आपल्या शहरातील ताज्या बातम्या आणि ई-पेपर मिळवा मोफत

Install App

मिथुनदांच्या मुलाविरूद्ध तक्रार:मिथुन चक्रवर्तींचा मुलगा महाअक्षयविरोधात बलात्कार आणि जबरदस्तीने गर्भपात करण्यास भाग पाडल्याचा आरोप; पत्नी योगिताविरोधातही तक्रार दाखल

मुंबई11 दिवसांपूर्वी
  • कॉपी लिंक
  • महाअक्षयची आई योगिता बाली यांच्यावरही प्रकरण दडपण्याच्या आरोप आहे.
  • फिल्म इंडस्ट्रीत काम करणार्‍या अभिनेत्री-मॉडेलने दोघांविरोधात तक्रार दाखल केली आहे.

प्रसिद्ध अभिनेते मिथुन चक्रवर्ती यांचा मुलगा आणि पत्नी वादाच्या भोव-यात सापडले आहेत. त्यांचा मुलगा महाअक्षय चक्रवर्तीविरोधात मुंबईतील ओशिवरा पोलिस ठाण्यात बलात्कार, फसवणुक आणि बळजबरीने गर्भपात करण्यास भाग पाडल्याची तक्रार दाखल करण्यात आली आहे. या प्रकरणी मिथुन यांची पत्नी योगिता बाली यांच्यावरही धमकावल्याचा आरोप आहे. फिल्म इंडस्ट्रीत काम करणार्‍या अभिनेत्री-मॉडेलने दोघांविरोधात ही तक्रार दाखल केली आहे.

लेखी तक्रारीत पीडित मॉडेलचा काय आहे आरोप?

  • पीडिता आणि महाअक्षय 2015 पासून रिलेशनशिपमध्ये होते. महाअक्षयने लग्नाचे वचन देऊन तिच्याशी शारीरिक संबंध ठेवले होते.
  • 2015 मध्ये महाअक्षयने पीडितेला घरी बोलावले आणि शीत पेयातून तिला नशेच्या गोळ्या दिल्या. आणि तिच्या संमतीशिवाय तिच्याशी शारीरिक संबंध ठेवले. नंतर त्याने तिला लग्नाचे आमिष दाखवले.
  • महाअक्षय ऊर्फ मिमोहने चार वर्षे वारंवार तिच्यासोबत शारीरिक संबंध ठेवले आणि मानसिक त्रास दिला.
  • दरम्यान पीडित तरुणी गर्भवती राहिली. त्यानंतर महाअक्षय आणि त्याची आई योगिता बाली यांच्याकडून तिच्यावर वारंवार गर्भापात करण्याचा दबाव टाकण्यात आला.
  • पीडित तरुणीने गर्भपात करण्यास नकार दिल्यानंतर महाअक्षयने तिला काही गोळ्या खायला दिल्या. ज्यामुळे तिचा गर्भपात झाला.
  • याप्रकरणी पीडिता तक्रार करण्यासाठी पोलिस ठाण्यात गेली होती. मात्र, तिची तक्रार नोंदवून घेतली नाही असेही पीडितेने फिर्याद देताना सांगितले आहे. त्यानंतर महाअक्षय आणि त्याची आई योगिता बाली यांनी पीडितेला धमकवण्यास सुरुवात केली.

या कलमांतर्गत गुन्हा दाखल
ओशिवरा पोलिस ठाण्याचे वरिष्ठ निरीक्षक दयानंद बांगर यांनी सांगितल्यानुसार, महाक्षय आणि त्याच्या आईविरूद्ध कलम 376 (2) (N) (वारंवार त्याच महिलेवर बलात्कार करणे), 328 (विष देणे किंवा दुस-या पद्धतीने हानी पोहोचवणे), 417 (फसवणूक), 506 (धमकावणे), 313 (स्त्रीच्या संमतीशिवाय गर्भपात करणे) आणि कलम 34 अंतर्गत तक्रार दाखल करण्यात आली आहे.

ही एफआयआर दिल्लीच्या रोहिणी कोर्टाने दिलेल्या एका आदेशानंतर मुंबईत दाखल करण्यात आली. पीडितेने 2018 मध्ये कोर्टात धाव घेतली होती. सुरुवातीला कोर्टाने दिल्लीत तक्रार दाखल करण्यास सांगितले होते. मात्र अंतिम निर्णयानंतर हे प्रकरण मुंबईत ट्रान्सफर केले गेले. या प्रकरणी ओशिवारा पोलिसात तक्रार दाखल करण्यात आली असून आता पोलिस पुढील तपास करत आहेत.

महाअक्षयवर यापूर्वीही लागले होते असे आरोप
महाअक्षय यापूर्वीही अशाच अडचणीत सापडला होता. दोन वर्षांपूर्वी म्हणजे 2018 मध्ये एका भोजपुरी अभिनेत्रीने महाअक्षयावर लग्नाचे आमिष दाखवून बलात्कार आणि गर्भपात करण्यास भाग पाडल्याचा आरोप केला होता.