फायनल:करण जोहरसह अनेक सेलिब्रिटींच्या नावांचा समावेश

बॉलिवूडचे लोकप्रिय जोडपे सिद्धार्थ मल्होत्रा ​​आणि कियारा अडवाणी लवकरच लग्नबंधनात अडकणार आहेत. इंडिया टुडेच्या वृत्तानुसार, या जोडप्याने त्यांच्या लग्नासाठी पाहुण्यांच्या यादीवर काम सुरू केले आहे. सिद्धार्थ-कियाराच्या लग्नाला बी-टाऊनचे अनेक सेलिब्रिटी आणि फिल्ममेकर्स उपस्थित राहणार असल्याचे रिपोर्ट्समध्ये म्हटले जात आहे. सिद्धार्थ आणि कियारा त्यांच्या काही निर्माता आणि दिग्दर्शक मित्रांच्या खूप जवळ आहेत आणि ते त्यांना लग्नासाठी आमंत्रित करण्याचा विचार करत आहेत.

पाहुण्यांच्या यादीत करण जोहरचे नाव झाले फायनल
सिद्धार्थ-कियाराच्या लग्नाची गेस्ट लिस्ट लीक झाली आहे. यामध्ये करण जोहर आणि अश्विनी यार्दीची नावं निश्चित झाली आहेत. हे दोघेही सिद्धार्थ आणि कियारा यांच्या खूप जवळ आहेत. तर विकी कौशल, कतरिना कैफ, वरुण धवन, जॅकी भगनानी आणि त्याची गर्लफ्रेंड रकुल प्रीत सिंग यांनाही आमंत्रित केले जाण्याची शक्यता आहे.

सिद्धार्थ-कियारा यांचे लग्न चंदीगडच्या ओबेरॉय सुखविलास हॉटेलमध्ये होणार आहे

अनेक मीडिया रिपोर्ट्समध्ये दावा केला जातोय की, या जोडप्याने त्यांच्या लग्नाचे ठिकाण ठरवले आहे. या लग्नासाठी चंदीगडमधील ओबेरॉय सुखविलास हॉटेलची निवड करण्यात आली आहे. लग्नानंतर दोघांचे ग्रॅण्ड रिसेप्शन मुंबईत होणार आहे. एवढेच नाही तर मल्होत्रा ​​आणि अडवाणी कुटुंबीयांनी लग्नाची तयारी सुरू केली आहे. लवकरच लग्नाच्या तारखेची अधिकृत घोषणा केली जाईल असे म्हटले जात आहे.

सिद्धार्थ आणि कियारा यांचे आगामी प्रोजेक्ट्स
सिद्धार्थ आणि कियाराने 2021 मध्ये आलेल्या 'शेरशाह' चित्रपटात एकत्र काम केले होते. सिद्धार्थच्या वर्कफ्रंटबद्दल बोलायचे झाले तर, तो रोहित शेट्टीच्या 'इंडियन पुलिस फोर्स' या वेब सिरीजमध्ये दिसणार आहे. ही सिरीज Amazon Prime वर रिलीज होणार आहे. दुसरीकडे, कियारा लवकरच 'सत्यप्रेम की कथा'मध्ये दिसणार आहे. या चित्रपटात तिच्यासोबत कार्तिक आर्यन मुख्य भूमिकेत आहे.

पॉवर कपल सिद्धार्थ मल्होत्रा ​​आणि कियारा अडवाणी यांच्या लग्नाची चर्चा जोरात सुरू आहे. लवकरच दोघेही लग्नबंधनात अडकणार असल्याच्या बातम्या येत आहेत. नुकत्याच आलेल्या मीडिया रिपोर्ट्सनुसार, असा दावा केला जातोय की या जोडप्याने त्यांच्या लग्नाचे ठिकाण ठरवले आहे. दोघेही चंदीगडमध्ये लग्न करणार असल्याची माहिती आता समोर आली आहे. एवढेच नाही तर मल्होत्रा ​​आणि अडवाणी कुटुंबीयांनी लग्नाच्या तयारीला सुरुवात केली आहे. लवकरच लग्नाच्या तारखेची अधिकृत घोषणा केली जाईल असे म्हटले जात आहे. वाचा सविस्तर...