मौनी रॉयने दाखवले आपले लग्झरी घर:लिव्हिंग रूमपासून किचनपर्यंत सर्व काही आहे खास, चाहते म्हणाले- घर असावे तर असे

टीव्ही आणि बॉलिवूडची प्रसिद्ध अभिनेत्री मौनी रॉय लवकरच एशियन पेंट्सच्या 'व्हेअर द हार्ट इज'च्या एका भागात दिसणार आहे, ज्याचा एक व्हिडिओ समोर आला आहे. व्हिडिओमध्ये मौनी रॉय पती सूरज नांबियारसोबत तिच्या आलिशान घराची झलक दाखवणार आहे. मौनी तिच्या लिव्हिंग रुममध्ये प्रेक्षकांचे स्वागत करते. तिच्या मागे एक मोठा टीव्ही स्क्रीन दिसतो. लिव्हिंग रुममध्ये सुंदर लॅम्प, कुशन आणि मॅचिंग फर्निचरसह भिंतीची सजावटही खूपच सुंदर दिसतेय. मौनीच्या घराचा प्रत्येक कोपरा अतिशय सुंदर पद्धतीने सजवण्यात आला आहे. तिच्या घरातील स्वयंपाकघरही खूप सुंदर आहे, जे पांढ-या आणि काळ्या रंगाच्या अप्रतिम कॉम्बिनेशनने सजलेले आहे.

घराबद्दल बोलताना मौनी म्हणाली, 'घर ही माझ्यासाठी कधीच एक जागा नव्हती, ते नेहमीच माझे लोक, माझे कुटुंब राहिले आहे. आता मी मोठे झालेय, मला समजले आहे की आरामदायक असणे आणि चांगले दिसणे खूप महत्वाचे आहे. हे माझे घर आहे, हे माझे ठिकाण आहे याच्याशी माझ्या भावना जोडल्या गेल्या आहेत.' मौनीचे घर पाहिल्यानंतर चाहते खूपच इम्प्रेस झाले आहेत. एका यूजरवर कमेंट करत लिहिले की, 'घर असावे तर असे'. पाहा व्हिडिओ...