आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

अपकमिंग सीरिज:'ब्रेक पॉइंट'मध्ये दिसणार लिएंडर पेस आणि महेश भूपति यांची ऑन-ऑफ कोर्ट कहाणी, वेब सीरिजचा ट्रेलर झाला रिलीज

एका महिन्यापूर्वी
  • कॉपी लिंक
  • ओटीटी प्लॅटफॉर्मवर 1 ऑक्टोबर रोजी ही सीरिज रिलीज होईल.

दिग्दर्शक नितेश तिवारी यांच्या आगामी 'ब्रेक पॉइंट' या वेब सीरिजचा पहिला ट्रेलर रिलीज झाला आहे. सात भागांची ही सीरिज भारतीय टेनिस स्टार लिएंडर पेस आणि महेश भूपति त्यांच्या टेनिस मॅचेसच्या इतिहासावरच नाही तर ऑन आणि ऑफ कोर्ट दोघांच्या नात्यावर देखील प्रकाश टाकेल. या सीरिजच्या अश्विनी अय्यर तिवारी या सहदिग्दर्शिका असून त्या नितेश यांच्या पत्नीदेखील आहेत. ओटीटी प्लॅटफॉर्मवर 1 ऑक्टोबर रोजी ही सीरिज रिलीज होईल.

टेनिस आयकॉन त्याच्या विभाजनाबद्दल स्पष्ट आणि प्रामाणिक असल्याची ही पहिलीच वेळ आहे आणि कथेमध्ये आपली बाजू मांडून अटकळांना पूर्णविराम देत आहेत. ट्रेलरमध्ये टेनिस आयकॉन सानिया मिर्झा, बॉब ब्रायन, माइक ब्रायन यांच्या मुलाखती असून त्यांच्या कुटुंब आणि मित्रांचा समावेश आहे.

लिएंडर पेस म्हणतात की, "स्वतःला स्क्रीनवर पाहणे हा एक अनोखा अनुभव आहे. पण मला असे वाटते की बरेच काही सांगितले आणि अंदाज केले गेले आहेत आणि याला सरळपणे भिडणे, याला शांत करण्याचा यापेक्षा चांगला मार्ग असू शकत नाही. यासाठीच, पहिल्यांदाच आम्हाला आमची कथा सांगण्याची संधी मिळते आहे आणि आशा आहे की प्रेक्षक आमच्या कोर्टातील भागीदारीची प्रशंसा करतील आणि ब्रेकअपच्या आमच्या कारणांचा आदर करतील.'

महेश भूपति म्हणाले की, 'प्रत्येक भागीदारी गोंधळ आणि उतार-चढावातून जाते आणि आमची देखील तशीच राहिली आहे. आमच्या ऑन-कोर्ट भागीदारीबद्दल जगाला माहिती आहे, या निमित्ताने त्यांना प्रथमच आमच्या ऑफ-कोर्ट जीवनाबद्दल आणि नातेसंबंधांबद्दल कळणार आहे. मात्र, यामुळे आमचा विजय आणि कामगिरी कमी ठरू नये कारण आमच्यात मतभेद असूनही ली-हेशने इतिहास घडवला आणि आम्हाला त्याचा अभिमान आहे."

'ब्रेक पॉइंट' चित्रपट निर्माते, अश्विनी अय्यर तिवारी आणि नितेश तिवारी यांच्यासोबत त्यांच्या अर्थस्काय प्रोडक्शन बॅनर अंतर्गत झी 5 घेऊन येत आहे. 7 भागांच्या या मालिकेचा प्रीमियर 1 ऑक्टोबरला झी 5 वर होणार असून इंग्रजी, हिंदी, तामिळ आणि तेलुगु या भाषांमध्ये उपलब्ध होणार आहे.

बातम्या आणखी आहेत...