आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कोरोनामुळे बॉलिवूडचे 2100 कोटी पणाला:एप्रिल 2022 पर्यंत प्रदर्शित होणार्‍या 14 मोठ्या चित्रपटांवर परिणाम, चित्रपट पुढे ढकलल्याने बिघडणार रिलीज कॅलेंडर

हिरेन अंतानी13 दिवसांपूर्वी
  • कॉपी लिंक
  • 3-4 महिने मोठे चित्रपट येणार नाहीत, लालसिंग चड्ढा-KGF-2 साठीही धोक्याची घंटा
  • नोव्हेंबर-डिसेंबर 2022 मध्ये प्रदर्शित होणारे चित्रपट देखील 2023 पर्यंत पुढे सरकतील

2022 च्या सुरुवातीला आलेल्या कोरोनाच्या तिसर्‍या लाटेने बॉलिवूड आणि साउथ सिनेमांचे रिलीज कॅलेंडर पूर्णपणे बिघडले आहे. एप्रिल 2022 पर्यंत रिलीज होणार्‍या 14 चित्रपटांच्या रिलीजच्या तारखा लांबणीवर जाऊ शकतात. जानेवारीमध्ये प्रदर्शनासाठी सज्ज असलेल्या आरआरआर, राधे-श्याम आणि पृथ्वीराजचे रिलीज टळल्याने त्याची सुरुवात झाली आहे. केवळ या 3 चित्रपटांवर इंडस्ट्रीचे सुमारे 1100 कोटी रुपये पणाला लागले आहेत.

त्याच वेळी, जर आपण एप्रिल 2022 पर्यंतच्या चित्रपटांवर नजर टाकली तर 14 मोठ्या चित्रपटांवर इंडस्ट्रीने तब्बल 2125 कोटी रुपये खर्च केले आहेत. निर्माते चित्रपट घाईघाईत रिलीज करून त्यांच्या कमाईवर त्याचा परिणाम पडू देऊ इच्छित नाहीत. जानेवारीमध्ये नियोजित असलेल्या सर्व चित्रपटांचे प्रदर्शन जवळपास पुढे ढकलण्यात आले आहे. जर परिस्थिती अशीच राहिली तर फेब्रुवारी आणि मार्च 2022 मध्ये प्रदर्शित होणाऱ्या चित्रपटांचे प्रदर्शनही पुढे ढकलण्यात येईल.

भरघोस कमाईची अपेक्षा करणाऱ्या बड्या चित्रपटांना आता रिलीजसाठी बराच काळ वाट पाहावी लागणार आहे. शूटिंग-पोस्ट प्रोडक्शन थांबत आहे, त्याचा परिणाम वर्षाच्या शेवटी येणाऱ्या चित्रपटांच्या प्रदर्शनावरही होऊ शकतो.

आता काय परिस्थिती आहे
दिल्ली, हरियाणा, छत्तीसगड आणि बिहारमध्ये सिनेमागृहे बंद आहेत. महाराष्ट्र, तामिळनाडू, पश्चिम बंगालमध्ये 50% क्षमतेने थिएटर्स चालू आहेत. यूपी, गुजरातसह बहुतांश राज्यांमध्ये नाईट शो बंद झाले आहेत. हे पाहता जर्सी, आरआरआर, राधे-श्याम आणि पृथ्वीराज या चार चित्रपटांचे प्रदर्शन पुढे ढकलण्यात आले आहे.

सर्वकाही सामान्य होईपर्यंत मोठे चित्रपट येणार नाहीत
पर्सेप्ट पिक्चर कंपनीचे फीचर फिल्म बिझनेस हेड आणि फिल्म डिस्ट्रिब्युशन एक्सपर्ट युसूफ शेख यांनी सांगितले की, आरआरआर, पृथ्वीराज, लालसिंग चड्ढा यांसारख्या चित्रपटांमध्ये 200 ते 400 कोटींची गुंतवणूक आहे. आता एवढी कमाई करण्यासाठी देशभरातील चित्रपटगृहांमध्ये सामान्य व्यवसायाची गरज आहे. अशी परिस्थिती येईपर्यंत या चित्रपटांच्या प्रदर्शनाबाबत कोणताही विचार केला जाणार नाही.

युसूफ म्हणतात की, चित्रपट इंडस्ट्रीतील सर्व स्टॉक होल्डर्स, निर्माते, वितरक, एग्झिबिटर्स, ओव्हरसीज डिस्ट्रीब्युटर्स त्यांच्या प्रदर्शनाच्या तारखेवर अडून राहणार नाहीत. जर तुम्हाला चांगले उत्पन्न हवे असेल तर प्रत्येकाला त्याच्या नियोजनात बदल करावा लागेल. आता जानेवारीत एकही चित्रपट प्रदर्शित होणार नाही. यानंतर सर्व काही नव्याने उभारण्यासाठी तीन ते चार महिने लागतील.

संपूर्ण रिलीज कॅलेंडर पुन्हा शेड्यूल केले जाईल
'कंप्लीट सिनेमा' या ट्रेड मॅगझिनचे संपादक आणि व्यापार विश्लेषक अतुल मोहन म्हणाले की, गेल्या दोन वर्षांचा बॉलिवूडचा अनुभव असा आहे की, थिएटर आधी बंद पडतात आणि सर्वात शेवटी उघडतात. महाराष्ट्रात कोविड नंतर 100% ऑक्युपेन्सी कधीच आली नाही. अशा परिस्थितीत मोठ्या बजेटच्या चित्रपटांचे निर्माते कोणतीही घाई करणार नाहीत.

सध्या एप्रिल 2022 पर्यंत बिग बजेट चित्रपट प्रदर्शित होण्याची शक्यता अवघड आहे. मोठ्या चित्रपटांच्या वेळापत्रकाचा इतर छोट्या चित्रपटांवर परिणाम होईल. पुढे मागे काही मिड बजेट चित्रपट असतील. काही OTT वर जातील. री-शूटिंग आणि पोस्ट-प्रॉडक्शन थांबले आहेत, याचा अर्थ वर्षाच्या शेवटी आगामी चित्रपटांच्या रिलीजच्या तारखा पुन्हा बदलल्या जाऊ शकतात.

जर ओमायक्रॉनची लाट लवकरच ओसरली तर...

  • फेब्रुवारीमध्ये शाबाश मीठू, बधाई दो आणि जयेशभाई जोरदार हे मिड बजेट चित्रफट प्रदर्शित होतील. या चित्रपटांचा व्यवसाय बघून गंगूबाई काठियावाडीबद्दल निर्णय घेतला जाऊ शकतो. जर चांगला व्यवसाय मिळाला नाही, तर गंगूबाईचे प्रदर्शन अजून लांबणीवर पडू शकते.
  • 14 एप्रिलला तामिळ न्यू इयर आणि गुड फ्रायडेमुळे साऊथ आणि ओव्हरसीज बिझनेससाठी ही महत्त्वाची तारीख आहे. काही मोठे चित्रपट या तारखेच्या आसपास प्रदर्शित होऊ शकतात. त्यानंतर 28-29 एप्रिलला ईद वीकेंडवर मोठे चित्रपट येऊ शकतात. या तारखांना लालसिंग चड्ढा, केजीएफ 2 पूर्वीच प्लान शेड्युलमध्ये आहेत, त्यामुळे राधेश्याम, आरआरआर, पृथ्वीराज या चित्रपटांना या तारखा मिळणे कठीण आहे.

जर ओमायक्रॉनची लाट दीर्घकाळ राहिली तर...

  • गंगुबाई काठियावीड, बच्चन पांडे, भूल भुलैय्या 2, शमशेरा यांसारखे चित्रपट अजून लांबणीवर पडतील.
  • पृथ्वीराज, शमशेरा सारखे चित्रपट ऑगस्ट-सप्टेंबरपर्यंत लांबणीवर पडतली.
  • या स्थितीत रक्षाबंधन, आदिपुरुष, लाइगर हे चित्रपट अजून पुढे ढकलले जाऊ शकतात.
  • वर्षाच्या शेवटी प्रदर्शित होणा-या ज्या चित्रपटांचे शूटिंग, पोस्ट प्रॉडक्शन बंद पडतील, ते पुढील वर्षापर्यंत पुढे सरकतील.

प्रत्येक राज्याचा व्यवसाय महत्त्वाचा आहे

दिल्ली आणि हरियाणातील काही मोठ्या शहरांमध्ये सिनेमागृहे बंद करण्यात आली आहेत. चित्रपट व्यवसायात त्यांचा वाटा 10 ते 15% आहे. एखाद्या चित्रपटाने 100 कोटी कमावण्याची अपेक्षा केली तर येथून 10 ते 15 कोटी मिळतात. साहजिकच कोणताही निर्माता या प्रदेशाकडे दुर्लक्ष करू शकत नाही. बिहार, बंगाल आणि तामिळनाडूमध्ये निम्म्या क्षमतेने चित्रपटगृह सुरु आहेत.

सध्या फक्त वेट अँड वॉच
कोणताही निर्माता सध्या नव्या तारखेचा विचारही करणार नाही. सगळे वातावरण निवळल्यावर, भीती संपल्यावर ते त्यांचे चित्रपट प्रदर्शित करण्याचा विचार करतील. सध्या संपूर्ण उद्योग पुन्हा वेट अँड वॉचच्या मोडमध्ये आहे.

बातम्या आणखी आहेत...