नागार्जुन अक्किनेनींचा चित्रपटांपासून ब्रेक:'बिग बॉस तेलुगू सीझन 6' च्या शूटिंगसाठी चित्रपटांपासून ब्रेक घेतोय अभिनेता

साऊथच् सुपरस्टार नागार्जुन अक्किनेनी काही काळासाठी चित्रपटांपासून ब्रेक घेत आहे. रिपोर्ट्सनुसार, बिग बॉस तेलुगु सीझन 6 च्या शूटिंगसाठी नागार्जुन चित्रपटांपासून दूर राहणार आहेत. ते लवकरच अयान मुखर्जीच्या आगामी 'ब्रह्मास्त्र'मधून बॉलिवूडमध्ये पुनरागमन करणार आहे, दरम्यान ते कोणत्याही नवीन प्रोजेक्टवर काम करणार नाहीत.

नागार्जुन नवीन चित्रपट साइन करणार नाहीत
रिपोर्ट्सनुसार, नागार्जुन सध्या बिग बॉस तेलुगुच्या आगामी सीझन 6 वर लक्ष केंद्रित करत आहेत. त्यामुळे ते कोणताही नवीन चित्रपट साइन करत नाहीये. रिअॅलिटी शो 4 सप्टेंबर 2022 पासून सुरू होऊ शकतो. निर्मात्यांनी या शोची तयारी सुरू केली आहे.

'बिग बॉस तेलुगू' चौथ्यांदा होस्ट करणार
नागार्जुन चौथ्यांदा 'बिग बॉस तेलुगू' होस्ट करणार आहे. त्यांनी 2019 मध्ये सीझन 3 पासून हा शो होस्ट करायला सुरुवात केली होती. बिग बॉसच्या ओटीटी आवृत्तीचा पहिला सीझनही त्यांनीच होस्ट केला होता. बिग बॉस तेलुगुच्या पहिल्या सीझनमध्ये, ज्युनियर एनटीआरने त्याच्या संवाद आणि अँकरिंग कौशल्याने प्रेक्षकांचे भरपूर मनोरंजन केले होते.

नागार्जुन 'ब्रह्मास्त्र'मधून बॉलिवूडमध्ये करत आहेत कमबॅक
नागार्जुन अयान मुखर्जीच्या 'ब्रह्मास्त्र' चित्रपटात दिसणार आहे. या चित्रपटात रणबीर कपूर, आलिया भट्ट, अमिताभ बच्चन आणि मौनी रॉय यांच्याही प्रमुख भूमिका आहेत. 'ब्रह्मास्त्र' 9 सप्टेंबर 2022 रोजी सिनेमागृहात प्रदर्शित होणार आहे.