आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

नवरात्री स्पेशल फोटोशूट:नवरात्रीच्या पाचव्या दिवशी अभिनेत्री तेजस्विनी पंडित म्हणतेय, ‘भूतदया परमो धर्मा:’ !!, बघा खास फोटोशूटची झलक

एका महिन्यापूर्वी
  • कॉपी लिंक
  • तेजस्विनी पंडितने फोटो सीरिजमध्ये पाचव्या दिवशी तिने प्राणीमात्रांवर भूतदया करण्याचा सामाजिक संदेश दिला आहे.

अभिनेत्री तेजस्विनी पंडित यंदाच्या नवरात्रीमध्ये कोरोना योद्धांना ईलस्ट्रेशन फोटो सीरिजव्दारे आदरांजली अपर्ण करत आहे. नऊ दिवसांत नऊ वेगवेगळ्या क्षेत्रातल्या कोरोना योद्धांना ट्रिब्यूट देण्यसाठी सुरु केलेल्या फोटो सीरिजमध्ये पाचव्या दिवशी तिने प्राणीमात्रांवर भूतदया करण्याचा सामाजिक संदेश दिला आहे.

प्राण्यांना मायेने खाऊ घालणा-या प्राणी मित्रांमधल्या ‘दैवी’ कर्मांना या फोटोद्वारे तेजस्विनी पंडितने आदरांजली अर्पण केली आहे. तेजस्विनी पंडित म्हणते, “भूतदया परमो धर्मा: ही शिकवण आज आपण कुठेतरी विसरत चाललो आहोत. कोरोना पसरण्याची सुरूवात होण्याच्या काळात एक अफवा पसरली होती, की, प्राण्यांमुळेही कोरोनाचा प्रादुर्भाव होतो. तेव्हा या अफवेची सत्यता न पडताळता अनेकांनी आपल्या पाळीव प्राण्यांना घराबाहेर काढले होते. याच काळात अचानक सगळं लॉकडाऊन झाल्याने अनेक रस्त्यावरच्या प्राण्यांवर आणि पक्षांवरही उपासमारीची पाळी आली. तेव्हा प्राणीमित्र देवासारखे धावून गेले. आणि या मुक्या जीवांना मदतीचा हात दिला. त्यांना आपल्या घासातला घास दिला. कोरोनाच्या काळात आपल्या जीवाची तमा न बाळगता घराबाहेर पडून मुक्याजीवांना जवळ करणा-या प्राणीमित्रांना या ईलस्ट्रेशन फोटोव्दारे माझे वंदन आहे.”

तेजस्विनी पूढे म्हणते, “माणूस तोंडाने सांगू शकतो की, त्याला काही त्रास होतोय. पण हे बिचारे मुके प्राणी मात्र आपलं दुखणं-खुपणं नाही सांगू शकतं. ते बोलू शकत नाही, याचा अर्थ की त्यांना भावना नसतात, असा नाही. पण आज जिथे माणूसच माणसाला विसरलाय, तिथे प्राण्यांची काय अवस्था झाली असेल. आपल्याकडे जनावरांना काहीच महत्व दिलं जात नाही हे दुर्देव. प्राणीमित्रांना आणि प्राणीमित्र संघटनांनाही सरकारचा विशेष पाठिंबा नाही. प्राण्यांचे शेल्टरहोम अचानक बंद केल्याने अनेक आजारी- म्हातारे प्राणी बेवारशाप्रमाणे रस्त्यावर आले. हे सगळं कुठेतरी मनात खदखदत होतं. जे या फोटोव्दारे साकारण्याचा प्रयत्न केलाय.”