वय फक्त एक आकडा:मानुषी 20 वर्षांनी मोठ्या अक्षयसोबत बॉलिवूडमध्ये करणार पदार्पण; वयाने दुप्पट अभिनेत्यासोबत 'या' अभिनेत्रीनींही केलय काम

मिस वर्ल्ड मानुषी छिल्लर लवकरच अक्षय कुमारसोबत पृथ्वीराज या चित्रपटातून बॉलिवूडमध्ये पदार्पण करत आहे. 3 जून रोजी प्रदर्शित होणाऱ्या या चित्रपटात अक्षय राजा पृथ्वीराज चौहान आणि मानुषी संयोगिता यांच्या भूमिकेत आहे. मानुषी या चित्रपटात तिच्या वयाच्या दुप्पट असलेल्या अक्षय कुमारसोबत दिसणार आहे. अभिनेत्री फक्त 24 वर्षांची आहे तर अक्षय तिच्यापेक्षा 54 वर्षांनी मोठा आहे. मानुषीच्या आधीही अशा अनेक अभिनेत्री आहेत ज्यांनी आपल्या वयापेक्षा खूप मोठ्या अभिनेत्यांसोबत चित्रपटांमध्ये प्रवेश केला आहे. चला जाणून घेऊया कोण आहेत त्या अभिनेत्री-

सोनाक्षी सिन्हा : पदार्पण चित्रपट- दबंग

शत्रुघ्न सिन्हा यांची मुलगी सोनाक्षी सिन्हा हिने 2010 मध्ये आलेल्या दबंग चित्रपटातून बॉलिवूडमध्ये पदार्पण केले. या चित्रपटात त्याच्यासोबत सलमान खान मुख्य भूमिकेत होता. चित्रपट रिलीज झाला तेव्हा सलमान खान 45 वर्षांचा होता, तर सोनाक्षी फक्त 23 वर्षांची होती. दोघांच्या वयात 22 वर्षांचा फरक आहे.

जिया खान : पदार्पण चित्रपट- निशब्द

दिवंगत अभिनेत्री जिया खानने निशब्द या चित्रपटाद्वारे बॉलिवूडमध्ये पदार्पण केले. पदार्पणाच्या वेळी जिया अवघ्या 19 वर्षांची होती, तर अभिनेता अमिताभ बच्चन 67 वर्षांचे होते. त्यावेळी बिग बी जियापेक्षा 48 वर्षांनी मोठे होते.

दीपिका पादुकोण : पदार्पण चित्रपट- ओम शांति ओम

दीपिका पदुकोणने वयाच्या 18 व्या वर्षी ओम शांती ओम या चित्रपटाद्वारे बॉलिवूडमध्ये पदार्पण केले. या चित्रपटात तिच्यासोबत शाहरुख खान मुख्य भूमिकेत होता, तो त्यावेळी 42 वर्षांचा होता. दीपिका शाहरुखपेक्षा 24 वर्षांनी लहान होती, तरीही दोघींना ऑनस्क्रीन खूप पसंत केले गेले. चेन्नई एक्सप्रेस, हॅप्पी न्यू इयर आणि आता पठाण या चित्रपटातही दोघे एकत्र दिसणार आहेत.

असिन: पदार्पण चित्रपट-गजिनी

दाक्षिणात्य चित्रपट अभिनेत्री असिनने 2008 साली गजनी चित्रपटाद्वारे बॉलिवूडमध्ये पदार्पण केले. या चित्रपटात असिन सोबत आमिर खान हे दोघे मुख्य भूमिकेत दिसले होते. तसेच आमिर खान असिन पेक्षा 10 वर्ष मोठा आहे. 2008 मध्ये असिन 23 वर्षांची होती, तर आमिर 33 वर्षांचा होता.

अनुष्का शर्मा : पदार्पण चित्रपट- रब ने बना दी जोडी

वयाच्या 20 व्या वर्षी अनुष्का शर्माने रब ने बना दी जोडी या चित्रपटाद्वारे बॉलिवूडमध्ये पदार्पण केले. या चित्रपटात अनुष्काची जोडी त्यावेळी 43 वर्षांचा शाहरुख खान बनली होती जो वयाने अनुष्कापेक्षा 23 वर्षांनी मोठा होता.

जरीन खान: पदार्पण चित्रपट- वीर

जरीन खानने 2010 मध्ये आलेल्या वीर चित्रपटातून बॉलिवूडमध्ये पदार्पण केले. झरीन तिच्या पदार्पणाच्या वेळी 23 वर्षांची होती, तर तिची सहकलाकार 45 पेक्षा जास्त वयाची होती.

स्नेहा उल्लाल: पदार्पण चित्रपट- नो टाइम फॉर लव

स्नेहा उल्लालने 2005 साली आलेल्या लकी चित्रपटातून सलमान खानसोबत पदार्पण केले होते.2005 मध्ये चित्रपटात पदार्पण केल्याच्या वेळी स्नेहा फक्त 17 वर्षांची होती, तर सलमान त्यावेळी 40 वर्षांचा होता.

प्रीती झिंटा : पदार्पण चित्रपट- दिल से

‘दिल से’ चित्रपटातून पदार्पण करताना प्रीती झिंटाही शाहरुखपेक्षा 10 वर्षांनी लहान होती. 1998 मध्ये प्रीती 23 वर्षांची होती तर शाहरुख 33 वर्षांचा होता.

डायना पेंटी : पदार्पण चित्रपट- कॉकटेल

​​​​​ डायना पेंटीने 2012 मध्ये दीपिका पदुकोण आणि सैफ अली खान यांच्यासोबत कॉकटेल चित्रपटाद्वारे पदार्पण केले. चित्रपटात पदार्पण केल्यानंतर डायना 27 वर्षांची होती तर तिचा सहकलाकार सैफ अली खान 42 वर्षांचा होता.

कतरिना कैफ : पदार्पण चित्रपट- बूम

​​​​​​​

​​​​​​​कतरिना कैफने 2003 मध्ये बूम या हिंदी चित्रपटातून तिच्या अभिनय कारकिर्दीला सुरुवात केली. कॅटरिना तिच्या पदार्पणाच्या वेळी फक्त 19 वर्षांची होती, तर तिचे सहकलाकार अमिताभ बच्चन 61 आणि गुलशन ग्रोव्हर 43 वर्षांचे होते. मैंने प्यार क्यूं किया या चित्रपटाने कतरिनाला प्रसिद्धी मिळवून दिली, ज्यामध्ये ती सलमान खान सोबत दिसली होती. 2005 मध्ये कतरिना 22 आणि सलमान 40 वर्षांचा होता.