लताजींच्या शेवटच्या प्रवासाचे PHOTOS:लता दीदींचे चरण स्पर्श करून शाहरुखने वाहिली श्रद्धांजली, दीदींच्या अंत्यदर्शनासाठी चाहत्यांची मोठी गर्दी

गानसम्राज्ञी लता मंगेशकर आता आपल्यात नाहीत. मुंबईतील ब्रीच कँडी रुग्णालयात रविवारी सकाळी 8 वाजता त्यांनी अखेरचा श्वास घेतला. 92 वर्षीय लता मंगेशकर यांना 29 दिवसांपूर्वी 8 जानेवारी रोजी कोरोना आणि न्यूमोनियामुळे रुग्णालयात दाखल करण्यात आले होते. दुपारी 1.10 वाजता लताजींचे पार्थिव त्यांच्या घरी 'प्रभू कुंज' येथे पोहोचले. त्यानंतर लता मंगेशकर यांचे पार्थिव तिरंग्यात लष्कराच्या ट्रकमध्ये ठेवून शिवाजी पार्क येथे आणण्यात आले.

त्यांच्या पार्थिवावर काही वेळातच शिवाजी पार्क स्मशानभूमीत अंत्यसंस्कार करण्यात येणार आहेत. शाहरुख खान, सचिन तेंडुलकर, जावेद अख्तर, श्रद्धा कपूर यांच्यासह अनेक सेलिब्रिटीही शिवाजी पार्कवर अंत्यदर्शनासाठी उपस्थित आहेत. पंतप्रधान नरेंद्र मोदीही मुंबईत पोहोचले असून, लवकरच शिवाजी पार्कवर त्यांना अंत्यदर्शनासाठी पोहोचणार आहेत.

लताजींच्या निधनाबद्दल दोन दिवसांचा राष्ट्रीय शोक पाळण्यात येणार असून देशभरात राष्ट्रध्वज अर्धवट राहील. अमिताभ बच्चन, अनुपम खेर, जावेद अख्तर यांच्यासह अनेक सेलिब्रेटीही त्यांच्या घरी अंतिम दर्शनासाठी पोहोचले होते. त्याचवेळी सचिन तेंडुलकरसह अनेक सेलिब्रिटी हॉस्पिटलमध्येही प्रकृतीची विचारपूस करण्यासाठी गेले होते.